গুৱাহাটী
অসমত আগত বিধানসভা নিৰ্বাচনৰ প্ৰস্তুতিৰ পর্যালোচনা কৰিবলৈ অহা ১৬ ফেব্ৰুৱাৰীত তিনিদিনীয়া ভ্রমণসূচীৰে অসমলৈ আহিব ভাৰতৰ নিৰ্বাচন আয়োগৰ এটা দল।
১৬ ফেব্ৰুৱাৰীৰ পৰা ১৮ ফেব্ৰুৱাৰীলৈ বিভিন্ন পক্ষৰ সৈতে এলানি বৈঠকত মিলিত হ'ব নির্বাচন আয়োগৰ দলটো। প্রতিটো ৰাজনৈতিক দলৰ প্রতিনিধিৰ সৈতে মিলিত হোৱাৰ লগতে আয়োগে সকলো জিলাৰ ডি চি, এছ এছ পিৰ সৈতেও মিলিত হ'ব বৈঠকত।
অহা ১৮ ফেব্ৰুৱাৰীৰ বিয়লি তিনি বজাত গুৱাহাটীৰ হোটেল ৰেডিছন ব্লুত নির্বাচন আয়োগে এখন সংবাদমেল অনুষ্ঠিত কৰিব বুলি এক চৰকাৰী সূত্ৰই সদৰী কৰিছে।
