নতুন দিল্লী
মঙলবাৰে কাশ্মীৰ উপত্যকাত সন্ত্ৰাসবাদী আক্ৰমণৰ পিছত পাকিস্তানৰ বাবে ভাৰতৰ প্ৰাক্তন অধিনায়ক সৌৰভ গাংগুলীয়ে এক শক্তিশালী বাৰ্তা আগবঢ়াইছে৷ সাংবাদিকৰ সৈতে হোৱা কথা-বতৰাত গাংগুলীয়ে কয় যে ভাৰতে পাকিস্তানৰ সৈতে থকা সকলো ক্ৰিকেট সম্পৰ্ক ভংগ কৰিব লাগে আৰু লগতে আই চি চি আৰু এছিয়ান প্ৰতিযোগিতাত তেওঁলোকৰ সৈতে খেলিব নালাগে৷
দুয়োখন দেশৰ ক্ৰিকেট সম্পৰ্ক সন্দৰ্ভত সোধা প্ৰশ্নৰ উত্তৰত গাংগুলীয়ে কয় যে প্ৰতি দুবছৰৰ মূৰে মূৰে ভাৰতৰ মাটিত কিছু সন্ত্ৰাসবাদী কাৰ্যকলাপ চলি থাকে আৰু ইয়াক আৰু সহ্য কৰা উচিত নহয়৷
সাংবাদিকৰ আগত সৌৰভ গাংগুলীয়ে কয়, "১০০ শতাংশ, ভাৰতে এই কামটো কৰিব লাগে (পাকিস্তানৰ সৈতে সম্পৰ্ক বিচ্ছিন্ন কৰক)। কঠোৰ ব্যৱস্থা লোৱা উচিত ৷ প্ৰতি বছৰে এনেবোৰ ঘটনা ঘটি থকাটো এটা ধেমালি হৈ পৰিছে৷ সন্ত্ৰাসবাদ সহ্য কৰিব নোৱাৰি।"
যোৱা ২২ এপ্ৰিলত কাশ্মীৰৰ পহলগামত ভাৰত এক চাঞ্চল্যকৰ সন্ত্ৰাসবাদী আক্ৰমণৰ সাক্ষী হৈছিল৷ খবৰ অনুসৰি, অস্ত্ৰধাৰী লোকে পৰ্যটকৰ ওপৰত গুলীচালনা কৰাৰ ফলত মুঠ ২৬ জন লোকে প্ৰাণ হেৰুৱাইছিল। বিশ্বৰ শীৰ্ষ নেতাসকলে এই আক্ৰমণক ব্যাপক গৰিহণা দিয়াৰ পাছতো পাকিস্তানৰ প্ৰধানমন্ত্ৰীয়ে পাকিস্তানৰ প্ৰধানমন্ত্ৰীয়ে এই ঘটনা সন্দৰ্ভত কোনো আনুষ্ঠানিক বক্তব্য প্ৰকাশ কৰাৰ পৰা বিৰত থাকে৷
বুধবাৰে বি চি চি আইয়ে এই ‘ভয়ংকৰ আৰু কাপুৰুষ’ কাৰ্যক গৰিহণা দি এক বিবৃতি প্ৰকাশ কৰি ছানৰাইজাৰ্ছ হায়দৰাবাদ (এছ আৰ এইচ) আৰু মুম্বাই ইণ্ডিয়ানছ (এম আই)ৰ মাজত অনুষ্ঠিত আই পি এল ২০২৫ৰ ৪১ নং মেচত ভুক্তভোগীসকলক শ্ৰদ্ধাঞ্জলি জনায়৷ ষ্টেডিয়ামত উপস্থিত সকলোৱে এক মিনিটৰ বাবে মৌনতা অৱলম্বন কৰে আৰু খেলুৱৈসকলে ক’লা বেজ পৰিধান কৰি এই ঘটনাক লৈ শোক প্ৰকাশ কৰে৷ ইয়াৰ লগতে সমগ্ৰ খেলখনৰ সময়ত খেলপথাৰত কোনো উদযাপনৰ উপাদান যেনে চিয়েৰলিডাৰ্ছ, সংগীত আৰু আতচবাজী প্ৰদৰ্শন কৰা নহয়৷
_(1).webp)
