নতুন দিল্লী
মেটাৰ মালিকানাধীন সামাজিক মাধ্যম প্লেটফৰ্ম হোৱাটছএপে ২০২৩ চনৰ জানুৱাৰী মাহত ভাৰতত ২৯ লাখৰো অধিক একাউণ্ট নিষিদ্ধ কৰিছিল।
মাহেকীয়া প্ৰতিবেদন অনুসৰি ১ জানুৱাৰীৰ পৰা ৩১ জানুৱাৰীৰ ভিতৰত মুঠ ২৯,১৮,০০০ হোৱাটছএপ একাউণ্ট নিষিদ্ধ কৰা হৈছে। ইয়াৰে ১০,৩৮,০০০ একাউণ্ট ব্যৱহাৰকাৰীৰ পৰা কোনো অভিযোগ পোৱাৰ আগেই নিষিদ্ধ কৰা হৈছে।
খবৰ অনুসৰি, মেছেজিং প্লেটফৰ্মে "অপব্যৱহাৰৰ বিৰুদ্ধে যুঁজিবলৈ" এই একাউণ্টসমূহ নিষিদ্ধ কৰা হৈছে।
সামাজিক মাধ্যম প্লেটফৰ্মটোৰ এগৰাকী মুখপাত্ৰই কয় যে, “এণ্ড-টু-এণ্ড এনক্ৰিপ্টড মেছেজিং সেৱাৰ মাজত, অপব্যৱহাৰ প্ৰতিৰোধৰ উদ্যোগৰ ক্ষেত্ৰত ৱাটছএপ এক আগশাৰীৰ।”
মুখপাত্ৰগৰাকীয়ে আৰু কয় যে “আমাৰ প্লেটফৰ্মত আমাৰ ব্যৱহাৰকাৰীসকলক সুৰক্ষিত” ৰাখিবলৈ হোৱাটছএপে বছৰ বছৰ ধৰি কৃত্ৰিম বুদ্ধিমত্তা আৰু অন্যান্য অত্যাধুনিক প্ৰযুক্তি, ডাটা বিজ্ঞানী আৰু বিশেষজ্ঞৰ ক্ষেত্ৰত ধাৰাবাহিকভাৱে বিনিয়োগ কৰিছে।
"২০২১ চনৰ আই টি নিয়ম অনুসৰি আমি ২০২৩ চনৰ জানুৱাৰী মাহৰ আমাৰ প্ৰতিবেদন প্ৰকাশ কৰিছো। এই ব্যৱহাৰকাৰী-সুৰক্ষা প্ৰতিবেদনত লাভ কৰা ব্যৱহাৰকাৰীৰ অভিযোগ আৰু সংশ্লিষ্ট হোৱাটছএপে গ্ৰহণ কৰা ব্যৱস্থাৰ সবিশেষ তথ্য সন্নিবিষ্ট কৰা হৈছে, লগতে হোৱাটছএপে প্ৰতিহত কৰিবলৈ লোৱা নিজা প্ৰতিৰোধমূলক ব্যৱস্থাৰ বিষয়েও উল্লেখ আছে।" শেহতীয়া মাহেকীয়া প্ৰতিবেদনত ধৰা পৰাৰ দৰে হোৱাটছএপে জানুৱাৰী মাহত ২৯ লাখতকৈ অধিক একাউণ্ট নিষিদ্ধ কৰিছিল।
দেশৰ ভিতৰতে প্ৰায় ৫০ কোটি ব্যৱহাৰকাৰী থকা আটাইতকৈ জনপ্ৰিয় মেছেজিং প্লেটফৰ্মটোৱে জানুৱাৰী মাহত দেশত ১৪৬১টা অভিযোগ লাভ কৰিছিল আৰু “পদক্ষেপ” লোৱা অভিলেখ আছিল ১৯৫টা।
কোম্পানীটোৱে কয় যে আমি বিশেষভাৱে প্ৰতিৰোধৰ ওপৰত গুৰুত্ব দিছো কাৰণ আমি বিশ্বাস কৰোঁ যে ক্ষতি হোৱাৰ পিছত ক্ষতিকাৰক কাৰ্য্যকলাপ ধৰা পেলোৱাতকৈ আগেই ক্ষতিকাৰক কাৰ্য্যকলাপ সংঘটিত হোৱাটো বন্ধ কৰাটো বহুত ভাল।
"অপব্যৱহাৰ ধৰা পেলোৱাটোৱে একাউণ্টৰ জীৱনশৈলীৰ তিনিটা পৰ্যায়ত কাম কৰে: পঞ্জীয়নৰ সময়ত, বাৰ্তা প্ৰেৰণৰ সময়ত, আৰু নেতিবাচক প্ৰতিক্ৰিয়াত, যিবোৰ আমি ব্যৱহাৰকাৰীৰ প্ৰতিবেদন আৰু ব্লকৰ ৰূপত লাভ কৰো।"
