ডেৰাডুন
যোগগুৰু ৰামদেৱৰ দিব্য ফাৰ্মাচীক ডায়েবেটিছ, ৰক্তচাপ, গাইট্ৰে, গ্ল’ক’মা আৰু উচ্চ কলেষ্টেৰলৰ পাঁচটা ঔষধৰ উৎপাদন বন্ধ কৰিবলৈ কোৱাৰ নিৰ্দেশ উত্তৰাখণ্ড আয়ুৰ্বেদ আৰু ইউনানী অনুজ্ঞাপত্ৰ কৰ্তৃপক্ষই বাতিল কৰিছে।
পূৰ্বৰ আদেশ সংশোধন কৰি শনিবাৰে কৰ্তৃপক্ষই নতুন আদেশ জাৰি কৰি প্ৰতিষ্ঠানটোক এই ঔষধসমূহৰ উৎপাদন অব্যাহত ৰাখিবলৈ অনুমতি দিয়ে।
পূৰ্বৰ ৯ নৱেম্বৰৰ আদেশত কোনো ভুল হোৱাটো লক্ষ্য কৰি ৰাজ্যৰ স্বাস্থ্য কৰ্তৃপক্ষ জিচিএন জংপাংগীৰ ঔষধ নিয়ন্ত্ৰকগৰাকীয়ে খৰখেদাকৈ জাৰি কৰা বুলি কয়। জাংপাংগীয়ে কয় যে আমি কোম্পানীটোক অৰ্ডাৰ জাৰি কৰাৰ পূৰ্বে নিজৰ স্থিতি বুজাবলৈ সময় দিব লাগিছিল।
ৰামদেৱৰ ঘনিষ্ঠ সহযোগী আচাৰ্য বালকৃষ্ণই এই ভুল শুধৰণিৰ বাবে ৰাজ্য চৰকাৰক কৃতজ্ঞতা জ্ঞাপন কৰে। পূৰ্বৰ আদেশত কৰ্তৃপক্ষই দিব্য ফাৰ্মাচীক তেওঁলোকৰ পাঁচটা সামগ্ৰীৰ উৎপাদন বন্ধ কৰিবলৈ কৈছিল -- বিপিগ্ৰিট, মধুগ্ৰিট, থাইৰগ্ৰিট, লিপিডম টেবলেট আৰু আইগ্ৰিট গোল্ড টেবলেট। এই সামগ্ৰীসমূহ ৰক্তচাপ, ডায়েবেটিছ, গাইট্ৰে, গ্ল’ক’মা আৰু উচ্চ কলেষ্টেৰলৰ ঔষধ হিচাপে প্ৰচাৰ কৰা হৈছে।
পূৰ্বৰ আদেশত কোৱা হৈছে যে কৰ্তৃপক্ষই তেওঁলোকৰ সংশোধিত ফৰ্মুলেচন শ্বীটত অনুমোদন জনোৱাৰ পিছতহে কোম্পানীয়ে এই সামগ্ৰীসমূহৰ উৎপাদন পুনৰ আৰম্ভ কৰিব পাৰিব