নতুন দিল্লী
প্ৰধানমন্ত্ৰী নৰেন্দ্ৰ মোদীয়ে আজি তেওঁৰ অষ্ট্ৰেলিয়াৰ সমকক্ষ এন্থনী এলবানিজৰ সৈতে বিস্তৃত আলোচনাত মিলিত হৈছে, যাৰ উদ্দেশ্য হৈছে নৱীকৰণযোগ্য শক্তি, বাণিজ্য আৰু প্ৰতিৰক্ষাৰ ক্ষেত্ৰত দুয়োখন দেশৰ মাজত সম্পৰ্ক বৃদ্ধি কৰা। প্ৰধানমন্ত্ৰী মোডীয়ে কয় যে দুয়োগৰাকী নেতাই অষ্ট্ৰেলিয়াত মন্দিৰ ভঙা ঘটনাৰ বিষয়েও আলোচনা কৰিছিল।
প্ৰধানমন্ত্ৰী মোডীয়ে কয়, "প্ৰধানমন্ত্ৰী এন্থনী এলবানিজ আৰু মই আগতেও অষ্ট্ৰেলিয়াৰ মন্দিৰসমূহত হোৱা আক্ৰমণ আৰু বিচ্ছিন্নতাবাদী উপাদানসমূহৰ কাৰ্যকলাপৰ বিষয়ে আলোচনা কৰিছিলো। আমি আজিও সেই বিষয়টোৰ ওপৰত আলোচনা কৰিছো। অষ্ট্ৰেলিয়াৰ প্ৰধানমন্ত্ৰীয়ে তেওঁক এনে ধৰণৰ লণ্ড-ভণ্ড কৰা সকলৰ বিৰুদ্ধে কঠোৰ ব্যৱস্থা গ্ৰহণৰ আশ্বাস প্ৰদান কৰিছে।"
তেওঁ কয়, "আমি এনে কোনো উপাদান গ্ৰহণ নকৰোঁ, যিয়ে ভাৰত-অষ্ট্ৰেলিয়া সম্পৰ্কৰ মাজত বন্ধুত্বপূৰ্ণ আৰু উষ্ণ সম্পৰ্কক তেওঁলোকৰ কাৰ্য বা চিন্তাৰ দ্বাৰা ক্ষতিগ্ৰস্থ কৰে। প্ৰধানমন্ত্ৰী এলবানিছে আজি মোক আকৌ এবাৰ আশ্বাস দিছে যে তেওঁ ভৱিষ্যতেও এনে উপাদানৰ বিৰুদ্ধে কঠোৰ ব্যৱস্থা গ্ৰহণ কৰিব।"
মাৰ্চ মাহত, ব্ৰিছবেনৰ এটা প্ৰসিদ্ধ হিন্দু মন্দিৰ শ্ৰী লক্ষ্মী নাৰায়ণ মন্দিৰক খালিস্তান সমৰ্থকে আক্ৰমণ কৰিছিল। অষ্ট্ৰেলিয়াত দুমাহৰ ভিতৰত হিন্দু মন্দিৰ ভাংচুৰ কৰাৰ এইটো চতুৰ্থ ঘটনা আছিল। ১৬ জানুৱাৰীত, অষ্ট্ৰেলিয়াৰ কেৰাম ডাউনছৰ শ্ৰী শিৱ বিষ্ণু মন্দিৰত হিন্দু বিৰোধী গ্ৰাফিটিৰে ভাংচুৰ কৰা হৈছিল।
১২জানুৱাৰীত, অষ্ট্ৰেলিয়াৰ মিল পাৰ্কত থকা বি এ পি এছ স্বামীনাৰায়ণ মন্দিৰত ভাৰত বিৰোধী আৰু হিন্দু বিৰোধী গ্ৰাফিটি লেপন কৰা হৈছিল। দ্য অষ্ট্ৰেলিয়া টুডেৰ বাতৰি অনুসৰি, মন্দিৰটো ভাৰত বিৰোধী উপাদানে ভাৰত বিৰোধী শ্ল'গানেৰে ভাংচুৰ কৰিছিল। যিটো মিল পাৰ্কৰ উপনগৰত অৱস্থিত মন্দিৰৰ দেৱালত লিখা আছিল।
আলোচনাৰ পূৰ্বে প্ৰধানমন্ত্ৰী মোডীক চিডনীৰ এডমিৰেলটি হাউচত আনুষ্ঠানিক গাৰ্ড অফ অনাৰ প্ৰদান কৰা হয়। প্ৰধানমন্ত্ৰী মোডীয়ে চিডনীত এক ৰেলীত ভাৰতীয় সম্প্ৰদায়ক সম্বোধন কৰাৰ এদিন পিছত এই আলোচনা অনুষ্ঠিত হৈছিল। য'ত এলবানিসকলেও অংশগ্ৰহণ কৰিছিল।
.webp)