আমি উভয়ে ইছলামিক ৰাষ্ট্ৰঃ পাকিস্তানৰ ধৰ্মীয় আহ্বানক নাকচ কৰিলে মালয়েছিয়াই

Story by atv | Posted by [email protected] • 2 d ago

মালয়েছিয়াৰ সংসদৰ অধ্যক্ষক সাক্ষাৎ কৰে সৰ্বদলীয় সংসদীয় প্ৰতিনিধি দলটোৱে

মালয়েছিয়া

মালয়েছিয়াই ভাৰত চৰকাৰৰ অপাৰেচন সেন্দুৰৰ সকলো প্ৰচাৰ কাৰ্যসূচী বাতিল কৰাৰ বাবে পাকিস্তানে কৰা অনুৰোধক উপেক্ষা কৰে।

ধৰ্মৰ কাৰ্ড খেলিবলৈ চেষ্টা কৰি পাকিস্তানৰ দূতাবাসে মালয়েছিয়াৰ চৰকাৰী বিষয়াসকলক সঞ্জয় ঝাৰ নেতৃত্বত গঠিত প্ৰতিনিধি দলটোৰ ১০টা কাৰ্যসূচী বাতিল কৰিবলৈ আহ্বান জনাই কৈছিল যে, "আমি ইছলামিক দেশ, আপোনালোকো ইছলামিক দেশ। ভাৰতীয় প্ৰতিনিধি দলৰ কথা নুশুনিব, মালয়েছিয়াত তেওঁলোকৰ সকলো কাৰ্যসূচী বাতিল কৰক।"

#Pakistan snubbed by an Islamic country

Pakistani embassy reportedly urged Malaysian officials to cancel Indian delegation's programmes, citing "Islamic solidarity". They tried to derail the visit raising kashmir issue

But Kuala Lumpur did not flinch. Indian delegation… pic.twitter.com/vGpEEUatf3
— Nabila Jamal (@nabilajamal_) June 4, 2025

পাকিস্তানৰ অনুৰোধ নাকচ কৰি মালয়েছিয়া চৰকাৰে ৯ জনীয়া প্ৰতিনিধি দলটোক ১০টা প্ৰস্তাৱিত কাৰ্যসূচীৰ সকলোবোৰ আয়োজন কৰিবলৈ সন্মতি দিয়ে। জাপান, দক্ষিণ কোৰিয়া, ছিংগাপুৰ আৰু ইণ্ডোনেছিয়াৰ পিছত প্ৰতিনিধি দলটোৰ বহুজাতিক ভ্ৰমণৰ শেষ স্থান আছিল মালয়েছিয়া। শনিবাৰে কুৱালালামপুৰত অৱতৰণ কৰে প্ৰতিনিধি দলটো।

জেডিইউৰ সাংসদ সঞ্জয় ঝাৰ নেতৃত্বত মালয়েছিয়ালৈ যোৱা ভাৰতীয় প্ৰতিনিধি দলটোত আছে বিজেপিৰ সাংসদ অপৰাজিতা সাৰংগী, ব্রিজ লাল, প্রদান বৰুৱা, আৰু হেমাং যোশী, তৃণমূল কংগ্ৰেছৰ অভিষেক বেনাৰ্জী, চিপিএমৰ জন ব্রিটাছ, কংগ্ৰেছৰ ছলমান খুৰশ্বিদ, আৰু বাহৰেইন আৰু ফ্ৰান্সস্থিত ভাৰতৰ প্রাক্তন ৰাষ্ট্ৰদূত মোহন কুমাৰ।