যোৱা কেইবা দশক ধৰি চলা গৱেষণা আৰু মেটা-বিশ্লেষণে বাৰে বাৰে প্ৰমাণ কৰিছে যে নিয়মীয়াকৈ কফী খোৱা লোকসকলৰ লিভাৰৰ গুৰুতৰ ৰোগ হোৱাৰ আশংকা বহুগুণে কম থাকে।
দৈনিক কিমান পৰিমাণৰ কফী খোৱাটো উচিত?
গৱেষণাৰ ওপৰত ভিত্তি কৰি বিশেষজ্ঞসকলে কফী খোৱাৰ এক নিৰ্দিষ্ট পৰিমাণ নিৰ্ধাৰণ কৰি দিছে:
সৰ্বনিম্ন পৰিমাণঃ দিনটোত কমেও ২ ৰ পৰা ৩ কাপ।
সৰ্বোত্তম পৰিমাণঃ দৈনিক ৩ কাপতকৈ অধিক (য'ত প্ৰায় ৩০০ মিলিগ্ৰাম কেফেইন থাকে)।
প্ৰতিজন ব্যক্তিৰ শৰীৰৰ গঠন আৰু সহ্য কৰিব পৰা ক্ষমতা বেলেগ বেলেগ। গতিকে, আপোনাৰ শৰীৰৰ লগত খাপ খোৱালৈকে কফীৰ পৰিমাণ বৃদ্ধি কৰিলে ইয়াৰ পৰা পোৱা স্বাস্থ্যজনিত উপকাৰিতাও বৃদ্ধি পায়।
সৰ্বাধিক উপকাৰৰ বাবে ব্লেক কফী (Black Coffee)
কফীৰ পৰা সম্পূৰ্ণ লাভালাভ আদায় কৰিবলৈ হ'লে ইয়াক খোৱাৰ সঠিক নিয়ম জনাটো অতি প্ৰয়োজন। বিজ্ঞান আৰু বিশেষজ্ঞ দুয়োপক্ষই এই কথাত একমত প্ৰকাশ কৰিছে যে কফী সদায় 'ব্লেক কফী' হিচাপে খাব লাগে। কাৰণ ব্লেক কফীত থকা এণ্টিঅক্সিডেণ্টৰ উপকাৰিতাসমূহ অক্ষুণ্ণ হৈ থাকে। কফীৰ সৈতে চেনি, বিভিন্ন ধৰণৰ চিৰাপ, গাখীৰ বা ক্ৰীমাৰ ব্যৱহাৰ কৰাৰ পৰা বিৰত থাকিবলৈ বিশেষজ্ঞ চিকিৎসকে পৰামৰ্শ আগবঢ়াইছে। কফীত অতিৰিক্তভাৱে গাখীৰ বা চেনি যোগ দিলে ইয়াৰ কেলৰিৰ পৰিমাণ বৃদ্ধি পায়, যাৰ ফলত কফীৰ প্ৰকৃত কাৰ্যকাৰিতা একেবাৰেই হ্ৰাস পায়।
কফীয়ে ফেটী লিভাৰ নিৰাময় নকৰে, কিন্তু ফাইব্ৰ’ছিছ হ্ৰাস কৰে
নতুন দিল্লীৰ ছাৰ গংগা ৰাম চিকিৎসালয়ৰ গেষ্ট্ৰ’এণ্টেৰ’লজী বিভাগৰ জ্যেষ্ঠ পৰামৰ্শদাতা ডাঃ পীয়ুষ ৰঞ্জনে এই বিষয়ে এক স্পষ্ট ধাৰণা দি কয়, “কফীয়ে ফেটী লিভাৰ বা মেটাবলিক ডিছফাংচন-এচ’চিয়েটেড ষ্টিয়াটোটিক লিভাৰ ডিজিজ (MASLD) প্ৰতিৰোধ কৰিব নোৱাৰে। ইয়াৰ মূল কাম হৈছে কেৱল ফাইব্ৰ’ছিছ হ্ৰাস কৰাত সহায় কৰা।”
সাধাৰণতে ফেটী লিভাৰ হোৱাৰ মূল কাৰণসমূহ হৈছে- মেদবহুলতা বা শৰীৰৰ অতিৰিক্ত ওজন। ডায়েবেটিছ বা বহুমূত্ৰ ৰোগ। মেটাবলিক চিনড্ৰম (বিপাকীয় ক্ৰিয়াৰ লগত জড়িত সমস্যা)।
ডাঃ ৰঞ্জনে লগতে সকীয়াই দিয়ে যে, “যদি এজন ব্যক্তি অত্যাধিক শকত বা মেদবহুল হয় আৰু তেওঁ নিজৰ ওজন কমোৱাৰ কোনো চেষ্টা নকৰে, তেন্তে কেৱল কফী খালেই তেওঁৰ লিভাৰৰ কোনো ধৰণৰ উন্নতি নহ'ব।”
প্ৰতিনিধিত্বমূলক ছবি
দৈনিক ৪-৬ কাপ ব্লেক কফীয়ে কেনেদৰে সহায় কৰে?
ডাঃ ৰঞ্জনৰ পৰামৰ্শ অনুসৰি দৈনিক ৪ ৰ পৰা ৬ কাপ ব্লেক কফী খালে ই লিভাৰ ফাইব্ৰ’ছিছ হ্ৰাস কৰাত বিশেষভাৱে সহায় কৰিব পাৰে। কিন্তু এই প্ৰক্ৰিয়াটো তেতিয়াহে ফলপ্ৰসূ হ'ব, যেতিয়া আপুনি কফী খোৱাৰ লগতে নিজৰ ওজন হ্ৰাস কৰিব আৰু এক স্বাস্থ্যকৰ জীৱনশৈলী আঁকোৱালি ল'ব। তেওঁ পুনৰবাৰ সোঁৱৰাই দিয়ে যে কফীত গাখীৰ আৰু চেনি যোগ দিলে শৰীৰৰ ওজন বৃদ্ধি পাব পাৰে, যিয়ে কফীৰ সকলো উপকাৰিতা নাইকিয়া কৰি পেলায়।
_(1).webp)
