হজ যাত্ৰাৰ বাবে ঘোঁৰাত উঠি ছৌদি আৰৱত উপস্থিত ইউৰোপৰ ৪ তীৰ্থযাত্ৰী

Story by atv | Posted by [email protected] • 3 h ago

হজ যাত্ৰাৰ বাবে ঘোঁৰাত উঠি ছৌদি আৰৱত উপস্থিত হোৱাৰ সময়ত স্পেইনৰ ৩ তীৰ্থযাত্ৰী

মক্কা

হজ যাত্ৰাৰ বাবে ঘোঁৰাত উঠি ছৌদি আৰৱত উপস্থিত হৈছে ইউৰোপৰ চাৰিজন তীৰ্থযাত্ৰী। ইয়াৰে এজন মৰক্কোৰ আৰু তিনিজন স্পেইনৰ তীৰ্থযাত্ৰী বুলি জানিব পৰা গৈছে। ৪ জুনৰ পৰা হজযাত্ৰা আৰম্ভ হোৱাৰ সম্ভাৱনা আছে। আল কুৰায়্যাতৰ আল হাদিথাহ সীমান্ত ক্ৰছিঙৰ জৰিয়তে তেওঁলোকে ছৌদি আৰৱত প্ৰৱেশ কৰে। ছৌদি আৰৱ প্ৰশাসনে ইউৰোপৰ চাৰিওজন তীৰ্থযাত্ৰীক চিকিৎসা পৰীক্ষা, সতেজ খাদ্য, ফুলৰ থোপাৰে উষ্ণ আদৰণি জনায়।

স্থানীয় স্বেচ্ছাসেৱকসকলে তেওঁলোকৰ বাবে এক উদযাপনৰ আয়োজন কৰে, পৰম্পৰাগত ছৌদি কফি পৰিবেশন কৰে আৰু পবিত্ৰ স্থানসমূহলৈ তীৰ্থযাত্ৰীসকলক সঠিক দিশ নিৰ্দেশনা আগবঢ়ায়। এটা ভিডিঅ’ত দেখা গৈছে যে ইছলামিক পোছাক পৰিধান কৰা তীৰ্থযাত্ৰীসকলে ঘোঁৰাত উঠি গন্তব্যস্থানত উপস্থিত হৈছে।

رحلة حج اسثنائية على ظهور الخيل..

وصول حجاج إسبان إلى أرض المملكة عبر منفذ الحديثة الحدودي لإكمال رحلتهم إلى الديار المقدسة#نشرة_النهار | #الإخبارية pic.twitter.com/EEQyfcw9UD
— برامج الإخبارية (@alekhbariyaPROG) May 2, 2025

স্পেনিছ তীৰ্থযাত্ৰী কেইজন হৈছে আব্দাল্লাহ হাৰ্নাণ্ডেজ, আব্দেলকাদৰ হাৰকাছি আৰু তাৰিক ৰড্ৰিগেজে। তেওঁলোকে ঘোঁৰাত উঠি হাজলৈ যোৱাৰ ৫০০ বছৰীয়া আন্দালুছিয়ান মুছলমান পৰম্পৰাক পুনৰুজ্জীৱিত কৰাৰ লক্ষ্য লৈছে।

তেওঁলোকৰ এই যাত্ৰাত চাৰি মাহতকৈ অধিক সময় লাগিছিল আৰু যাত্ৰাকালত তেওঁলোকে প্ৰায় ৮,০০০ কিলোমিটাৰ (৪,৯৭০ মাইল) অতিক্ৰম কৰিছে। ছৌদি আৰৱ কৰ্তৃপক্ষই আগতীয়াকৈ হজযাত্ৰীসকলক আদৰিবলৈ আৰম্ভ কৰাৰ সময়তে ইউৰোপৰ অশ্বাৰোহী হজযাত্ৰী কেইজন দেশখনত উপস্থিত হৈছে।

Endülüs Müslümanlarının 5 asır önceki hac yolculuğunu yaşamak ve hac ibadetini yerine getirmek için İspanya’dan 3 ay önce at sırtında yola çıkan 3 arkadaş Bosna Hersek’e ulaştı.

Abdelkader Harkassi, Abdallah Hernandez ve Tariq Rodriguez tarihi Başçarşı’da hem turistlerin hem de… pic.twitter.com/D1YtcoAjNN
— BalkanNews Türkçe (@BalkanNewsTR) February 6, 2025

উল্লেখ্য যে, জেদ্দাৰ কিং আব্দুলজিজ আন্তঃৰাষ্ট্ৰীয় বিমানবন্দৰ আৰু মদীনাৰ প্ৰিন্স মহম্মদ বিন আব্দুলজিজ আন্তঃৰাষ্ট্ৰীয় বিমানবন্দৰত হজযাত্ৰীক কঢ়িয়াই নিয়া বিমানসমূহৰ অৱতৰণ আৰম্ভ হৈছে।

ইছলামিক চন্দ্ৰ কেলেণ্ডাৰৰ দ্বাদশ মাহ ধুল হিজ্জাহৰ ৮ তাৰিখৰ পৰা ১২ তাৰিখলৈ বছৰি হজযাত্ৰা অনুষ্ঠিত হয়। ইছলামৰ পাঁচটা স্তম্ভৰ ভিতৰত অন্যতম হজযাত্ৰা জীৱনত এবাৰ হ’লেও সম্পন্ন কৰাটো সকলো মুছলমানৰ বাবে ধৰ্মীয় বাধ্যবাধকতা, যিয়ে শাৰিৰীক আৰু আৰ্থিক দিশৰ পৰা এই যাত্ৰাত অংশ ল'বলৈ সক্ষম।