গুৱাহাটী
বড়োভূমিৰ নিৰ্বাচনী বতাহ গৰম হৈ পৰা সময়তে মঙলবাৰে ঘোষিত হ’ল বি টি চিৰ নিৰ্বাচনৰ দিন আৰু নিৰ্বাচনী প্ৰক্ৰিয়াৰ সময়সূচী৷ সেই অনুসৰি অহা ২২ ছেপ্টেম্বৰত হ’ব বি টি আৰৰ নিৰ্বাচনৰ ভোটগ্ৰহণ৷ ২৬ ছেপ্টেম্বৰত বি টি আৰ নিৰ্বাচনৰ ভোটগণনা আৰু মনোনয়ন দাখিলৰ অন্তিম দিন ২ ছেপ্টেম্বৰ।
অসমৰ ৰাজ্যিক নিৰ্বাচন আয়োগে এক জাননী যোগে ঘোষণা কৰিছে বি টি চিৰ ৪০ টা সমষ্টিৰ ২০২৫ ৰ পৰিষদীয় নিৰ্বাচনৰ সময়সূচী৷
অসম ৰাজ্য নিৰ্বাচন আয়োগে ২০২৫ চনৰ বি টি চি নিৰ্বাচনৰ বাবে ঘোষণা কৰা সময়সূচী এনে ধৰণৰ :
সম্পূৰ্ণ নিৰ্বাচনী প্ৰক্ৰিয়াটো এনেধৰণৰ-
নিৰ্বাচনৰ জাননী জাৰি : ২৬ আগষ্ট ২০২৫ (মঙলবাৰ)
মনোনয়ন দাখিলৰ অন্তিম দিন : ২ ছেপ্টেম্বৰ ২০২৫ (মঙলবাৰ)
মনোনয়নৰ পৰীক্ষা : ৪ ছেপ্টেম্বৰ ২০২৫ (বৃহস্পতিবাৰ)
বৈধ মনোনয়নৰ তালিকা প্ৰকাশ : ৪ ছেপ্টেম্বৰ ২০২৫ (বৃহস্পতিবাৰ)
প্ৰাৰ্থিত্ব প্ৰত্যাহাৰৰ শেষ তাৰিখ : ৬ ছেপ্টেম্বৰ ২০২৫ (শনিবাৰ)
প্ৰতিদ্বন্দ্বিতা কৰা প্ৰাৰ্থীৰ তালিকা প্ৰকাশ : ৬ ছেপ্টেম্বৰ ২০২৫ (শনিবাৰ)
ভোটগ্ৰহণৰ তাৰিখ : ২২ ছেপ্টেম্বৰ ২০২৫ (সোমবাৰ)
পুনৰ ভোটগ্ৰহণৰ তাৰিখ (যদি প্ৰয়োজন হয়) : ২৪ ছেপ্টেম্বৰ ২০২৫ (বুধবাৰ)
ভোট গণনাৰ তাৰিখ : ২৬ ছেপ্টেম্বৰ ২০২৫ (শুকুৰবাৰ)
উল্লেখযোগ্য যে, ৪০ টা পৰিষদীয় সমষ্টিত অনুষ্ঠিত হ’ব বিটিচি নিৰ্বাচন। এইবাৰ বিটিচি নিৰ্বাচনৰ মুঠ ভোটাৰৰ সংখ্যা ২৬ লাখ ৫৭ হাজাৰ ৯৩৭ গৰাকী।
