নতুন দিল্লী
অন্যতম গুৰুত্বপূৰ্ণ আধ্যাত্মিক অনুষ্ঠান কামাখ্যা মন্দিৰত অনুষ্ঠিত হোৱা অম্বুবাচী মেলাত অংশগ্ৰহণৰ বাবে গুৱাহাটীত উপস্থিত হোৱা তীৰ্থযাত্ৰীসকলৰ বাবে মসৃণ আৰু হেঁচামুক্ত যাত্ৰা নিশ্চিত কৰাৰ বাবে উত্তৰ-পূব সীমান্ত ৰে’লৱেই এক বিস্তৃত ব্যৱস্থা গ্ৰহণ কৰিছে।
ভক্তৰ ব্যাপক আগমনৰ বাবে এনএফআৰে কামাখ্যা আৰু গুৱাহাটী দুয়োটা ষ্টেচনতে ২৪ ঘণ্টাই বিশেষ টিকট কাউণ্টাৰ স্থাপন কৰি হাজাৰ হাজাৰ দৰ্শনাৰ্থীৰ বাবে টিকট প্ৰক্ৰিয়া ক্ষিপ্ৰতৰ কৰি তুলিছে।
মানৱীয় ইংগিতত শলিনী শ্ৰীবাস্তৱৰ নেতৃত্বত এন এফ আৰ মহিলা কল্যাণ সংস্থাই কামাখ্যা ষ্টেচন আৰু ইয়াৰ আশে-পাশে থকা অঞ্চলত খাদ্য আৰু পানী বিতৰণ অভিযান আৰম্ভ কৰিছে। তীৰ্থযাত্ৰীসকলক পৰিষ্কাৰ-পৰিচ্ছন্নভাৱে পেক কৰা খাদ্য আৰু খোৱাপানীৰ ব্যৱস্থা কৰা হৈছে, যাৰ ফলত ভিৰ আৰু গ্ৰীষ্মকালীন গৰমৰ মাজত তেওঁলোকৰ আৰাম নিশ্চিত কৰা হৈছে।
যাত্ৰীসকলৰ অতিৰিক্ত ভিৰ পৰিচালনা কৰিবলৈ এনএফআৰে দুখন যোৰ সংৰক্ষিত বিশেষ ৰে’ল চলাব:
ৰেল নং ০৫৬৭২/০৫৬৭১ গুৱাহাটী – আলিপুৰদুৱাৰ জংচন – গুৱাহাটী বিশেষ
গুৱাহাটীৰ পৰা আলিপুৰদুৱাৰলৈ: ২২ জুনৰ পৰা ২৬ জুনলৈ দৈনিক নিশা ৭:২৫ বজাত যাত্ৰা কৰিব আৰু পিছদিনা পুৱা ০৪:০০ বজাত উপস্থিত হব।
আলিপুৰদুৱাৰৰ পৰা গুৱাহাটীলৈ: ২৩ জুনৰ পৰা ২৭ জুনলৈ দৈনিক পুৱা ০৮:০০ বজাত যাত্ৰা কৰিব আৰু একেদিনাই আবেলি ৪:২০ বজাত উপস্থিত হব।
ৰেল নং ০৫৬৯৮/০৫৬৯৭ গুৱাহাটী – নতুন জলপাইগুৰি – গুৱাহাটী বিশেষ
গুৱাহাটীৰ পৰা এনজেপিলৈ: ২৬ জুনত নিশা ১১:৫৫ বজাত যাত্ৰা কৰিব আৰু ২৭ জুনত পুৱা ০৮:১৫ বজাত উপস্থিত হব।
এনজেপিৰ পৰা গুৱাহাটীলৈ: ২৭ জুনত দিনৰ ১১:১৫ বজাত যাত্ৰা কৰিব আৰুএকেদিনাই নিশা ৭:৩০ বজাত উপস্থিত হব
এনএফআৰে মূল ষ্টেচন আৰু তীৰ্থস্থানত অতিৰিক্ত জনশক্তি নিয়োগ কৰিছে। য'ত ৰে'লৱে সুৰক্ষা বাহিনী (আৰপিএফ) আৰু চৰকাৰী ৰে'লৱে আৰক্ষী (জিআৰপি)ৰ অতিৰিক্ত কৰ্মীও আছে। হেল্প ডেস্ক, অনুসন্ধান বুথ আৰু সহায়ক কৰ্মচাৰীয়ে সক্ৰিয়ভাৱে যাত্ৰীসকলক পথ প্ৰদৰ্শন কৰি আছে আৰু ৰাজহুৱা শৃংখলা বজাই ৰাখিছে।
পবিত্ৰ অম্বুবাচী মেলাৰ সময়ত নিৰাপদ আৰু নিৰৱচ্ছিন্ন ভ্ৰমণ অভিজ্ঞতা নিশ্চিত কৰিবলৈ তীৰ্থযাত্ৰীসকলক কৰ্মচাৰীৰ সৈতে সহযোগিতা আৰু নিৰ্দেশনা মানি চলিবলৈ আহ্বান জনাইছে ৰে'ল কৰ্তৃপক্ষই।
