ৰাজা ৰঘুবংশী হত্যাকাণ্ডঃ ৭৯০ পৃষ্ঠাৰ অভিযোগনামা দাখিল কৰিলে মেঘালয়ৰ আৰক্ষীয়ে

Story by atv | Posted by [email protected] • 2 h ago

প্ৰতিনিধিত্বমূলক ফটো

শ্বিলং

ইন্দোৰৰ ব্যৱসায়ী ৰাজা ৰঘুবংশীৰ হানিমুনত সংঘটিত হোৱা চাঞ্চল্যকৰ হত্যাকাণ্ডৰ গোচৰত মেঘালয় আৰক্ষীয়ে ৭৯০ পৃষ্ঠাৰ অভিযোগনামা দাখিল কৰি তেওঁৰ পত্নী সোণম, প্ৰেমিক ৰাজ কুশৱাহা আৰু তিনিজন ভাড়াতীয়া হত্যাকাৰীক মূল অভিযুক্ত হিচাপে উল্লেখ কৰিছে।

২৯ বছৰীয়া ৰাজাই চলিত বৰ্ষৰ ১১ মে’ত ২৫ বছৰীয়া সোণমক বিয়া কৰাইছিল। মেঘালয়ত হানিমুনলৈ যোৱাৰ মাত্ৰ কেইদিনমানৰ ভিতৰতে তেওঁ নিৰুদ্দেশ হৈছিল আৰু ২ জুনত তেওঁৰ পচি যোৱা মৃতদেহটো ৱেইছ’ডং জলপ্ৰপাতৰ ওচৰৰ এটা গৰ্জত উদ্ধাৰ কৰা হয়। এয়া ভাৰতৰ বিগত সময়ৰ অন্যতম নৃশংস হত্যাকাণ্ড হিচাপে পৰিগণিত হয়।

তদন্তত প্ৰকাশ পাইছে যে পৰিয়ালৰ ফাৰ্মৰ একাউণ্টেণ্ট ৰাজৰ সৈতে সম্পৰ্কত থকা সোণমে বিয়াৰ পূৰ্বেই স্বামীক হত্যাৰ ষড়যন্ত্ৰ ৰচনা কৰিছিল। এই অপৰাধ সংঘটিত কৰিবলৈ তিনিজন ঠিকাভিত্তিক হত্যাকাৰী ক্ৰমে আকাশ ৰাজপুত, বিশাল চৌহান আৰু আনন্দ কুৰ্মীক তেওঁলোকে প্ৰায় ২০ লাখ টকা দিয়াৰ অভিযোগ উত্থাপন হৈছে।

Meghalaya Police’s SIT has filed a 790-page chargesheet in the honeymoon murder case of Indore businessman Raja Raghuvanshi. The chargesheet names his wife Sonam Raghuvanshi and her lover Raj Kushwaha as masterminds, with Akash Rajput, Anand Kurmi and Vishal Singh Chauhan as… pic.twitter.com/SSV3MmDZie
— IANS (@ians_india) September 6, 2025

তালিকাভুক্ত পাঁচজন অভিযুক্ত ক্ৰমে সোণম ৰঘুবংশী, ৰাজ সিং কুশৱাহা, বিশাল সিং চৌহান, আকাশ সিং ৰাজপুত, আৰু আনন্দ কুৰ্মীৰ বিৰুদ্ধে ভাৰতীয় ন্যায় সংহিতা (বিএনএছ), ২০২৩ৰ ধাৰা ১০৩(১), ২৩৮(ক) আৰু ৬১(২)ৰ অধীনত হত্যা, প্ৰমাণ ধ্বংস আৰু অপৰাধমূলক ষড়যন্ত্ৰ সম্পৰ্কীয় অভিযোগ উত্থাপন হৈছে।