আৱাজ-দ্য ভইচ অসম ব্যুৰো
অসামৰিক বিমান পৰিবহণ মন্ত্ৰালয়ৰ পৰা আপত্তিহীন প্ৰমাণপত্ৰ (এন অ’ চি) লাভ কৰাৰ পিছতে আলহিন্দ এয়াৰ (alHindAir) আৰু ফ্লাইএক্সপ্ৰেছ (FlyExpress) নামৰ দুটা নতুন বিমান সংস্থাই আকাশত উৰা মাৰিবলৈ সাজু হৈছে।
আলহিন্দ এয়াৰৰ প্ৰচাৰ চলাইছে কেৰালাস্থিত আলহিন্দ গ্ৰুপে (alhind Group)। যিটো তিনি দশক পূৰ্বে কালিকাটত প্ৰতিষ্ঠা কৰা হৈছিল। আলহিন্দ এয়াৰৰ প্ৰতিস্থাপক হৈছে মহম্মদ হাৰিছ টি।
আলহিন্দ ট্যুৰছ এণ্ড ট্ৰেভেলছে মানচিক এভিয়েশনৰ সৈতে কৌশলগত চুক্তিত স্বাক্ষৰ মহম্মদ হৰিছ টিয়ে
মহম্মদ হৰিছ টি কোন?
মহম্মদ হাৰিছ টি হৈছে আলহিন্দ গ্ৰুপ অব কোম্পানীৰ (alhind Group of Companies) প্ৰতিস্থাপক। ভ্ৰমণ আৰু পৰ্যটন উদ্যোগত তেওঁৰ দীৰ্ঘদিনীয়া অভিজ্ঞতা আছে। তেওঁ ভাৰতীয় হজ উমৰা সন্থাৰ প্ৰতিষ্ঠাপক সাধাৰণ সম্পাদকৰ পদতো অধিষ্ঠিত। কালিকাটত জন্মগ্ৰহণ কৰা হাৰিছে কলা বিষয়ত স্নাতক ডিগ্ৰী (বি এ হিষ্ট্ৰী এণ্ড ইকনমিক্স) আৰু ফাৰ্মাক’লজীত ডিগ্ৰী লাভ কৰিছিল।
আলহিন্দ গ্ৰুপে ভ্ৰমণ সম্পৰ্কীয় বহু সেৱা আগবঢ়াই আহিছে, যাৰ ফলত ই ভ্ৰমণৰ প্ৰয়োজনীয়তাৰ বাবে এক গন্তব্যস্থান। বছৰ বছৰ ধৰি এই গোটটোৱে বিশ্বজুৰি নিজৰ উপস্থিতি সম্প্ৰসাৰিত কৰিছে। এতিয়া ইউ এ ই, চৌদি আৰব, কাটাৰ, ওমান, বাংলাদেশ, কুৱেইটকে ধৰি কেইবাখনো দেশত এই কোম্পানীটোৰ কাৰ্যালয় আৰু অংশীদাৰ আছে। এই নেটৱৰ্কৰ জৰিয়তে আলহিন্দ গ্ৰুপে বিশ্বৰ বিভিন্ন প্ৰান্তৰ গ্ৰাহকক সেৱা আগবঢ়াবলৈ সক্ষম হৈছে।
ইউ এ ইৰ শ্বাৰজাহৰ আলহিন্দ টাৱাৰত আল হিন্দ গ্ৰুপ অব কোম্পানীৰ কাৰ্যালয় উদ্বোধনৰ এক দৃশ্য
আলহিন্দ গ্ৰুপ অব কোম্পানীৰৰ অংশ আলহিন্দ এয়াৰে আঞ্চলিক যাতায়ত বিমান সংস্থা হিচাপে বিমান পৰিবহণ খণ্ডত প্ৰৱেশ কৰিবলৈ সাজু হৈছে। চলিত বৰ্ষৰ শেষৰ ফালে বিমান সংস্থাটোৱে কাম আৰম্ভ কৰাৰ সম্ভাৱনা আছে। কোম্পানীটোৰ মতে, আলহিন্দ এয়াৰে এটিআৰ ৭২-৬০০ বিমানৰ বহৰেৰে যাত্ৰা আৰম্ভ কৰিব আৰু প্ৰথম অৱস্থাত ঘৰুৱা বিমান যাত্ৰাৰ দক্ষ আৰু নিৰ্ভৰযোগ্যতা প্ৰদান কৰাত মনোনিৱেশ কৰিব।
১৯৯০ চনত প্ৰতিষ্ঠা হোৱা আলহিন্দ গ্ৰুপ এছিয়াৰ ভ্ৰমণ আৰু ভ্ৰমণ ব্যৱস্থাপনা উদ্যোগৰ এক আগশাৰীৰ নামলৈ পৰিণত হৈছে। বছৰ বছৰ ধৰি গোটটোৱে নিজৰ এক শক্তিশালী সুনাম গঢ়ি তুলিছে আৰু ভ্ৰমণ আৰু বিমান পৰিবহণ খণ্ডক গঢ় দিয়াত গোটটোৱে গুৰুত্বপূৰ্ণ ভূমিকা পালন কৰি উদ্যোগটোৰ এক বিশ্বাসযোগ্য নাম হিচাপে পৰিগণিত হৈছে।
