নতুন দিল্লী
শুকুৰবাৰে পুৱা দিল্লীৰ সংসদৰ দেৱালত বগাবলৈ চেষ্টা কৰি থকা অৱস্থাত এজন লোকক আটক কৰে দিল্লী আৰক্ষীয়ে। আৰক্ষী বিষয়াসকলৰ মতে আজি পুৱা ৬ বজাত সংসদত এই ঘটনা সংঘটিত হয়।
দিল্লী আৰক্ষীৰ বিষয়াসকলে জনোৱা মতে, সংসদৰ দেৱালত উঠিবলৈ চেষ্টা কৰি থকা অৱস্থাত ধৰা পৰে লোকজন। চৌহদৰ ভিতৰত জপিয়াই যাবলৈ চেষ্টা কৰিছিল।
এক বাৰ্তালাপত ৰাজ্যসভাৰ এগৰাকী বিষয়াই কয় যে, আজি পুৱা ৬ বজাত এজন লোকে অবৈধ পদ্ধতিৰে অট্টালিকাটোত প্ৰৱেশ কৰিবলৈ চেষ্টা কৰাৰ সময়ত ধৰা পৰিছে।
২০০১ চনৰ সংসদত সংঘটিত সন্ত্ৰাসবাদী আক্ৰমণৰ ২২ বছৰীয়া জয়ন্তীৰ লগত সংগতি ৰাখি ২০২৩ চনৰ ১৩ ডিচেম্বৰত শূন্য ঘন্টাৰ সময়ত লোকসভা চেম্বাৰৰ ভিতৰত দুজন লোকে জপিয়াই পৰাৰ দুবছৰ নৌহওঁতেই এই নতুন অনুপ্ৰৱেশৰ দাবী উত্থাপন হৈছে।
২০০১ চনৰ সংসদত সংঘটিত হোৱা মাৰাত্মক আক্ৰমণৰ বৰ্ষপূৰ্তিৰ দিনা ১৩ ডিচেম্বৰত সংঘটিত হৈছিল এই ঘটনা। পিছত কৰ্তৃপক্ষই সমন্বিত অনুপ্ৰৱেশ বুলি অভিহিত কৰা ঘটনাটোত সাগৰ শৰ্মা আৰু মনোৰঞ্জন ডি নামৰ দুজন ব্যক্তিয়ে লাইভ অধিবেশনৰ সময়ত লোকসভাৰ দৰ্শনাৰ্থীৰ গেলেৰীৰ পৰা কেনিষ্টাৰৰ পৰা হালধীয়া ৰঙৰ গেছ মুকলি কৰি শ্লোগান দি চেম্বাৰত জপিয়াই পৰিছিল।
একেলগে সংসদ কমপ্লেক্সৰ বাহিৰত আমোল ধনৰাজ শিন্দে আৰু নীলম আজাদে শ্লোগান দি ৰঙীন ধোঁৱা এৰিবলৈ একেধৰণৰ কেনিষ্টাৰ ব্যৱহাৰ কৰা দেখা গৈছিল। পিছত এই ঘটনাৰ সৈতে জড়িত পঞ্চম অভিযুক্ত ললিত ঝা আৰু ষষ্ঠ অভিযুক্ত মহেশ কুমাৱটক গ্ৰেপ্তাৰ কৰা হৈছিল। যোৱা মাহত দিল্লী উচ্চ ন্যায়ালয়ে আজাদ আৰু কুমাৱটৰ জামিন মঞ্জুৰ কৰিছিল।
জামিন প্ৰদান কৰাৰ সময়ত উচ্চ ন্যায়ালয়ে একাধিক চৰ্ত নিৰ্ধাৰণ কৰিছিল, যাতে দুয়োজন ব্যক্তিয়ে চলি থকা তদন্ত বা বিচাৰ প্ৰক্ৰিয়াত কোনো প্ৰভাৱ নপৰে। সংবাদ মাধ্যমক সাক্ষাৎকাৰ দি কোনো ধৰণৰ সংবাদমেল অনুষ্ঠিত কৰাত বা ছ’চিয়েল মিডিয়া প্লেটফৰ্মত ঘটনাৰ সৈতে জড়িত কোনো বিষয়বস্তু পোষ্ট কৰাত দুয়োকে স্পষ্টভাৱে বাধা প্ৰদান কৰা হৈছে।
ইয়াৰ উপৰিও আদালতে আজাদ আৰু কুমাৱট দুয়োকে প্ৰতি সোমবাৰ, বুধবাৰ আৰু শুকুৰবাৰে পুৱা ১০:০০ বজাত নিজৰ নিজৰ থানাত ৰিপৰ্ট দিবলৈ নিৰ্দেশ দিছে। আদালতৰ পূৰ্বৰ অনুমতি অবিহনে দিল্লী এন চি আৰৰ পৰা বাহিৰলৈ ওলোৱাতো নিষেধাজ্ঞা আৰোপ কৰা হৈছে।
_(1).webp "প্ৰতিনিধিত্বমূলক ছবি")
