গুৱাহাটী
অসম চৰকাৰে জানুৱাৰীৰ আৰম্ভণিতে অসম প্ৰত্যক্ষ নিযুক্তি পৰীক্ষা (ADRE)ত সফলতাৰে উত্তীৰ্ণ প্ৰাৰ্থীসকলক নিযুক্তি পত্ৰ প্ৰদান কৰিব। মুখ্যমন্ত্ৰী হিমন্ত বিশ্ব শৰ্মাই কালি এই বিষয়ে সদৰী কৰে।
চতুৰ্থ বৰ্গৰ নিযুক্তিপ্ৰাপ্তসকলে ৯ জানুৱাৰীত তেওঁলোকৰ নিযুক্তি পত্ৰ লাভ কৰিব। ইয়াৰ পিছত ১০ জানুৱাৰীত তৃতীয় বৰ্গৰ নিযুক্তিপ্ৰাপ্তসকলে নিযুক্তি পত্ৰ লাভ কৰিব। দুয়োটা অনুষ্ঠান গুৱাহাটীৰ সৰুসজাই ষ্টেডিয়ামত পুৱা ১০ বজাত অনুষ্ঠিত হ’ব।
মুখ্যমন্ত্ৰীয়ে ছ'চিয়েল মিডিয়া প্লেটফৰ্ম X-ত এটা পোষ্টৰ জৰিয়তে এই কথা ঘোষণা কৰাৰ লগতে নিৰ্বাচিত সকলো প্ৰাৰ্থীক নিৰ্ধাৰিত তাৰিখত নিযুক্তি পত্ৰ বিতৰণ কাৰ্যসূচীত উপস্থিত থাকিবলৈ আহ্বান জনাইছে।
ADREৰ জৰিয়তে ৰাজ্য চৰকাৰে বিভিন্ন বিভাগত হাজাৰ হাজাৰ পদত নিযুক্তিৰ বাবে কাম কৰি আছে। নিযুক্তি পত্ৰ বিতৰণৰ এই কাৰ্যসূচীৰ পৰা অনুমান কৰিব পাৰি যে দুদিনীয়া এই অনুষ্ঠানত যথেষ্ট সংখ্যক নিযুক্তি পত্ৰ আনুষ্ঠানিকভাৱে বিতৰণ কৰা হ’ব।
আনহাতে, মাঘ বিহুৰ ঠিক পিছতে ১৫, ১৬ জানুৱাৰীৰ কোনোবা এটা তাৰিখত ADREৰ চতুৰ্থ বৰ্গৰ নিযুক্তি দিয়া হ’ব বুলি মুখ্যমন্ত্ৰীয়ে সংবাদ মাধ্যমৰ আগত প্ৰকাশ কৰে।
