পহলগাম আক্ৰমণৰ পিছত নিৰাপত্তা উপদেষ্টা ব’ৰ্ডক দিয়া হৈছে নতুন ৰূপ; নেতৃত্বত ৰ’ৰ প্ৰাক্তন মুৰব্বী

Story by atv | Posted by [email protected] • 16 h ago

আলোক যোশীক ৰাষ্ট্ৰীয় নিৰাপত্তা উপদেষ্টা ব’ৰ্ডৰ মুৰব্বী হিচাপে নিযুক্তি

নতুন দিল্লী

কাশ্মীৰৰ পহলগামত সন্ত্ৰাসবাদীৰ ভয়ংকৰ আক্ৰমণৰ পিছত পাকিস্তানৰ সৈতে অব্যাহত থকা উত্তেজনাৰ মাজতে কেন্দ্ৰই ৰাষ্ট্ৰীয় নিৰাপত্তা পৰামৰ্শদাতা ব’ৰ্ড (এন এছ এ বি)ৰ সংস্কাৰ সাধন কৰি ৰ’ৰ প্ৰাক্তন মুৰব্বী আলোক যোশীক মুৰব্বী হিচাপে নিযুক্তি দিছে। ২২ এপ্ৰিলত জম্মু-কাশ্মীৰৰ মনোমোহা বৈসাৰণ উপত্যকাত সন্ত্ৰাসবাদী আক্ৰমণৰ পিছতে এন এছ এ বিক নতুন ৰূপ দিয়াৰ পদক্ষেপ লোৱা হৈছে।

ৰাষ্ট্ৰীয় নিৰাপত্তা পৰামৰ্শদাতা ব’ৰ্ডত এতিয়া সামৰিক পটভূমিৰ তিনিজন, আই পি এছৰ দুজন বিষয়া আৰু ভাৰতীয় বৈদেশিক সেৱাৰ এজন জোৱানকে ধৰি ছয়জন সদস্য থাকিব।

সামৰিক বাহিনীৰ পৰা দক্ষিণ সেনাৰ প্ৰাক্তন কামাণ্ডাৰ লেফটেনেণ্ট জেনেৰেল এ কে সিং, প্ৰাক্তন পশ্চিম এয়াৰ কমাণ্ডাৰ এয়াৰ মাৰ্শ্বাল পি এম সিনহা, আৰু ৰিয়াৰ এডমিৰেল মন্টি খান্নাক নিযুক্তি দিয়া হৈছে। অৱসৰপ্ৰাপ্ত আই পি এছ বিষয়া ৰাজীৱ ৰঞ্জন ভাৰ্মা আৰু মনমোহন সিং, আৰু অৱসৰপ্ৰাপ্ত আই এফ এছ বিষয়া বি ভেংকটেশ ভাৰ্মাৰে ছয়জনীয়া ব’ৰ্ডখন গঠন কৰা হৈছে।

The Government has revamped the National Security Advisory Board.

Former R&AW chief Alok Joshi has been appointed as its Chairman. Former Western Air Commander Air Marshal PM Sinha, former Southern Army Commander Lt Gen AK Singh and Rear Admiral Monty Khanna are the retired… pic.twitter.com/bMqOiIK9TC
— ANI (@ANI) April 30, 2025

১৯৯৮ চনৰ ডিচেম্বৰ মাহত প্ৰথমবাৰৰ বাবে গঠন হোৱা এন এছ এ বিয়ে ৰাষ্ট্ৰীয় নিৰাপত্তা পৰিষদক (এন এছ চি) ৰাষ্ট্ৰীয় নিৰাপত্তাৰ বিষয়সমূহৰ ওপৰত দৃষ্টিভংগী প্ৰদান কৰিবলৈ আৰু এন এছ চিয়ে ইয়াক উল্লেখ কৰা বিষয়সমূহৰ ওপৰত ব্যৱস্থা বা সমাধান আৰু নীতি বিকল্পৰ পৰামৰ্শ দিবলৈ দীৰ্ঘম্যাদী বিশ্লেষণ গ্ৰহণ কৰে। ৰাছিয়াত ভাৰতৰ প্ৰাক্তন ৰাষ্ট্ৰদূত (২০১৪–১৬) পি এছ ৰাঘৱনক মুৰব্বী হিচাপে লৈ ২০১৮ চনত ইয়াৰ শেষৰখন ব’ৰ্ড গঠন কৰা হৈছিল।