আছিম মুনিৰ হৈছে চুট পিন্ধা ওছামা বিন লাডেন; তেওঁক আমেৰিকাই নিষিদ্ধ কৰা উচিতঃ পেন্টাগনৰ প্ৰাক্তন বিষয়া

Story by atv | Posted by [email protected] • 1 d ago

পেন্টাগনৰ প্ৰাক্তন বিষয়া মাইকেল ৰুবিন আৰু পাকিস্তানৰ সেনা প্ৰধান আছিম মুনিৰ

নতুন দিল্লী

পাকিস্তানৰ সেনা প্ৰধান আছিম মুনিৰে শেহতীয়াকৈ আমেৰিকা ভ্ৰমণৰ সময়ত পাৰমাণৱিক ভাবুকিভৰা মন্তব্য আগবঢ়োৱা ঘটনাক তীব্ৰ গৰিহণা দিছে পেন্টাগনৰ প্ৰাক্তন বিষয়া মাইকেল ৰুবিনে। মঙলবাৰে তেওঁ কয় যে মুনিৰৰ এই বাক্যবাণে ৯/১১ৰ সন্ত্ৰাসবাদী আক্ৰমণৰ খলনায়ক ওছামা বিন লাডেনৰ কথা মনত পেলাই দিছে।

সংবাদ সংস্থা এ এন আইৰ সৈতে হোৱা এক সাক্ষাৎকাৰত ৰুবিনে কয় যে, “আমেৰিকাৰ মাটিত পাকিস্তানৰ ভাবুকি সম্পূৰ্ণৰূপে গ্ৰহণযোগ্য নহয়।” তেওঁ লগতে কয় যে ইছলামাবাদৰ এই ভাবুকিৰ পিছত দেশখনৰ ৰাষ্ট্ৰ হোৱাৰ যোগ্যতাক লৈ প্ৰশ্ন উত্থাপন হৈছে। পাকিস্তানৰ সেনা প্ৰধান আছিম মুনিৰৰ বাক্যবাণে আমাক ওছামা বিন লাডেনৰ কথা মনত পেলাই দিছে।”

তেওঁ ব্যাখ্যা কৰে যে "আমেৰিকানসকলে সন্ত্ৰাসবাদক অভিযোগৰ দৃষ্টিৰে চায়। তেওঁলোকে বহু সন্ত্ৰাসবাদীৰ মতাদৰ্শগত আধাৰ বুজি নাপায়। আছিম মুনিৰ হৈছে চুট পিন্ধা ওছামা বিন লাডেন।"

#WATCH | Washington DC, USA | On upcoming meeting between US and Russia, Former Pentagon official Michael Rubin says, "...Asim Munir is Osama Bin Laden in a suit..."

He says, "Donald Trump is a businessman and is used to horse-trading... He does not understand that a bad peace… pic.twitter.com/Cra1y24e19
— ANI (@ANI) August 12, 2025

উল্লেখ্য যে, ফ্ল’ৰিডাৰ টাম্পাত অলপতে অনুষ্ঠিত এক অনুষ্ঠানত পাকিস্তান সেনা প্ৰধানগৰাকীয়ে পাৰমাণৱিক বোমাৰ ভাবুকি দি কৈছিল, “আমি এখন পাৰমাণৱিক ৰাষ্ট্ৰ। যদি আমি নামি যাম বুলি ভাবো, তেন্তে আমি আধা পৃথিৱীখনক নিজৰ লগত তললৈ নমাই নিব পাৰো।” তেওঁৰ এই চাঞ্চল্যকৰ মন্তব্যৰ পিছতে পেন্টাগনৰ প্ৰাক্তন বিষয়া মাইকেল ৰুবিনৰ প্ৰতিক্ৰিয়া ভাৰতৰ বাবে যথেষ্ট গুৰুত্বপূৰ্ণ বিবেচিত হৈছে।

তেওঁ আৰু যুক্তি দিয়ে যে, “আমেৰিকাই পাকিস্তানক অ-নাটো (non-NATO)ৰ প্ৰধান মিত্ৰ হিচাপে গণ্য কৰাৰ কোনো কাৰণ নাই; পাকিস্তান সন্ত্ৰাসবাদৰ ৰাষ্ট্ৰীয় পৃষ্ঠপোষক হিচাপে তালিকাভুক্ত হোৱা প্ৰথমখন অ-নাটোৰ মিত্ৰ দেশ হোৱা উচিত, আৰু তেওঁলোক আমেৰিকাৰ কেন্দ্ৰীয় কমাণ্ডৰ সদস্য হ’ব নালাগে।”

#WATCH | Washington DC, USA | On Pakistan Army Chief Asim Munir’s nuclear threat, Former Pentagon official Michael Rubin says, "Pakistan's threats on American soil are completely unacceptable and it is raising questions in many people's minds whether if it can fulfill the… pic.twitter.com/y7I5wh2VK7
— ANI (@ANI) August 11, 2025

কঠোৰ কূটনৈতিক ব্যৱস্থা গ্ৰহণৰ আহ্বান জনাই তেওঁ কয়, "আছিম মুনিৰক আমেৰিকাই এগৰাকী অগ্ৰহণযোগ্য (persona non grata) ব্যক্তি হিচাপে গণ্য কৰা উচিত আৰু পাকিস্তানে ক্ষমা নুখুজা পৰ্যন্ত পাকিস্তানৰ কোনো বিষয়াই আমেৰিকান ভিছা লাভ কৰা উচিত নহয়।"

ইয়াৰ পূৰ্বে সোমবাৰে ভাৰতে মুনিৰৰ মন্তব্যৰ ওপৰত তীব্ৰ প্ৰতিক্ৰিয়া প্ৰকাশ কৰি ইয়াক পাকিস্তানৰ নিৰন্তৰ 'পাৰমাণৱিক ভাবুকি'ৰ উদাহৰণ বুলি অভিহিত কৰে। এক চৰকাৰী বিবৃতিত বৈদেশিক পৰিক্ৰমা মন্ত্ৰালয়ে (MEA) কয় যে মুনিৰৰ মন্তব্যবোৰে পাকিস্তানৰ পাৰমাণৱিক কৰ্তৃত্ব আৰু নিয়ন্ত্ৰণৰ অখণ্ডতাৰ ওপৰত সন্দেহ প্ৰকাশ কৰিছে, বিশেষকৈ এটা সামৰিক প্ৰতিষ্ঠানে সন্ত্ৰাসবাদী গোটৰ সৈতে হাত মিলাই থকাৰ কথা ভয়ংকৰ।

বৈদেশিক পৰিক্ৰমা মন্ত্ৰালয়ে লগতে কয় যে বন্ধুত্বপূৰ্ণ তৃতীয় দেশৰ মাটিৰ পৰা এনে ভাবুকিমূলক মন্তব্য কৰাটো অত্যন্ত দুখজনক। ভাৰতৰ এই স্থিতিৰ পুনৰাবৃত্তি কৰি বিবৃতিটোত কোৱা হৈছে, “ভাৰতে ইতিমধ্যে স্পষ্ট কৰি দিছে যে ভাৰতে পাৰমাণৱিক ব্লেকমেইলৰ ওচৰত হাৰ নামানে। আমি আমাৰ ৰাষ্ট্ৰীয় নিৰাপত্তা ৰক্ষাৰ বাবে প্ৰয়োজনীয় সকলো পদক্ষেপ গ্ৰহণ কৰি যাম।”