গুৱাহাটী
অসম প্ৰদেশ কংগ্ৰেছ কমিটিৰ সভাপতি গৌৰৱ গগৈয়ে মঙলবাৰে এআইইউডিএফ দলটোক “সাম্প্ৰদায়িক” সংগঠন বুলি অভিহিত কৰি ২০২৬ চনৰ বিধানসভা নিৰ্বাচনত এই দলৰ সৈতে কোনো মিত্ৰতা নাথাকিব বুলি মন্তব্য কৰে।
ইতিমধ্যে ৰাজ্যৰ শাসকীয় বিজেপিক পৰাস্ত কৰিবলৈ ৮ টা বিৰোধী দলে ঐক্যবদ্ধভাৱে আগন্তুক বিধানসভা নিৰ্বাচনত প্ৰতিদ্বন্দ্বিতা কৰাৰ সিদ্ধান্ত লৈছে।
সাংবাদ মাধ্যমৰ সন্মুখত গৌৰৱ গগৈয়ে কয় যে কোনো কাৰণতে এআইইউডিএফৰ সৈতে মিত্ৰতা নহ’ব।এইটোও শাসকীয় বিজেপিৰ দৰে সাম্প্ৰদায়িক দল। আমি এটা সাম্প্ৰদায়িক শক্তিৰ সৈতে হাত মিলাই আন অনুৰূপ শক্তিক পৰাস্ত কৰিব নোৱাৰো।
২০২১ চনত অসমত অনুষ্ঠিত হোৱা বিধানসভা নিৰ্বাচনত কংগ্ৰেছ নেতৃত্বাধীন মিত্ৰজোঁটৰ অংশ আছিল অল ইণ্ডিয়া ইউনাইটেড ডেম’ক্ৰেটিক ফ্ৰণ্ট। অৱশ্যে কংগ্ৰেছৰ প্ৰাক্তন ৰাজ্যিক মুৰব্বী ভূপেন কুমাৰ বৰাই দায়িত্ব লোৱাৰ পিছতে দুয়োটা দলৰ বিচ্ছেদ হয়।
বিৰোধীৰ ঐক্য সন্দৰ্ভত গগৈয়ে কয় যে এনে বিষয়সমূহ কেমেৰাৰ সন্মুখত আলোচনা কৰা উচিত নহয় বৰঞ্চ এই বিষয়সমূহ কেমেৰাৰ বাহিৰত আলোচনাৰ জৰিয়তে আগবঢ়াই নিয়া হয়।
তেওঁ লগতে কয় যে আলোচনা সমাপ্ত হোৱাৰ পিছতহে আমি আনুষ্ঠানিকভাৱে মিত্ৰতাৰ সন্দৰ্ভত যিকোনো কথা ক’ব পাৰো। আগন্তুক নিৰ্বাচন বিজেপিৰ বাবে সহজ নহ’ব।
শেহতীয়াকৈ কংগ্ৰেছ, চিপিআই(এম), ৰাইজৰ দল, অসম জাতীয় পৰিষদ (এজেপি), চিপিআই, চিপিআই(এমএল), জাতীয় দল-আছম (জেডিএ) আৰু কাৰ্বি আংলংস্থিত অল পাৰ্টি হিল লিডাৰ্ছ কনফাৰেন্স (এপিএইচএলচি)-এ এক উমৈহতীয়া মঞ্চৰ পৰা বিধানসভা নিৰ্বাচনত যুঁজ দিবলৈ হাত মিলাইছিল।
অহা বছৰৰ মাৰ্চ-এপ্ৰিল মাহত ১২৬ টা সমষ্টিৰ অসম বিধানসভা নিৰ্বাচন অনুষ্ঠিত হোৱাৰ সম্ভাৱনা আছে।
সম্প্ৰতি ১২৬ জনীয়া বিধানসভাত শাসকীয় বিজেপিৰ শক্তি ৬৪, মিত্ৰ দল অগপত ৯ জন বিধায়ক, ইউপিপিএলৰ ৭ জন, বিপিএফৰ তিনিজন সদস্য।
বিৰোধী শিবিৰত কংগ্ৰেছৰ ২৬ জন বিধায়ক, এ আই ইউ ডি এফৰ ১৫ জন, চি পি আই (এম)ৰ এজন সদস্য। এজন স্বতন্ত্ৰ বিধায়কো আছে।
"বিজেপিয়ে ইতিমধ্যে দেখিছে যে বৰ্তমানৰ নেতৃত্বত তেওঁলোকৰ দলৰ সম্ভাৱনা বৰ ভাল নহয়। শীৰ্ষ নেতৃত্বই জ্ঞাত যে প্ৰকৃত বিজেপি কৰ্মীসকল দলৰ প্ৰতি মোহভংগ হৈ পৰিছে। মন্ত্ৰী আৰু দুই এজন ঘনিষ্ঠ সহযোগীয়ে লাভৱান হৈছে, কিন্তু দলৰ কৰ্মীৰ একো লাভ হোৱা নাই।"
বহু বিজেপি কৰ্মীৰ ঘৰৰ সন্মুখৰ পথসমূহ আধৰুৱা হৈয়েই আছে, বিজেপি কৰ্মী বাস কৰা অঞ্চলৰ লোকৰ খোৱাপানীৰ সুবিধা নাই আৰু বিজেপি কৰ্মী বসবাস কৰা গাঁৱৰ চৰকাৰী বিদ্যালয়ৰ অৱস্থা দুখজনক" বুলি অভিযোগ উত্থাপন কৰে গৌৰৱ গগৈয়ে।
.webp "মুখ্যমন্ত্ৰী হিমন্ত বিশ্ব শৰ্মা")
.webp "বিজয় দিৱস উদযাপন অনুষ্ঠানত কাৰ্যত নিহত দুজন সেনা জোৱানৰ বিধৱা পত্নীক সম্বৰ্ধনা জনোৱা এক মূহুৰ্ত")
