আৱাজ-দ্য ভইচ অসম ব্যুৰ'
ভাৰতীয় ক্ৰিকেট দলৰ বেগী বলাৰ মহম্মদ ছিৰাজে বহুবাৰ নিজৰ উৎকৃষ্ট প্ৰদৰ্শনেৰে দলটোক বিজয়ৰ সোৱাদ দিবলৈ সক্ষম হৈছে। নিজৰ আক্ৰমণাত্মক বলিং শৈলীৰ বাবেই প্ৰতিগৰাকী ভাৰতীয় ক্ৰিকেট প্ৰেমীৰ প্রিয় মহম্মদ ছিৰাজ। শেহতীয়াকৈ সংবাদ মাধ্যমৰ এক সাক্ষাৎকাৰত তেওঁৰ প্ৰদৰ্শনৰ অনুপ্ৰেৰণাৰ কথা সুধিছিল এগৰাকী সাংবাদিকে। সাংবাদিকৰ প্ৰশ্নৰ উত্তৰত মহম্মদ চিৰাজে কৈছিল যে, নিজৰ দেশক প্ৰতিনিধিত্ব কৰাটোৱে আটাইতকৈ ডাঙৰ অনুপ্ৰেৰণা।
মহম্মদ চিৰাজে কয়, "মোৰ বাবে মোৰ দেশক প্ৰতিনিধিত্ব কৰিব পোৱাটোৱে আটাইতকৈ ডাঙৰ অনুপ্ৰেৰণা। যেতিয়া মই নিজৰ দেশৰ বাবে খেলো, তেতিয়া মোৰ এটাই লক্ষ্য থাকে যে খেলখনত মই নিজৰ সম্পূৰ্ণ প্ৰচেষ্টা লগাব লাগিব। দেশৰ বাবে খেলিলে মই নিজৰ ১০০% দিব চেষ্টা কৰোঁ। খেল সমাপ্ত হোৱাৰ পিছত যেতিয়া বিচনাত যাম, তেতিয়া এনেকুৱা লাগিব নালাগে যে মই মোৰ ১০০% দিয়া নাই। দেশৰ বাবে খেলিলে মই সম্পূৰ্ণ ১০০% দিওঁ, ফলাফল যিয়ে নহওক।"
উল্লেখযোগ্য যে, ইংলেণ্ডৰ বিৰুদ্ধে চলি থকা এণ্ডাৰচন-তেণ্ডুলকাৰ ট্ৰফী-২০২৫ ৰ তৃতীয়খন মেচত মহম্মদ ছিৰাজে খেলখনৰ গুৰুত্বপূৰ্ণ মুহূৰ্তত আউট হয়, যাৰ ফলত ভাৰতে পৰাজয়বৰণ কৰে। তেওঁ ৰবীন্দ্ৰ জাদেজাৰ সৈতে দীৰ্ঘসময় ধৰি যুঁজ দি আছিল আৰু ভাৰতৰ বাবে আশাৰ বতৰা কঢ়িয়াই আনিছিল। অৱশ্যে, ছিৰাজে শ্বৱাইব বছিৰৰ এটা বলত ভালদৰে বলটো প্ৰহাৰ কৰিছিল যদিও বলটোৰ স্পিনৰ ফলত ই ষ্টাম্পত খুন্দা মাৰে আৰু পিছত আউত হয়। ইয়াৰ লগে লগে ভাৰতে তৃতীয়খন টেষ্টত পৰাজয়বৰণ কৰে।
মহম্মদ ছিৰাজৰ বাবে সেই মুহূৰ্তটো অতি কঠিন আছিল আৰু তেওঁৰ অন্তৰ ভাঙি গৈছিল। বিশেষকৈ যেহেতু ছিৰাজে খেলখনত তিষ্টি থাকিবলৈ সংগ্ৰাম কৰি আছিল। তেওঁ উপলব্ধি কৰিছিল যে বৃহৎ ব্যৱধানত পৰাজয় হোৱাত কৈ জয়ৰ একেবাৰে ওচৰ চাপি পৰাজয় হ'লে অধিক কষ্ট পাই। অৱশ্যে, তেওঁ হৈ যোৱা কথাকলৈ আপত্তি কৰি নাথাকি শীঘ্ৰেই আগবাঢ়িল আৰু শৃংখলাৰ বাকী থকা টেষ্টত মনোনিবেশ কৰিব ধৰিলে।
এগৰাকী বলাৰ হিচাপে ছিৰাজে বুজি পায় যে প্ৰচেষ্টা আৰু উৎকৃষ্টতা সদায়েই উইকেটত পৰিণত নহয়। তেওঁ ধৈৰ্য্য ধৰিবলৈ শিকিছে আৰু ফলাফল আহিব বুলি বিশ্বাস কৰি ভাল ব'লিং কৰাত মনোনিবেশ কৰিছে। তেওঁ বিশ্বাস কৰে যে ভগবান বা আল্লাহে তেওঁৰ ওপৰত নজৰ ৰাখিছে আৰু তেওঁ আগুৱাই যোৱাত সহায়ো কৰিব।
ৱিকেট দখল কৰাৰ পিছত উল্লাস মহম্মদ ছিৰাজৰ
আনহাতে, কৰ্মৰ বোজাৰ বিষয়ে হোৱা আলোচনাসমূহত মূলতঃ জছপ্ৰীত বুমৰাহৰ বিষয়ে আলোচনা কৰা হয়, কিন্তু মহম্মদ ছিৰাজৰ নিজৰ বোজাও কম নহয়। তেওঁ ভাৰতৰ শেহতীয়া ২৭ খন টেষ্টৰ ২৪ খন খেলিছে আৰু এই শৃংখলাত ১০৯ অভাৰ বলিং কৰিছে। তথাপিও ক্লান্তিৰ কথা কোৱা নাই, কেৱল বিশ্বাস, আৰু আগুৱাই যোৱাৰ ক্ষুধা।
"মই ঈশ্বৰক ধন্যবাদ দিছো যে তেওঁ মোক সুস্থ কৰি ৰাখিছে", তেওঁ কয়। "কৰ্মব্যস্ততা এটা কথা, আৰু বাতৰিত প্ৰকাশ পাই যে ছিৰাজে ইমান ওভাৰ বলিং কৰিছে। কিন্তু মোৰ বাবে এয়া মাত্ৰ আন এক সুযোগ। মই ভাল প্ৰদৰ্শন কৰিব বিচাৰো আৰু দেশৰ বাবে খেলত জয়ী হোৱাত সহায় কৰিব বিচাৰো। মই যিমান পাৰো সিমান মেচ খেলিব বিচাৰো, আৰু মই কেৱল মোৰ ১০০% দিব বিচাৰো", ছিৰাজে কয়।
উল্লেখযোগ্য যে, বাৰ্মিংহামত ইংলেণ্ডৰ বিৰুদ্ধে দ্বিতীয়খন টেষ্টৰ তৃতীয় দিনত মহম্মদ ছিৰাজৰ উৎকৃষ্ট বলিঙৰ বাবে শচীন টেণ্ডুলকাৰে প্ৰশংসা কৰে। মহম্মদ ছিৰাজে নিজৰ আক্ৰমণাত্মক বলিং প্ৰদৰ্শনেৰে ৬ টা উইকেট দখল কৰি মাত্ৰ ১৯.৩ অভাৰত ৭০ ৰান দিয়ে। ভাৰতীয় দলটোৱে ইংলেণ্ডক ৪০৭ ৰানত আউট কৰাত সহায় কৰে। তাৰ পাছতে ভাৰতে ২৪৪ ৰানৰ অগ্ৰগতিৰে দিনটো সমাপ্ত কৰে।
.webp)
