ইছলামত নাৰীক বহু উচ্চস্থান দিয়া হৈছে। ইছলামত নাৰীৰ শিক্ষা, নাৰী সবলীকৰণ আদিৰ কথা বাৰে বাৰে উল্লেখ কৰা আছে। কিন্তু আজিৰ বৈজ্ঞানীক যুগতো মুছলমান সমাজৰ একাংশ লোকে নাৰীক মাত্ৰ চাৰিবেৰৰ ভিতৰতে আৱদ্ধ কৰি ৰাখিব বিচাৰে। কিন্তু নিজৰ ধৰ্মীয় দিশ, শালীনতা ৰক্ষা কৰি, সমাজৰ নিয়ম উলংঘা নকৰি একান্ত মনে কেৱল মাত্ৰ নিজৰ কাম কৰি সফলতা লাভ কৰিব পাৰে বুলি জেৰিনাই বিশ্বাস কৰে।
জেৰিনাই কয়, "প্ৰথমে মই গ্ৰাহকৰ ঘৰত গৈ গৈ সৌন্দৰ্য চৰ্চাৰ সেৱা আগবঢ়াইছিলো। কিন্তু পিছত মই মোৰ নিজৰ পাৰ্লাৰ আৰম্ভ কৰিছিলো। কিন্তু এই ক্ষেত্ৰত মোক মোৰ মা'ৰ বাদে পৰিয়ালৰ আন কোনো সদস্যই কোনো ধৰণৰ সমৰ্থন আগবঢ়োৱা নাছিল। কাৰণ তেওঁলোকে মোক এটা কথাকে কৈছিল যে, যি কৰিব লগা আছে সেই সকলোবোৰ ঘৰত থাকিয়ে কৰিব লাগিব, ঘৰৰ বাহিৰত গৈ নহয়। কিন্তু পূৰ্বৰ পৰাই ইছলামত নাৰীক বহু উচ্চস্থান দিয়া হৈছে। ইছলামত নাৰীৰ শিক্ষা, নাৰী সবলীকৰণ আদিৰ কথা বাৰে বাৰে উল্লেখ কৰা আছে। কিন্তু আজি বৈজ্ঞানীক যুগতো মুছলমান সমাজৰ একাংশ লোকে নাৰীক মাত্ৰ চাৰিবেৰৰ ভিতৰতে আৱদ্ধ কৰি ৰাখিব বিচাৰে। বৰ্তমানৰ সমাজিক মাধ্যমৰ যুগত ঘৰত বহি থাকি নিজৰ ব্যৱসায় বৃদ্ধি কৰাটো একেবাৰে সম্ভৱ নহয়। সেয়েহে মই ঘৰত মানুহৰ বিৰুদ্ধে গৈ মোৰ পাৰ্লাৰখন আৰম্ভ কৰিলো। মোৰ বেয়া লাগে যে, মই মোৰ এই সংগ্ৰামৰ পথত আজি অকলে যুঁজি আছো। কিন্তু মই দৃঢ় যে, এদিন মই সফল হম আৰু সকলোৱে মোক প্ৰশংসা কৰিব। মই নিজৰ ধৰ্মীয় দিশ, শালীনতা ৰক্ষা কৰি, সমাজৰ নিয়ম উলংঘা নকৰি একান্ত মনে কেৱল মাত্ৰ নিজৰ কাম কৰি যাম, যিয়ে মোক ভৱিষ্যতে সফলতাৰ দিশে আগুৱাই লৈ যাব।"
জেৰিনাই প্ৰাকৃতিক সামগ্ৰীৰে কৰা ফেচিয়েল
আমাৰ সকলোৰে ওচৰত কিবা নহয় কিবা প্ৰতিভা লুকুৱাই আছে। কিন্তু কিছুমানে সুযোগ আৰু সমৰ্থন লাভ কৰে বাবে সফলতা লাভ কৰে আৰু কিছুমানে সমৰ্থন লাভ নকৰে বাবে সফল হব নোৱাৰে। কাৰণ আমাৰ সমাজত আজিও এনে একাংশ লোক আছে যিসকলে মহিলা তথা যুৱতীক খুব কম সমৰ্থন কৰে। জেৰিনাৰ মতে, মহিলা তথা যুৱতীয়ে কাম কৰাৰ বাবে ঘৰৰ বাহিৰলৈ ওলাই যোৱা মানে কোনো অপৰাধ কৰা নহয়। কাৰণ নিজে সৎ আৰু সঠিক পথত থাকিলে, আনে কেতিয়াও আপোনাক ক্ষতি কৰিব নোৱাৰে।
জেৰিনাই কয়, "মই এটা কথা কব বিচাৰো যে, আমাৰ মুছলমান সমাজৰ একাংশ লোকে আজিও ছোৱালীৰ শিক্ষা আৰু কৰ্মৰ ক্ষেত্ৰত হেঙাৰ হৈ থকা দেখা যায়। এনে বহু অভিভাৱক আছে যিসকলে নিজৰ কন্যাক কেৱল মাত্ৰ বিয়া দিব পাৰিলেয়ে নিজৰ দ্বায়িত্ব শেষ হোৱা বুলি ভাবে। আনহাতে এনে বহু পুৰুষও আছে যিসকলে ভাবে যে, এগৰাকী মহিলাই ঘৰৰ বাহিৰলৈ ওলাই গলে যেন কিবা অপৰাধহে কৰিবলৈ গৈ আছে। কিন্তু যদি নিজেই সৎ আৰু সঠিক পথত থাকে, তেন্তে আনে কেনেকৈ আপোনাক ক্ষতি কৰিব পাৰিব। আৰু আমাৰ সকলোৰে ওচৰত কিবা নহয় কিবা প্ৰতিভা লুকুৱাই আছে। কিন্তু কিছুমানে সুযোগ আৰু সমৰ্থন লাভ কৰে বাবে সফলতা লাভ কৰে আৰু কিছুমানে সমৰ্থন লাভ নকৰে বাবে সফল হব নোৱাৰে। মই এটা কথায়ে কব বিচাৰো যে, ছোৱালীবোৰ খুবেই প্ৰতিভাৱান, কেৱল তেওঁলোকক সমৰ্থন আৰু কিছু যত্নৰ দৰকাৰ।"
জেৰিনাই কইনাৰ হাতত বুলোৱা মেহেন্দি
জেৰিনাই বহু মহিলা তথা যুৱতীক বাহ্যিক সৌন্দৰ্যতা প্ৰদান কৰাৰ লগতে কৰ্মসংস্থাপনৰ ব্যৱস্থা কৰি তেওঁলোকৰ জীৱন সৌন্দৰ্যতাৰে উপচাই দিছে। সুন্দৰ মুখমণ্ডল লগতে এখন সুন্দৰ হৃদয়ৰ গৰাকী জেৰিনাই বৰ্তমানলৈ শতাধিক যুৱতীক প্ৰশিক্ষণ প্ৰদান কৰি তেওঁলোকক স্বাৱলম্বী হোৱাৰ পথ দেখুৱাইছে। বহু যুৱতীয়ে তেওঁৰ পৰা প্ৰশিক্ষণ লাভ কৰি আত্মনিৰ্ভৰশীল হৈ একো একোটা পৰিয়ালৰ পোহ-পাল দি আহিছে।
জেৰিনাই কয়, "মই বহু ছোৱালীক চিলাই, মেকআপ আৰু পাৰ্লৰৰ প্ৰশিক্ষণো দি আহিছো। প্ৰশিক্ষণৰ বাবদ মই যুৱতীসকলৰ পৰা বহু বেছি টকা আদায় নলও। আনহাতে মই আৰ্থিকভাৱে দুৰ্বল বহু যুৱতীক বিনামূলীয়াকৈও প্ৰশিক্ষণ দি আহিছো। কাৰণ মই এটা কথায়ে ভাবো যে, যুৱতীসকল আত্মনিৰ্ভলশীল হব লাগে। আৰু মোৰ পৰা প্ৰশিক্ষণ লাভ কৰি কোনো নহয় কোনোৱে আত্মনিৰ্ভৰশীল হ'ব পাৰিব।"
