গুৱাহাটী
অসমৰ মুখ্যমন্ত্ৰী হিমন্ত বিশ্ব শৰ্মাই কয় যে অনুসূচিত জাতি, অনুসূচিত জনজাতি, চাহ শ্ৰমিকৰ বাহিৰে ১৮ বছৰৰ ওপৰৰ লোকক আৰু এবছৰৰ বাবে নতুন আধাৰ কাৰ্ড প্ৰদান নকৰাৰ সিদ্ধান্ত ৰাজ্যৰ কেবিনেটে লৈছে। তেওঁ লগতে কয় যে আন সম্প্ৰদায়ৰ ব্যক্তিসকলে এতিয়াও আধাৰ কাৰ্ড লাভ নকৰা ব্যক্তিসকলক ছেপ্টেম্বৰ মাহৰ ভিতৰত আবেদন কৰিবলৈ এটা সুযোগ দিয়া হ’ব।
"অসমৰ কেবিনেটে বৃহস্পতিবাৰে সিদ্ধান্ত লৈছে যে অনুসূচিত জাতি, অনুসূচিত জনজাতি আৰু চাহ শ্ৰমিকৰ বাহিৰে ১৮ বছৰৰ ওপৰৰ ব্যাক্তিক আৰু এবছৰৰ বাবে আধাৰ কাৰ্ড প্ৰদান কৰা নহ'ব। যদি আন জাতিৰ কোনো ব্যক্তিয়ে এতিয়াও আধাৰ কাৰ্ড পোৱা নাই তেন্তে ছেপ্টেম্বৰ মাহৰ ভিতৰত আধাৰ কাৰ্ড আৱেদন কৰিব পাৰিব।" - শৰ্মাই কয়।
মুখ্যমন্ত্ৰীয়ে আৰু কয় যে আবেদনৰ উইণ্ড এবাৰ বন্ধ হোৱাৰ পিছত অতি বিৰল ক্ষেত্ৰতহে জিলা আয়ুক্তই আধাৰ কাৰ্ড প্ৰদানৰ কৰ্তৃত্ব লাভ কৰিব। কিন্তু অনুমোদন দিয়াৰ পূৰ্বে আয়ুক্তই বিশেষ শাখাৰ প্ৰতিবেদন আৰু বিদেশী ন্যায়াধিকৰণৰ প্ৰতিবেদন পৰীক্ষা কৰিব লাগিব।
তেওঁ কয় যে, "সময়সীমা সম্পূৰ্ণ হোৱাৰ পিছত অতি বিৰল ক্ষেত্ৰত উইণ্ড জিলা আয়ুক্তই আধাৰ কাৰ্ড প্ৰদানৰ কৰ্তৃত্ব লাভ কৰিব আৰু আধাৰ কাৰ্ড প্ৰদানৰ পূৰ্বে আয়ুক্তই এছ বি ৰিপৰ্ট, বিদেশী ন্যায়াধিকৰণৰ প্ৰতিবেদন পৰীক্ষা কৰিব লাগিব।"
শৰ্মাই ব্যাখ্যা কৰে যে চৰকাৰৰ উদ্দেশ্য হৈছে অবৈধ বিদেশী, বিশেষকৈ বাংলাদেশী, নাগৰিকে অসমত আধাৰ কাৰ্ড লাভ কৰি ভাৰতীয় নাগৰিকত্ব মিছাকৈ দাবী কৰাত বাধা দিয়া। তেওঁ জোৰ দি কয় যে ৰাজ্যখনে ধাৰাবাহিকভাৱে সীমান্তত অনুপ্ৰৱেশকাৰীক উভতাই পঠিয়াই আহিছে আৰু এতিয়া এনে ব্যক্তিয়ে অসমৰ জৰিয়তে আধাৰ লাভ কৰাৰ যিকোনো সম্ভাৱনা সম্পূৰ্ণৰূপে বাধা দিছে।
তেওঁ লগতে কয়, "আমি সীমান্তত বাংলাদেশী নাগৰিকক ধাৰাবাহিকভাৱে উভতাই পঠিয়াই আহিছো। আমি সুৰক্ষা ল'ব বিচাৰো যাতে কোনোৱে (অবৈধ বিদেশীয়ে) ৰাজ্যত প্ৰৱেশ কৰি অসমৰ পৰা আধাৰ কাৰ্ড লাভ কৰিব নোৱাৰে আৰু নিজকে ভাৰতীয় নাগৰিক বুলি দাবী কৰিব নোৱাৰে। আমি সেই পথ সম্পূৰ্ণৰূপে বন্ধ কৰি দিছো।"
