নতুন দিল্লী
ভাৰতৰ শ্ৰীহৰিকোটাৰ সতীশ ধাৱন মহাকাশ কেন্দ্ৰৰ পৰা আজি অৰ্থাৎ ২৪ ডিচেম্বৰৰ দিনা সফলতাৰে উৎক্ষেপণ কৰা হয় ব্লুবাৰ্ড৬ (bluebird6)৷ ভাৰতীয় সময় অনুসৰি আজি পুৱা ৮:৫৫ বজাত (BlueBird Block-2 বুলিও জনা যায়) উপগ্ৰহটো সফলতাৰে উৎক্ষেপণ কৰা হয়।
এলভিএম৩-এম৬/ব্লুবাৰ্ড ব্লক-২ (LVM3-M6/ BlueBird Block-2) মিছন হৈছে এলভিএম৩ (LVM3) উৎক্ষেপণ বাহনখনত এক নিবেদিত বাণিজ্যিক মিছন, যিয়ে আমেৰিকাৰ এএছটি স্পেচম’বাইলৰ ব্লুবাৰ্ড ব্লক-২ (BlueBird Block-2) যোগাযোগ উপগ্ৰহ উৎক্ষেপণ কৰে।
এএছটি (AST) স্পেচম’বাইলৰ ব্লুবাৰ্ড ব্লক-২, যিটো ৬.৫ টন ওজনৰ এটা বিশাল যোগাযোগ উপগ্ৰহ, ভাৰতৰ পৰা নিম্ন পৃথিৱী কক্ষপথ (LEO)ত নিয়োজিত কৰা আটাইতকৈ গধুৰ বাণিজ্যিক উপগ্ৰহ এলভিএম৩। ইয়াৰ পূৰ্বৰ অভিযানসমূহত এলভিএম৩ এ ৭২ টা উপগ্ৰহ কঢ়িয়াই চন্দ্ৰযান-২, চন্দ্ৰযান-৩ আৰু দুটা ৱানৱেব (OneWeb) অভিযান সফলতাৰে উৎক্ষেপণ কৰিছিল। এলভিএম৩ ৰ পূৰ্বৰ উৎক্ষেপণ আছিল এলভিএম৩-এম৫/চিএমএছ-০৩ (LVM3-M5/CMS-03) মিছন, যিটো ২০২৫ চনৰ ২ নৱেম্বৰত সফলতাৰে সম্পন্ন কৰা হৈছিল।
এলভিএম৩ হৈছে তিনিটা পৰ্যায়ৰ লঞ্চ বাহন য'ত দুটা কঠিন ষ্ট্ৰেপ-অন মটৰ (এছ২০০), এটা লিকুইড কোৰ ষ্টেজ (এল১১০) আৰু এটা ক্ৰাইজেনিক আপাৰ ষ্টেজ (চি২৫) থাকে। ইয়াৰ লিফ্ট অফ ভৰ ৬৪০ টন, উচ্চতা ৪৩.৫ মিটাৰ আৰু জিঅ’চিনক্ৰ’নাছ ট্ৰেন্সফাৰ অৰ্বিটলৈ ৪২০০ কিলোগ্ৰাম পেলোড ক্ষমতা।
২ নৱেম্বৰত প্ৰেৰণ কৰা জিএছএটি-৭আৰ (GSAT-7R)য়ে সমগ্ৰ ভাৰত মহাসাগৰ অঞ্চলত টেলিকমিউনিকেচন কভাৰেজ প্ৰদানৰ দায়িত্ব লৈছিল। ইয়াৰ পেলোডত একাধিক যোগাযোগ বেণ্ডৰ ওপৰত ভয়েচ, ডাটা আৰু ভিডিঅ' লিংক সমৰ্থন কৰিব পৰা ট্ৰেন্সপণ্ডাৰ অন্তৰ্ভুক্ত আছিল। এই অভিযানত এলভিএম৩-এম৬/ব্লুবাৰ্ড ব্লক-২ উপগ্ৰহটোক, নিম্ন পৃথিৱীৰ কক্ষপথত স্থাপন কৰিব আৰু ই হৈছে নিয়োগ কৰিবলগীয়া আটাইতকৈ ডাঙৰ বাণিজ্যিক যোগাযোগ উপগ্ৰহ৷
ব্লুবাৰ্ড ব্লক-২ ৰ লক্ষ্য হৈছে মহাকাশ ভিত্তিক চেলুলাৰ ব্ৰডবেণ্ড পোনপটীয়াকৈ অপৰিৱৰ্তিত স্মাৰ্টফোনলৈ প্ৰেৰণ কৰা, যিয়ে দূৰৱৰ্তী অঞ্চলত সংযোগত বৈপ্লৱিক পৰিৱৰ্তন আনিব। এই উৎক্ষেপণৰ পিছত ২০২৫ চনৰ নৱেম্বৰ মাহত শেহতীয়াকৈ অনুষ্ঠিত হোৱা এলভিএম৩-এম৫ অভিযানে নৌসেনাৰ বাবে ভাৰতৰ আটাইতকৈ গধুৰ যোগাযোগ উপগ্ৰহটোক প্ৰদক্ষিণ কৰিছিল।
এই অভিযানৰ দ্বাৰা এলভিএম৩-এম৬/ব্লুবাৰ্ড ব্লক-২ উপগ্ৰহটোক নিম্ন পৃথিৱী কক্ষপথত স্থাপন কৰিব আৰু ই নিম্ন পৃথিৱী কক্ষপথত নিয়োজিত হ’বলগীয়া আটাইতকৈ ডাঙৰ বাণিজ্যিক যোগাযোগ উপগ্ৰহ। এই উপগ্ৰহটো পৰৱৰ্তী প্ৰজন্মৰ ব্লুবাৰ্ড ব্লক-২ যোগাযোগ উপগ্ৰহৰ অংশ, যিবোৰক স্থানভিত্তিক চেলুলাৰ ব্ৰডবেণ্ড সংযোগ পোনপটীয়াকৈ মানক মোবাইল স্মাৰ্টফোনলৈ প্ৰদান কৰিবলৈ ডিজাইন কৰা হৈছে।
প্ৰথমে এই অভিযানৰ বাবে দিন নিৰ্ধাৰণ কৰা হৈছিল ১৫ ডিচেম্বৰ৷ অৱশ্যে প্ৰি-লঞ্চ ছিষ্টেমৰ সকলো পৰীক্ষা আৰু বাহনৰ সংহতি সম্পূৰ্ণ হোৱাটো নিশ্চিত কৰিবলৈ ২৪ ডিচেম্বৰলৈ পুনৰ নিৰ্ধাৰণ কৰা হৈছিল।
ইছৰোৰ এই সফল অভিযানৰ পিছতে দেশৰ প্ৰধানমন্ত্ৰী নৰেন্দ্ৰ মোদী আৰু বিজ্ঞান-প্ৰযুক্তি মন্ত্ৰী জিতেন্দ্ৰ সিঙে ভাৰতীয় বিজ্ঞান সংস্থাটোক শুভেচ্ছা জনায়৷ প্ৰধানমন্ত্ৰী নৰেন্দ্ৰ মোদীয়ে এক্সত কয়, "ইয়াৰদ্বাৰা আত্মনিৰ্ভৰ ভাৰতৰ প্ৰতি আমাৰ প্ৰচেষ্টাও প্ৰতিফলিত হৈছে। আমাৰ কঠোৰ পৰিশ্ৰমী মহাকাশ বিজ্ঞানী আৰু অভিযন্তাসকললৈ অভিনন্দন। মহাকাশৰ জগতখনত ভাৰতৰ অগ্ৰগতি অব্যাহত আছে!"
