এই সিদ্ধান্তই বিগত বছৰৰ সমূহৰ তুলনাত হজযাত্ৰীসকলৰ বাবে এক ডাঙৰ আৰু সুবিধাজনক পদক্ষেপ হিচাপে পৰিগণিত হ'ব। ইয়াৰ পূৰ্বে পবিত্ৰ হজ খোতবা মাত্ৰ ১০টা ভাষালৈ অনুবাদ কৰা হৈছিল। এইবাৰৰ নতুন পৰিকল্পনা হজযাত্ৰীসকলৰ বাবে হজৰ অভিজ্ঞতাক অধিক সৰ্বাংগীন আৰু সুবিধাজনক কৰি তোলাৰ দিশত এক ডাঙৰ পদক্ষেপ।
কেইবাটাও মাধ্যমৰ জৰিয়তে এই খোতবা পোনপটীয়াকৈ সম্প্ৰচাৰ কৰা হ’ব। ইয়াৰ ভিতৰত থাকিব এফ এম ৰেডিঅ’ চেনেল, বিশেষ মোবাইল এপ্লিকেচন, আৰু মক্কাত উপস্থিত হজযাত্ৰীসকলৰ বাবে মছজিদ আল-হাৰামত উপলবদ্ধ লাইভ ব্যাখ্যা সেৱা।
এই ঐতিহাসিক প্ৰচেষ্টাৰ অংশ হিচাপে দ্য ইছলামিক ইনফৰ্মেচনৰ দৰে ডিজিটেল মিডিয়া প্লেটফৰ্মেও বহু ভাষাৰ লাইভ সম্প্ৰচাৰ প্ৰদান কৰিব। যিসকলে হজলৈ যাব নোৱাৰে কিন্তু মাতৃভাষাত খোতবা শুনিব বিচাৰে, তেওঁলোকৰ বাবেও এই সুবিধা উপযোগী হ’ব।
প্ৰতিনিধিত্বমূলক ছবি
বিষয়াসকলে জনোৱা মতে সকলো কাৰিকৰী প্ৰস্তুতি সম্পূৰ্ণ কৰা হৈছে যাতে অনুবাদৰ মানদণ্ড ভাল হয় আৰু যোগাযোগৰ ক্ষেত্ৰত কোনো বাধা নাথাকে। ইতিমধ্যে হজযাত্ৰীসকলৰ মোবাইল ডিভাইচৰ বাবে নিবেদিত এপ্লিকেচনৰ ব্যৱস্থা কৰা হৈছে, লগতে মছজিদ-আল-হাৰামত উপস্থিত থকাসকলৰ বাবে মাইকৰ সুবিধাও কৰা হৈছে।
ভাষাৰ বাধাৰ বাবে এতিয়ালৈকে খোতবাক সম্পূৰ্ণৰূপে বুজিবলৈ অসুবিধা পোৱা লাখ লাখ হজযাত্ৰীৰ বাবে অতি সুবিধাজনক হিচাপে পৰিগণিত হ'ব। তেওঁলোকে এতিয়া নিজৰ ভাষাত ইছলামৰ গুৰুত্বপূৰ্ণ শিক্ষা শুনিব পাৰিব আৰু হজৰ এই অতি গুৰুত্বপূৰ্ণ মুহূৰ্তত সম্পূৰ্ণৰূপে অংশগ্ৰহণ কৰিব পাৰিব।
২০২৫ চনৰ হজৰ প্ৰস্তুতি এতিয়া চূড়ান্ত পৰ্যায়ত উপনীত হৈছে আৰু আন্তঃৰাষ্ট্ৰীয় হজযাত্ৰীসকলৰ অভিজ্ঞতা উন্নত কৰাৰ লক্ষ্যৰে ৰূপায়ণ কৰা বহু উন্নতিৰ ভিতৰত এই অনুবাদ সেৱা অন্যতম।
এই পদক্ষেপে ইছলামিক ঐক্যক প্ৰতিফলিত কৰাই নহয়, আধুনিক প্ৰযুক্তি আৰু সৰ্বাংগীনতাৰ জৰিয়তে ধৰ্মীয় আচাৰ-অনুষ্ঠানসমূহক কেনেকৈ অধিক সাৰ্বজনীন আৰু সুলভ কৰি তুলিব পাৰি, সেই কথাও প্ৰমাণ কৰে।
