যুদ্ধবিৰতি উলংঘন; জম্মু-কাশ্মীৰৰ ছাম্বা জিলাত পুনৰ দেখা গ'ল পাকিস্তানৰ সন্দেহযুক্ত ড্ৰ’ন

Story by atv | Posted by [email protected] • 3 h ago

জম্মু-কাশ্মীৰৰ ছাম্বা জিলাত পুনৰ দেখা গ'ল পাকিস্তানৰ সন্দেহযুক্ত ড্ৰ’ন

নতুন দিল্লী

সোমবাৰে নিশা প্ৰধানমন্ত্ৰী নৰেন্দ্ৰ মোদীয়ে দেশবাসীক সম্বোধন কৰাৰ কিছু সময় পিছতেই জম্মু-কাশ্মীৰৰ ছাম্বা জিলাৰ আকাশত সন্দেহযুক্ত ড্ৰ’ন দেখা যায়। ভাৰত আৰু পাকিস্তানৰ মাজত অব্যাহত থকা উত্তেজনাৰ মাজতে এই ঘটনা সংঘটিত হোৱাৰ বিপৰীতে প্ৰতিৰক্ষা সূত্ৰই প্ৰকাশ কৰিছে যে আতংকিত হোৱাৰ কোনো প্ৰয়োজন নাই।

সংবাদ সংস্থা এএনআইয়ে শ্বেয়াৰ কৰা এটা ভিডিঅ’ত দেখা গৈছে যে ছাম্বাত পাকিস্তানী ড্ৰ’ন নিয়োজিত হৈ আছে। ভিডিঅ’টোত কিছুমান ৰঙা ৰেখা দেখা গৈছে আৰু বিস্ফোৰণৰ শব্দও শুনা গৈছে। ভাৰতীয় সেনাই এই ড্ৰ’নবোৰক বাধা দিয়ে।

ভাৰত-পাকিস্তান সীমান্তৰ সমীপৰ স্থানসমূহৰ ভিতৰত ছাম্বা অন্যতম। এই অঞ্চলত ভাৰতে ৮ মে’ৰ নিশা পাকিস্তানী ড্ৰ’নসমূহক বাধা দিছিল। ইয়াৰ পূৰ্বে জম্মু, আখনুৰ, নগ্ৰোটা, অমৃতসৰ আৰু পাঠানকোটতো পাকিস্তানী ড্ৰোন উৰি থকা দেখা গৈছিল।

#WATCH | J&K: Red streaks seen and explosions heard as India's air defence intercepts Pakistani drones amid blackout in Samba.

(Visuals deferred by unspecified time) pic.twitter.com/EyiBfKg6hs
— ANI (@ANI) May 12, 2025

উল্লেখ্য যে, ২২ এপ্ৰিলৰ পহলগাম সন্ত্ৰাসবাদী আক্ৰমণৰ প্ৰতিশোধ হিচাপে ভাৰতে অপাৰেচন সেন্দুৰ আৰম্ভ কৰাৰ এদিন পিছতে পাকিস্তানে সীমান্তৰ ওচৰৰ কেইবাটাও অঞ্চলত ড্ৰ’নেৰে আক্ৰমণ চলায়। আমেৰিকাৰ হস্তক্ষেপত পাকিস্তান আৰু ভাৰতৰ মাজত যুদ্ধবিৰতি সম্পন্ন হোৱাৰ পিছত পাকিস্তানী সেনাৰদ্বাৰা এয়া দ্বিতীয়টো যুদ্ধবিৰতি উলংঘনৰ ঘটনা। শনিবাৰে নিশাও তেওঁলোকে এইধৰণে যুদ্ধবিৰতি উলংঘা কৰি ভাৰতলৈ ড্ৰ'ন নিক্ষেপ কৰিছিল।