মহাৰাষ্ট্ৰ
ৰাষ্ট্ৰীয় স্বাস্থ্য অভিযান (এন এইচ এম)ৰ অধীনত ৰাষ্ট্ৰীয় চিকেল চেল নিৰ্মূলকৰণ অভিযানৰ অংশ হিচাপে চৰকাৰে ১৭খন ৰাজ্যত ২০২৫-২৬ চনৰ ভিতৰত ৪০ বছৰৰ তলৰ ৭ কোটি লোকক ছিকেল চেল ৰোগৰ পৰীক্ষা কৰাৰ লক্ষ্য কৰিছে, য’ত প্ৰাথমিকভাৱে জনজাতীয় জনসংখ্যাৰ ওপৰত গুৰুত্ব দিয়া হৈছে। এই ৰাজ্যসমূহৰ তালিকাত মহাৰাষ্ট্ৰ, ওড়িশা, ছত্তীশগড়, ঝাৰখণ্ড, উত্তৰ প্ৰদেশ, বিহাৰ, গুজৰাট, ৰাজস্থান আদি অন্তৰ্ভুক্ত কৰা হৈছে।
এন আই চি এম আৰ-চি আৰ এইচ চি এম, নাগপুৰৰ সঞ্চালক ডাঃ মনীষা মদকাইকাৰে নেচনেল চিকল চেল এলিমিনেচন মিছন ২০৪৭ কাৰ্যসূচী সন্দৰ্ভত কয়, "ৰাষ্ট্ৰীয় ছিকেল চেল এলিমিনেচন মিছনে গাইডলাইন প্ৰদান কৰিছে। প্ৰথমটো হৈছে ইউনিভাৰ্চেল স্ক্ৰীনিং সেইবোৰ অঞ্চলত কৰা হব যিবোৰ অঞ্চলত ছিকেল চেল ৰোগৰ প্ৰাদুৰ্ভাৱ অতি বেছি বুলি গণ্য কৰা হৈছে। সেইবোৰ অঞ্চলত ৪০ বছৰৰ তলৰ সমগ্ৰ জনসংখ্যাৰ স্ক্ৰীনিং কৰা । বৰ্তমান প্ৰায় ৭ কোটি ব্যক্তিক ছিকেল চেল ৰোগৰ পৰীক্ষা কৰাৰ পৰিকল্পনা কৰা হৈছে।"
তেওঁ নৱজাতকৰ পৰীক্ষাৰ গুৰুত্বৰ ওপৰতো আলোকপাত কৰে। তেওঁ কয় যে, "নৱজাতক জন্ম হোৱাৰ লগে লগে আমি ছিকেল চেল ৰোগৰ পৰীক্ষা কৰিব পাৰো। নৱজাতকৰ পৰীক্ষা কৰাটো গুৰুত্বপূৰ্ণ কাৰণ যদি আপুনি নৱজাতকক সোনকালে ধৰা পেলায়, তেন্তে তেওঁলোকক ফলপ্ৰসূ চিকিৎসা দিব পৰা যাব।"
প্ৰসৱৰ পূৰ্বে পৰীক্ষাৰ সন্দৰ্ভত তেওঁ কয়, "প্ৰসৱৰ পূৰ্বে পৰীক্ষাত প্ৰথম ভ্ৰমণটো গৰ্ভৱতী মহিলাক পৰীক্ষা কৰাৰ বাবে আদৰ্শ সময়। যদি তেওঁ বাহক বা আক্ৰান্ত বুলি ধৰা পৰে, তেন্তে আমি তেওঁৰ সংগীক পৰীক্ষা কৰিব পাৰো। যদি দুয়োজনেই ছিকেল চেল ৰোগৰ বাহক হয়, তেন্তে আমি তেওঁলোকক গৰ্ভাৱস্থাৰ ২০ সপ্তাহৰ পূৰ্বে ভ্ৰুণ পৰীক্ষা কৰাৰ বিষয়ে পৰামৰ্শ দিব পাৰো। যদি ভ্ৰুণ আক্ৰান্ত হয়, তেন্তে দম্পতীহালে চিকেল চেল ৰোগৰ সন্দৰ্ভত বিকল্প বিবেচনা কৰিব পাৰে আৰু গৰ্ভাৱস্থা বন্ধ কৰাৰ সিদ্ধান্ত কেৱল ৰোগী আৰু তেওঁলোকৰ পৰিয়ালৰ ওপৰত এৰি দিয়া হয়।"
ছিকেল চেল ৰোগৰ পৰীক্ষা কিটৰ অগ্ৰগতিৰ বিষয়ে মন্তব্য কৰি তেওঁ কয় যে, বৃহৎ পৰিসৰৰ, নিৰ্ভৰযোগ্য সঁজুলিৰ প্ৰয়োজনীয়তা ক্ৰমাৎ বৃদ্ধি পাইছে। তেওঁ কয়, "ভাৰতত ডায়েগনষ্টিক কিটৰ বিকাশৰ ক্ষেত্ৰত বহু উন্নতি হৈছে। আমি বিগত দুই-তিনি বছৰত থলুৱাভাৱে নিৰ্মিত পইণ্ট অৱ কেয়াৰ টেষ্ট প্ৰস্তুত কৰিছো। আইচিএমআৰ-এনআইএইচ আৰু চিআৰএইচচিএম-এ প্ৰায় ৩৫টা এনে কিট পৰীক্ষা কৰি স্ক্ৰীনিঙত ব্যৱহাৰৰ বাবে উপযোগী কিট চিনাক্ত কৰিছে। ইয়াৰ ভিতৰত পইণ্ট অৱ কেয়াৰ টেষ্ট, সহজ আণৱিক ডায়েগনষ্টিক সঁজুলি, আৰু ছলিউবিলিটি টেষ্ট আদি অন্তৰ্ভুক্ত কৰা হৈছে, যিবোৰ সকলো এতিয়া বৈধতা প্ৰদান কৰা হৈছে আৰু ইয়াৰ অধীনত উপলব্ধ কৰা হৈছে।"
