কৃষক সন্মিলনৰ বাবে বাৰাণসী ভ্ৰমণ কৰিব প্ৰধানমন্ত্ৰী মোদীয়ে

Story by  atv | Posted by  Munni Begum • 3 d ago
প্ৰধানমন্ত্ৰী নৰেন্দ্ৰ মোদী
প্ৰধানমন্ত্ৰী নৰেন্দ্ৰ মোদী
 
নতুন দিল্লী 
 
প্ৰধানমন্ত্ৰী নৰেন্দ্ৰ মোদীয়ে ১৮ জুনত উত্তৰ প্ৰদেশৰ নিজৰ সংসদীয় সমষ্টি বাৰাণসীত অনুষ্ঠিত হবলগীয়া 'কিষান সন্মিলন' (কৃষক সন্মিলন)ত অংশগ্ৰহণ কৰিব বুলি এক সূত্ৰই প্ৰকাশ কৰিছে। দেওবাৰে অভিলেখ সংখ্যক তৃতীয়বাৰৰ বাবে শপত গ্ৰহণ কৰাৰ পিছত এইটোৱেই হ’ব প্ৰধানমন্ত্ৰীৰ প্ৰথমটো বাৰাণসী ভ্ৰমণ।    
 
স্থানীয় বিজেপি নেতাসকলে কয় যে, কৃষক সন্মিলনৰ স্থান বাছনি কৰাৰ কাম চলি আছে, হয় ৰোহনিয়া বা সেৱাপুৰী বিধানসভা সমষ্টিত অনুষ্ঠিত কৰা হব এই সন্মিলন। প্ৰধানমন্ত্ৰী মোদৰ আগন্তুক বাৰাণসী ভ্ৰমণ সন্দৰ্ভত গুলাববাগৰ দলীয় কাৰ্যালয়ত মহানগৰ আৰু জিলা বিষয়াৰ এখন বৈঠক অনুষ্ঠিত হৈছে। 
 
কাশী অঞ্চলৰ বিজেপিৰ সভাপতি দিলীপ পেটেলে কয় যে প্ৰধানমন্ত্ৰী মোদীয়ে মন্দিৰ চহৰলৈ এদিনীয়া ভ্ৰমণৰ সময়ত দশশ্বমেধ ঘাটত গংগা আৰতিত অংশগ্ৰহণ কৰিব আৰু তাৰ বাবে প্ৰস্তুতি আৰম্ভ কৰা হৈছে। বাৰাণসীলৈ প্ৰধানমন্ত্ৰী মোডীক আদৰণি জনোৱাৰ বাবে সকলো বিজেপি কৰ্মীক সাজু হ’বলৈ কোৱা হৈছে আৰু কৃষক সন্মিলনৰ বাবে দলীয় কৰ্মীসকলক দায়িত্ব অৰ্পণ কৰাৰ প্ৰক্ৰিয়াও আৰম্ভ হৈছে। 
 
২০২৪ চনৰ লোকসভা নিৰ্বাচনত প্ৰধানমন্ত্ৰী মোদীয়ে একেৰাহে তৃতীয়বাৰৰ বাবে বাৰাণসীৰ আসনখন অক্ষুণ্ণ ৰাখি কংগ্ৰেছৰ অজয় ​​ৰায়ক ১.৫ লাখৰো অধিক ভোটৰ ব্যৱধানত পৰাস্ত কৰিছে।