মুম্বাই
ভূ-ৰাজনৈতিক উত্তেজনা আৰু ৰিজাৰ্ভ বেংকৰ পদক্ষেপৰ প্ৰভাৱ হ্ৰাস হোৱাৰ আশাৰ মাজতে খাৰুৱা তেলৰ মূল্যৰ তীব্ৰ হ্ৰাসৰ পিছত সোমবাৰে মুদ্ৰাৰ মূল্য আমেৰিকান ডলাৰৰ বিপৰীতে ১৩ পইচা বৃদ্ধি হৈ ৯২.৭৮ হয়।
ফৰেক্স ব্যৱসায়ীসকলে অৱশ্যে কয় যে, ইৰানে জাহাজ পৰিবহণৰ বাবে হৰমুজৰ উপসাগৰ বন্ধ কৰাৰ পিছত পশ্চিম এছিয়াৰ পৰিস্থিতি অস্থিৰ হৈ থকাৰ বাবে মুদ্ৰা সীমাবদ্ধ হৈ থকাৰ সম্ভাৱনা আছে।
আন্তঃবেংক বৈদেশিক মুদ্ৰা বজাৰত মুদ্ৰাৰ মূল্য ৯২.৭৩টকা আৰু ৯২.৭০টকা হোৱাৰ পিছত পূৰ্বৰ বন্ধৰ মূল্যৰ তুলনাত ১৩পইচা বৃদ্ধি পাই ৯২.৭৮টকা হয়।
বৃহস্পতিবাৰে পূৰ্বৰ অধিৱেশনত ১৯ পইচা লাভ কৰাৰ পিছতে শুকুৰবাৰে আমেৰিকান ডলাৰৰ বিপৰীতে টকা ২৮ পইচা বৃদ্ধি হৈ ৯২.৯১ পইচা হয়।ববিশ্বব্যাপী তেলৰ মানদণ্ড ব্ৰেণ্ট খাৰুৱা তেলৰ মূল্য ৫.৩৪ শতাংশ হ্ৰাস পাই প্ৰতি বেৰেল ৯৫.২১ ডলাৰ হৈছে।
বিশ্লেষকসকলে কয় যে, শুকুৰবাৰে খাৰুৱা তেলৰ মূল্য ৯০ ডলাৰৰ পৰা পুনৰ বৃদ্ধি পাইছে, কিয়নো আমেৰিকা আৰু ইৰানৰ মাজৰ নতুন সংঘৰ্ষৰ পিছত ভূ-ৰাজনৈতিক পৰিস্থিতি অস্থিৰ হৈ পৰিছে।
দেশীয় ইকুইটি বজাৰত পুৱা ব্যৱসায়ৰ সময়ছোৱাত অস্থিৰতা অব্যাহত আছিল, ৩০ টা শ্বেয়াৰৰ ছেনচেক্সৰ ব্যৱসায় ৬৩.১১ পইণ্ট বা ০.০৮ শতাংশ বৃদ্ধি পাই ৭৮,৫৫৬.৬৫ পইণ্ট হৈছিল, আনহাতে নিফ্টি ৩.১০ পইণ্ট বা ০.০১ শতাংশ হ্ৰাস পাই ২৪,৩৬৭.৫৫ পইণ্ট হৈছিল।
এক্সচেঞ্জৰ তথ্য অনুসৰি, শুকুৰবাৰে বিদেশী প্ৰতিষ্ঠানিক বিনিয়োগকাৰীসকলে ৬৮৩.২০ কোটি টকাৰ ইকুইটি ক্ৰয় কৰে।
