নতুন দিল্লী
ভাৰত চৰকাৰে টিকটক অতি সোনকালে দেশলৈ ঘূৰি আহিব পাৰে বুলি উত্থাপিত জল্পনা-কল্পনাক খাৰিজ কৰি চীনৰ ভিডিঅ’ শ্বেয়াৰিং এপটো ওপৰত ২০২০ চনৰ নিষেধাজ্ঞা সম্পূৰ্ণ ৰূপে বলবৎ হৈ থকা বুলি উল্লেখ কৰিছে। শুকুৰবাৰে এএনআইৰ আগত চৰকাৰী সূত্ৰই টিকটকৰ পুনৰুজ্জীৱনৰ প্ৰচাৰিত দাবীক “মিছা আৰু বিভ্ৰান্তিকৰ” বুলি অভিহিত কৰি নিষেধাজ্ঞা বাতিলৰ কোনো নিৰ্দেশনা জাৰি কৰা হোৱা নাই বুলি স্পষ্ট কৰি দিয়ে।
যদিও লগইন আৰু কন্টেন্টৰ বৈশিষ্ট্যসমূহ অভিগম্য নোহোৱা হৈয়েই আছে ডেস্কটপ ব্ৰাউজাৰত এপটোৰ ৱেবছাইটত আংশিক প্ৰৱেশৰ কথা প্ৰচাৰিত হুৱাৰ পিছতে এই স্পষ্টীকৰণ দিয়া হৈছে। ভাৰতীয় এপ মাৰ্কেটত এই এপ্লিকেচনটো উপলব্ধ নোহোৱা হৈয়েই আছে।
২০২০ চনৰ জুন মাহত গালৱান উপত্যকাৰ সংঘৰ্ষৰ পিছতে ব্লক কৰা ৫৯টা চীনা এপ্লিকেচনৰ ভিতৰত টিকটক অন্যতম। চোৰাংচোৱাৰ তথ্যই সীমাপাৰ তথ্য স্থানান্তৰৰ বিষয়ে উদ্বেগ প্ৰকাশ কৰাৰ পিছত ৰাষ্ট্ৰীয় নিৰাপত্তা আৰু ব্যৱহাৰকাৰীৰ তথ্য সুৰক্ষাৰ ভিত্তিত এই নিষেধাজ্ঞাৰ ন্যায্যতা প্ৰদান কৰা হৈছিল।
৩১ আগষ্ট আৰু ১ ছেপ্টেম্বৰত টিয়ানজিনত অনুষ্ঠিত হ’বলগীয়া চাংহাই সহযোগিতা সংস্থাৰ (এছচিঅ’) শীৰ্ষ সন্মিলনত অংশগ্ৰহণৰ বাবে প্ৰধানমন্ত্ৰী নৰেন্দ্ৰ মোদীয়ে চীন ভ্ৰমণৰ মাত্ৰ কেইদিনমান পূৰ্বে এই দৃঢ়তা উল্লেখযোগ্য। সীমান্ত বাণিজ্য আৰু বিমান সংযোগৰ ওপৰত নবীকৃত আলোচনাকে ধৰি কূটনৈতিক ইংগিত চলি থকাৰ পাছতো বিষয়াসকলে জোৰ দি কয় যে বেইজিঙৰ সৈতে ভাৰতৰ যোগাযোগত চাইবাৰ সুৰক্ষা ৰঙা ৰেখা হৈয়ে আছে৷
