নুৰুল হক / আগৰতলা
ত্ৰিপুৰাৰ দৰে এখন সৰু ৰাজ্যৰ পৰা গৈ আন্তঃৰাষ্ট্ৰীয় পৰ্যায়ত সফলতাৰ ধ্বজা উৰুৱাবলৈ সক্ষম হৈছে এজন যুৱকে। সীমিত সুযোগ আৰু নানান প্ৰতিকূলতাকো নেওচি নিজৰ একাগ্ৰতাৰ বলত আন্তঃৰাষ্ট্ৰীয় স্বাস্থ্য সেৱাৰ ক্ষেত্ৰখনত নিজৰ দক্ষতাৰ সুন্দৰ নিদৰ্শন দাঙি ধৰিছে কৈলাশহৰৰ তাৰিব আলীয়ে। ত্ৰিপুৰাৰ মাটিত জন্মগ্ৰহণ কৰা এইজন সাধাৰণ যুৱকৰ অসাধাৰণ সাফল্যৰ কাহিনীয়ে আজি সমগ্ৰ ৰাজ্যবাসীকে গৌৰৱান্বিত কৰি তুলিছে।
অধ্যৱসায়, কঠোৰ পৰিশ্ৰম আৰু আত্মবিশ্বাসক সাৰথি কৰি তেওঁ আজি ইংলেণ্ডৰ এক আগশাৰীৰ স্বাস্থ্য প্ৰতিষ্ঠানত গুৰুত্বপূৰ্ণ দায়িত্ব পালন কৰি আছে, যি সমগ্ৰ ত্ৰিপুৰাৰ যুৱ সমাজৰ বাবে এক বিৰল অনুপ্ৰেৰণাৰ দৃষ্টান্ত হৈ পৰিছে।
ত্ৰিপুৰাৰ পৰা সুদূৰ ইংলেণ্ডলৈ গৈ এই সাফল্যৰ ইতিহাস ৰচনা কৰিছে ত্ৰিপুৰা ইনষ্টিটিউট অৱ পেৰামেডিকেল ছায়েন্সৰ ছাত্ৰ তাৰিব আলীয়ে। ত্ৰিপুৰাৰ কৈলাশহৰ মহকুমাৰ টিলা বজাৰ অঞ্চলৰ কালেৰকান্দি গাঁৱৰ সন্তান তাৰিব আলী বৰ্তমান ইংলেণ্ডৰ ছেলিছবেৰী এনএইচএছ ফাউণ্ডেচন ট্ৰাষ্টত এজন এনাছথেটিক প্ৰেকটিচনাৰ হিচাপে কৰ্মৰত। তেওঁ অত্যন্ত দক্ষতাৰে সেই প্ৰতিষ্ঠানটোত নিজৰ সেৱা আগবঢ়াই আছে।
কৈলাশহৰৰ কালেৰকান্দি গাঁৱৰ শিক্ষক প্ৰয়াত ইয়াজিদ আলীৰ পুত্ৰ তাৰিব আলী। উচ্চতৰ মাধ্যমিকৰ শিক্ষা সাং কৰাৰ পিছত তাৰিবে ত্ৰিপুৰা ইনষ্টিটিউট অৱ পেৰামেডিকেল ছায়েন্স চমুকৈ টিপছ (TIPS)-ত নামভৰ্তি কৰে। টিপছৰ পৰা শিক্ষা সমাপ্ত কৰি তেওঁ বেংগালুৰুৰ মণিপাল হাস্পতাল আৰু পশ্চিমবংগৰ বিভিন্ন ক্লিনিকেল প্ৰতিষ্ঠানত কাম কৰি অভিজ্ঞতা অৰ্জন কৰে।
তাৰিব আলী
আন্তঃৰাষ্ট্ৰীয় পৰ্যায়ত কাম কৰাৰ লক্ষ্যৰে তেওঁ UK-ৰ স্বাস্থ্য ব্যৱস্থাত প্ৰৱেশ কৰিবলৈ প্ৰয়োজনীয় অৰ্হতা আহৰণ কৰে। কঠোৰ প্ৰস্তুতিৰ মাজেৰে তেওঁ ইংৰাজী ভাষাতো দক্ষতা অৰ্জন কৰে আৰু কেইবামাহো ধৰি চলা ধাৰাবাহিক পৰীক্ষা আৰু সাক্ষাৎকাৰৰ অন্তত তেওঁ HCPC-ত নিজৰ নাম পঞ্জীয়ন কৰিবলৈ সক্ষম হয়। ইয়াৰ পিছতেই তেওঁ ইংলেণ্ডৰ ছেলিছবেৰী এনএইচএছ ফাউণ্ডেচন ট্ৰাষ্টত এজন এনাছথেটিক প্ৰেকটিচনাৰ হিচাপে যোগদান কৰে আৰু বিগত প্ৰায় এবছৰ ধৰি অত্যন্ত নিষ্ঠা আৰু দক্ষতাৰে নিজৰ দায়িত্ব পালন কৰি আহিছে।
নিজৰ এই যাত্ৰাৰ বিষয়ে ব্যক্ত কৰি তাৰিবে কয়, "ত্ৰিপুৰাৰ পৰা আহি UK-ত কাম কৰিবলৈ পোৱাটো মোৰ বাবে এক সপোন পূৰণ হোৱাৰ দৰে। সঠিক প্ৰস্তুতি আৰু অধ্যৱসায় থাকিলে আমাৰ ৰাজ্যৰ ছাত্ৰ-ছাত্ৰীসকলেও আন্তঃৰাষ্ট্ৰীয় পৰ্যায়ত নিজকে প্ৰতিষ্ঠা কৰিব পাৰিব।"
তেওঁ কয় যে তেওঁ ৰোগীসকলক অতি যত্নসহকাৰে এনাস্থেচিয়া প্ৰদান কৰে। তেওঁৰ দায়িত্ব আৰু দক্ষতাক আমেৰিকান প্ৰতিষ্ঠানসমূহে গুৰুত্ব প্ৰদান কৰিছে। ৰাজ্যখনৰ মুছলমানসকলৰ এই সাফল্যত সমগ্ৰ মুছলমান সমাজে গৌৰৱ অনুভৱ কৰিছে আৰু ৰাজ্যবাসীয়ে তেওঁক শুভেচ্ছা জ্ঞাপন কৰিছে।
তেওঁ জানিবলৈ দিয়ে যে ৰোগীসকলক অত্যন্ত যত্ন সহকাৰে আৰু দায়িত্ববোধেৰে এনাছথেছিয়া প্ৰদান কৰাই হৈছে তেওঁৰ মূল কাম। অত্যন্ত গুৰুত্বপূৰ্ণ এই কামটোত থকা তেওঁৰ দায়িত্ববোধ আৰু কৰ্মকৌশলক UK-ৰ প্ৰতিষ্ঠানটোৱে বিশেষ গুৰুত্ব প্ৰদান কৰিছে। আন্তঃৰাষ্ট্ৰীয় পৰ্যায়ত ৰাজ্যখনৰ এই মুছলমান যুৱকজনৰ সাফল্যত সমগ্ৰ মুছলমান সমাজৰ লগতে ৰাজ্যবাসী গৌৰৱান্বিত হৈ পৰিছে আৰু তেওঁলৈ আন্তৰিক শুভেচ্ছা জ্ঞাপন কৰিছে।
.webp)
