নতুন দিল্লী
ভাৰতৰ চাহ উদ্যোগে সোমবাৰে আমেৰিকা যুক্তৰাষ্ট্ৰৰ ৰাষ্ট্ৰপতি ড'নাল্ড ট্ৰাম্পে আৰোপ কৰা অধিক শুল্কক লৈ উদ্বিগ্নতা প্ৰকাশ কৰি কয় যে এই শুল্ক বৃদ্ধিৰ ফলত দেশখনলৈ চাহৰ ৰপ্তানি প্ৰভাৱিত হ'ব পাৰে।
ইণ্ডিয়ান টি এছ'চিয়েশ্যন (আইটিএ) ৰ মতে আমেৰিকাত চাহৰ বিক্ৰীৰ ক্ষেত্ৰত যথেষ্ট সম্ভাৱনা আছে।
ইণ্ডাষ্ট্ৰি বৰ্ডৰ মতে, ২০২৪ চনত আমেৰিকাই ভাৰতৰ পৰা ১৭ নিযুত কিলোগ্ৰাম চাহ আমদানি কৰিছিল।
ৰাছিয়াৰ তেল ক্ৰয়ৰ বাবে আমেৰিকাই ভাৰতীয় সামগ্ৰীৰ ওপৰত ২৫ শতাংশ অতিৰিক্ত শুল্ক আৰোপ কৰা কাৰ্য যোৱা ২৭ আগষ্টৰ পৰা কাৰ্যকৰী হৈছে। ইয়াৰ ফলত নতুন দিল্লীৰ ওপৰত আৰোপ কৰা শুল্কৰ পৰিমাণ ৫০ শতাংশলৈ বৃদ্ধি পাইছে।
চাহ উদ্যোগ সংস্থাই কয় যে ভাৰতীয় সামগ্ৰীৰ ওপৰত শেহতীয়াকৈ ৫০ শতাংশ শুল্ক আৰোপ কৰাটোৱে "মাৰ্কিন যুক্তৰাষ্ট্ৰলৈ চাহৰ ৰপ্তানিৰ ক্ষেত্ৰত এক সীমাবদ্ধ কাৰক" হ'ব।
সংস্থাটোৱে কয় যে চাহৰ মূল্যৰ ধাৰাবাহিক হ্ৰাস, আমদানিৰ প্ৰবাহ আৰু ৰপ্তানি বজাৰৰ অস্থিৰতাই পশ্চিম বংগ আৰু অসমৰ চাহ উদ্যোগৰ অস্তিত্বৰ প্ৰতি ভাবুকি কঢ়িয়াই আনিছে।
চাহ উদ্যোগৰ স্বাৰ্থ সুৰক্ষিত কৰাৰ লগতে ইয়াৰ দীৰ্ঘকালীন বহনক্ষমতা সুনিশ্চিত কৰাৰ বাবে চাহৰ বাবে ন্যূনতম বহনক্ষম মূল্য (এমএছপি) প্ৰৱৰ্তনৰ বাবে আইটিএয়ে ইতিমধ্যে দাবী উত্থাপন কৰিছে।
সন্থাই লগতে কয় যে এই জাতৰ চাহৰ বাবে বিশ্বজুৰি চাহিদা বৃদ্ধিৰ বাবে অৰ্থডক্স চাহ উৎপাদনৰ বাবে উৎসাহিত কৰা উচিত।
শ্ৰীলংকা আৰু ইণ্ডোনেছিয়াৰ সৈতে প্ৰতিদ্বন্দ্বিতা কৰিবলৈ ৰপ্তানি বজাৰত সম-সুযোগৰ ব্যৱস্থা কৰিবলৈও তেওঁ চৰকাৰক দাবী জনাইছে, কিয়নো এই দুয়োখন দেশৰ চৰকাৰে ৰাজসাহায্য আৰু আন ৰপ্তানি উদ্দীপনা প্ৰদান কৰে।
সংস্থাটোৱে নিম্নমানৰ চাহ আমদানি ৰোধ কৰিবলৈ আৰু ভাৰত-নেপাল চুক্তিৰ দৰে বাণিজ্যিক চুক্তিৰ পুনৰীক্ষণৰ বাবেও আহ্বান জনাইছে।
.webp "ম্যানমাৰৰ ৰাষ্ট্ৰীয় নিৰাপত্তা আৰু শান্তি আয়োগৰ অধ্যক্ষ ছিনিয়ৰ জেনেৰেল মিন আং হ্লাইঙৰ সৈতে প্ৰধানমন্ত্ৰী মোদী")
