ফ্ল’ৰিডা
নিশাটোৰ আমেৰিকাৰ আক্ৰমণৰ পিছত ভেনিজুৱেলাৰ ৰাষ্ট্ৰপতি নিকোলছ মাদুৰোক বন্দী কৰি আমেৰিকাৰ ৰাষ্ট্ৰপতি ডোনাল্ড ট্ৰাম্পে শনিবাৰে কয় যে আমেৰিকাই আপাততঃ ভেনিজুৱেলাক “চালাব"।
ফ্ল’ৰিডাত এখন সংবাদমেলত ভাষণ দি ট্ৰাম্পে দাবী কৰে যে পৰিৱৰ্তন স্থাপন নোহোৱালৈকে ৱাশ্বিংটনে দেশখনৰ তদাৰক কৰিব যদিও কেনেকৈ কাম কৰিব সেই সন্দৰ্ভত কোনো সবিশেষ আগবঢ়োৱা নাই। "নিৰাপদ, সঠিক আৰু বিবেচনাপূৰ্ণ পৰিৱৰ্তন কৰিব নোৱাৰা সময়ৰলৈকে আমি দেশখন চলাই যাম।"
ৰাতিটোৰ ভিতৰতে চলোৱা আমেৰিকাৰ সামৰিক অভিযানক প্ৰশংসা কৰি ট্ৰাম্পে সংবাদমেলৰ আৰম্ভণিতে ইয়াক “আমেৰিকাৰ ইতিহাসৰ অন্যতম আশ্চৰ্যকৰ আক্ৰমণ আৰু আমেৰিকাৰ সামৰিক শক্তি আৰু দক্ষতাৰ ফলপ্ৰসূ আৰু শক্তিশালী প্ৰদৰ্শন” বুলি অভিহিত কৰে।
"কালি বা অকপটে ক’বলৈ গ’লে ইমান কম সময়ৰ ভিতৰতে আমেৰিকাই যিখিনি অৰ্জন কৰিলে, সেয়া বিশ্বৰ কোনো দেশে কৰিব নোৱাৰে," তেওঁ ক'লে আৰু লগতে যোগ কৰে যে যুক্তৰাষ্ট্ৰৰ চৰকাৰী সংস্থাসমূহৰ সৈতে কাম কৰি, ইউ এছ সেনাই "ভেনিজুৱেলাৰ সেনা সক্ষমতাক নিৰ্থক কৰি মাদুৰোক নিশাৰ অন্তত সফলভাৱে বন্দী কৰে।”
আমেৰিকাৰ ৰাষ্ট্ৰপতিগৰাকীয়ে মাদুৰোৰ নেতৃত্বক “ভয়ংকৰ আৰু নিশ্বাসহীনকৰা দুয়োটা” বুলি অভিহিত কৰি কয় যে এই অভিযানৰ লক্ষ্য হৈছে ভেনিজুৱেলাৰ লোকসকলৰ বাবে শান্তি আৰু স্থিতিশীলতা নিশ্চিত কৰা। আমেৰিকাত বাস কৰা ভেনিজুৱেলাৰ লোকসকলৰ কথাও উল্লেখ কৰি ট্ৰাম্পে কয় যে, "আমি ভেনিজুৱেলাৰ মহান জনসাধাৰণৰ বাবে শান্তি, স্বাধীনতা আৰু ন্যায় বিচাৰো।"
"At my direction, the U.S. Armed Forces conducted an extraordinary military operation in the capital of Venezuela...This was one of the most stunning, effective, and powerful displays of American military might and competence in American history." - PRESIDENT DONALD J. TRUMP 🇺🇸 pic.twitter.com/QibvrRKsSv
— The White House (@WhiteHouse) January 3, 2026
ট্ৰাম্পে কয় যে আমেৰিকাই জনসাধাৰণৰ স্বাৰ্থ ৰক্ষা নকৰাকৈ আন এজন নেতাক ভেনিজুৱেলা দখল কৰিবলৈ নিদিয়ে। "আমি এনেকুৱা এটা সংশয় ল'ব নোৱাৰো যে আন কোনোবাই ভেনিজুৱেলা দখল কৰে যিয়ে ভেনিজুৱেলাৰ জনসাধাৰণৰ ভালৰ কথা মনত ৰাখিব নোৱাৰে জাৰ বাবে দশক দশক তেওঁলোকে ভুগিছিল। আমি সেয়া হ'বলৈ নিদিওঁ।"
তেওঁ লগতে কয় যে পৰিৱৰ্তনকালত আমেৰিকাৰ উপস্থিতি অব্যাহত থাকিব। “আমি তাত আছো ... আমি ইমান সময়লৈকে থাকিম যেতিয়ালৈকে এটা সঠিক পৰিৱৰ্তন হ’ব নোৱাৰে।”
ট্ৰাম্পে এই অভিযানক ভেনিজুৱেলাৰ বিশাল তেলৰ মজুতৰ সৈতেও জড়িত কৰি কয় যে এই খণ্ডটো পুনৰ নিৰ্মাণৰ ক্ষেত্ৰত আমেৰিকাৰ কোম্পানীসমূহে গুৰুত্বপূৰ্ণ ভূমিকা পালন কৰিব। তেওঁ কয়, "আমি আমাৰ অতি বৃহৎ আমেৰিকাৰ তেল কোম্পানী, বিশ্বৰ যিকোনো ঠাইতে আটাইতকৈ ডাঙৰ কোম্পানীবোৰক সোমাই দিম, কোটি কোটি টকা খৰচ কৰিম, বেয়াকৈ ভঙা আন্তঃগাঁথনি, তেলৰ আন্তঃগাঁথনি ঠিক কৰিম আৰু দেশৰ বাবে ধন ঘটিবলৈ আৰম্ভ কৰিম।"
ৰাষ্ট্ৰপতিগৰাকীয়ে প্ৰকাশ কৰে যে প্ৰয়োজন হ’লে আমেৰিকাৰ বাহিনী অধিক সামৰিক ব্যৱস্থা গ্ৰহণৰ বাবে সাজু হৈ আছে। দ্বিতীয়টো আক্ৰমণৰ ঢৌৰ পৰিকল্পনা কৰা হৈছিল যদিও শেষত ইয়াৰ প্ৰয়োজন হোৱা নাছিল বুলি উল্লেখ কৰি ট্ৰাম্পে কয় যে, "আমি প্ৰয়োজন হ’লে দ্বিতীয়টো আৰু বহু বৃহৎ আক্ৰমণ চলাবলৈ সাজু।"
