ফাডাৰ ছেবাষ্টিয়ানে কয়, খ্ৰীষ্টমাছৰ আনন্দই জাতি-ধৰ্ম নিৰ্বিশেষে সকলোকে স্পৰ্শ কৰে। চেণ্ট যোচেফ গীৰ্জা প্ৰাংগণত খ্ৰীষ্টমাছৰ দিনাখন প্ৰত্যেক বছৰে বিশাল জনসমাৱেশ প্ৰত্যক্ষ কৰি আহিছো। এই জনসমাৱেশৰ অধিকাংশই কিন্তু খ্ৰীষ্টানধৰ্মী লোক নহয়। আমি অতি আনন্দিত যে, সকলো ধৰ্ম আৰু জাতিৰ লোকে খ্ৰীষ্টমাছৰ প্ৰতি আকৰ্ষিত।

উল্লেখযোগ্য যে, বৰদিন মানেই হ'ল আনন্দ উদযাপনৰ মুহূৰ্ত। সুখ-শান্তি, মৰম-ভালপোৱা বিনিময়ৰ উৎসৱ। বৰদিনৰ সৈতে জড়িত হৈ আছে ছান্টাক্লজ বা ফাডাৰ খ্ৰীষ্টমাছে সকলোলৈ উপহাৰ অনাৰ দৰে উপকথা। খ্ৰীষ্টমাছ বুলি ক'লেই সাধাৰণতে সকলোৰে মনলৈ আহে খ্ৰীষ্টমাছ ট্ৰি আৰু পোহৰেৰে ঘৰ সজাই তোলা, পৰিয়াল আৰু বন্ধুবৰ্গৰ সৈতে ধৰ্মীয় ৰীতি-নীতি পালন কৰা আৰু বিভিন্ন সুস্বাদু খাদ্যৰ সমাহাৰ ঘটা।