নতুন দিল্লী
হাৰিয়ানাৰ মেৱাট অঞ্চলৰ টিলকপুৰী গাঁৱৰ এগৰাকী ৮০ বছৰীয়া বৃদ্ধা ৰাহিমীয়ে নিজৰ ৰূপৰ খাৰু বৃদ্ধকালৰ দিনবোৰলৈ সাঁচি ৰাখিছিল। আনকি বৃদ্ধা মহিলাগৰাকীয়ে তেওঁৰ ৰূপৰ গহনাখিনি এটা দৰিদ্ৰ পৰিয়ালৰ এগৰাকী যুৱতীৰ বিবাহত উপহাৰ দিয়াৰ কথাও ভাবিছিল।
কিন্তু বানপানীয়ে পাঞ্জাৱৰ প্ৰায় ২৩ খন জিলাৰ পথাৰ আৰু গাঁওসমূহ প্লাৱিত কৰাৰ সময়ত স্থানীয় মহিলাসকলে বানাক্ৰান্ত লোকসকলৰ বাবে শস্য আৰু নগদ ধন সংগ্ৰহ কৰিবলৈ আৰম্ভ কৰে। সেই সময়তে ৰহিমীয়ে নিজৰ হাতৰ সেই সাঁচতীয়া ৰূপৰ খাৰুৰ টোপোলাটো পাঞ্জাৱৰ বানাক্ৰান্তসকলৰ বাবে সাহায্য সংগ্ৰহ কৰা স্বেচ্ছাসেৱকসকলক প্ৰদান কৰিছে। তাৰোপৰি তেওঁৰ নিজৰ সঞ্চিত নগদ ধনো দান কৰিছে।
স্বেচ্ছাসেৱক আৰু সাংবাদিকৰ সৈতে হোৱা কথাবতৰাত ৰহিমীয়ে কয়, "তেওঁলোক আমাৰ নিজৰ মানুহ। আমি তেওঁলোকক সহায় নকৰিলে, কোনে কৰিব ?"।
পঞ্জাৱৰ বানাক্ৰান্তলৈ সাহায্য সামগ্ৰী প্ৰেৰণ কৰিছে মেৱাটৰ মুছলমানসকলে
ৰহিমীয়ে কয়, "মই মোৰ মৃত্যুৰ আগত এগৰাকী দৰিদ্ৰ যুৱতীক ৰূপৰ খাৰুযোৰ দিব বিচাৰিছিলোঁ। কিন্তু মই ভাবো যে, বৰ্তমান আমাৰ পাঞ্জাৱৰ বানাক্ৰান্ত লোকসকলৰ বাবে এয়া বেছি প্রয়োজনীয়। ইয়াৰ মূল্য বেছি নহয়, যদিও মোৰ হাতত বৰ্তমান এয়াই আছে।"
তেওঁ স্মৰণ কৰি ১৯৯৬ চনৰ বানপানীৰ অভিজ্ঞতাৰ কথা উল্লেখ কৰে আৰু পাঞ্জাৱৰ বানাক্ৰান্তসকলৰ দুখৰ সৈতে সহানুভূতি প্ৰকাশ কৰে। ৰহিমীয়ে সংবাদ মাধ্যমৰ আগত কম্পমান কণ্ঠৰে কয়, "সেই সময়ত, আমাৰ বৃহৎ ভূমিপুত্ৰসকল দৰিদ্ৰ হৈ পৰিছিল, মহিলাসকলে তেওঁলোকৰ গাধসমূহ দান কৰিছিল, আৰু শিশুসকলে খোৱাৰ খাদ্যৰ সন্ধানত ঘূৰি ফুৰিছিল।"
ৰহিমীয়ে স্থানীয় লোকৰ বাবে এগৰাকী উদাৰ আৰু সহানুভূতিশীল ব্যক্তি হিচাপে আত্মপ্ৰকাশ কৰিছে, যদিও মেৱাট অঞ্চলৰ অন্য মুছলমান মহিলাসকলে এই সুযোগ গ্ৰহণ কৰি এক মহান উদাহৰণ দাঙি ধৰিছে। ছেহনা ব্লকৰ নুনচাৰা গাঁৱত ৭০-৮০ বছৰীয়া মহিলাসকলে পাঞ্জাৱৰ সাহায্য কাৰ্য্যত প্ৰায় পাঁচ লাখ টকাৰ প্ৰায় ২ কিলোগ্ৰাম ৰূপ আৰু ২০ গ্ৰাম সোণ দান কৰিছে।
উল্লেখযোগ্য যে, মেৱাট অঞ্চলটো দেশৰ আটাইতকৈ পিছপৰা অঞ্চলসমূহৰ ভিতৰত অন্যতম। ইয়াৰ সামাজিক-অৰ্থনৈতিক অৱস্থা অতি দুৰ্বল আৰু প্ৰতিজন ব্যক্তিৰ আয় দেশৰ ভিতৰতে নূন্যতম। অৱশ্যে, বানপীড়িত পঞ্জাৱৰ লোকসকলৰ বাবে স্থানীয় লোকে সংগ্ৰহ কৰা অনুদানবোৰে ইয়াকে প্ৰমাণ কৰিছে যে ধন নাথাকিলেও মানুহক সহায় কৰিব পাৰি, কেৱল মাত্ৰ মানুহৰ মনটো পবিত্ৰ হ'ব লাগে।
স্থানীয় সমাজকৰ্মীসকলে কয় যে, সাধাৰনতে মেৱাটৰ মহিলাসকলে প্ৰায়ে তেওঁলোকৰ মূল্যবান অলংকাৰসমূহ যিকোনো এজনী দৰিদ্ৰ যুৱতীক বিবাহত দান কৰাৰ বাবে সংৰক্ষণ কৰি ৰাখে। কিন্তু এইবাৰ মহিলাসকলেও বৰঙণি আগবঢ়াবলৈ আৰম্ভ কৰিছে। তেওঁলোকৰ বহুতে পেঞ্চন দান কৰিছে, আন কিছুমানে তেওঁলোকৰ ব্যক্তিগত সঞ্চয়ৰ পৰা বৰঙণি আগবঢ়াইছে। আনহাতে মহিলাসকলে তেওঁলোকৰ যৌতুক, পাত্ৰ আৰু খাদ্য শস্য দান কৰিবলৈও আগবাঢ়ি আহিছে।
এতিয়ালৈকে মেৱাটৰ এই অঞ্চলৰ পৰা ২৫০ খনতকৈও অধিক ট্ৰাকত সাহায্য সামগ্ৰী পঞ্জাৱলৈ প্ৰেৰণ কৰা হৈছে। পঞ্জাৱৰ বানপীড়িত লোকসকলৰ সমৰ্থনত স্থানীয় লোকসকলে দুখ-দুৰ্দশাৰ অন্ত পেলোৱাৰ বাবে প্ৰাৰ্থনা কৰা আৰু সাহায্য প্ৰদান কৰাৰ ভিডিঅ'টো ছ'চিয়েল মিডিয়াত প্ৰকাশ পাইছে।
মেৱাটৰ মুছলমান লোকসকলে বানপীড়িত শিশুসকলৰ বাবে প্ৰস্তুত কৰা তুলি-তোচক
মেৱাটৰ মহিলাসকলে বানপীড়িত শিশুসকলৰ বাবে কিছু তুলি-তোচক প্ৰস্তুত কৰিছে। যতে বানাক্ৰান্ত শিশুসকলে ভালদৰে শুব পাৰে। বানাক্ৰান্তসকলক যিধৰণে পৰিছে মেৱাটৰ মহিলাসকলে সহায় কৰাৰ চেষ্টা কৰিছে।
ৰহিমীয়ে কয়, "যেতিয়া আপোনাৰ সন্তানটো ঠাণ্ডাত কঁপি উঠে, তেতিয়া টকা-পইচাই তাক ঢাকিব ৰাখিব নোৱাৰে। বিস্কুটে পেটৰ ভোক নোহোৱা কৰিব নোৱাৰে। মোৰ হাতত না গহনা আছে, না টকা-পইচা, কিন্তু মই এই অঞ্চলৰ আটাইতকৈ ভাল কাৰ্পেট বনাই আহিছো। সেয়েহে মই চাৰিখন কাৰ্পেট বনাই পঠাইছো। এই হস্তনিৰ্মিত কাৰ্পেটবোৰ শৰীৰ ঢাকিবলৈ যথেষ্ট শক্তিশালী।"
স্থানীয় মছজিদ কমিটিসমূহে পঞ্জাৱৰ বানপীড়িতসকলৰ বাবে অনুদান বিচাৰি আহ্বান জনাইছে আৰু সাহায্য সংগ্ৰহৰ কেন্দ্ৰ হৈ পৰিছে। সমন্বয়ক উমাৰ পাৰ্লা আৰু জফৰ আছলামে কয় যে, মেৱাটত সেৱা আগবঢ়োৱাৰ পৰম্পৰা আছে আৰু তেওঁলোকৰ বাবে এইটো প্ৰথম কাম নহয়।
তেওঁ কয়, "মেৱাটৰ হয়তো বহু ধন-সম্পত্তি নাই, কিন্তু আমাৰ যি আছে আমি ভাগ কৰি লওঁ। আমি পাঞ্জাৱৰ সৈতে মানৱতাৰ ধৰ্মৰ দ্বাৰা সংযুক্ত হৈ আছো। আমি জানো যে, প্ৰতিজন কৃষকে আজি কিদৰে কষ্ট কৰিব লগা হৈছে। আজি আমি আমাৰ কৰ্তব্য পালন কৰিছো, কাইলৈ আমি নিশ্চিত যে, আমাৰ ভাইসকলেও আমাৰ সৈতে থিয় হ'ব।"
নুহ জিলাৰ উপ-আয়ুক্ত অখিল পলানিয়ে সংবাদ মাধ্যমৰ আগত কয়, "ইয়াৰ জনসাধাৰণৰ মানসিকতাই আমাক আচৰিত কৰি তুলিছে। যুৱক-যুৱতীসকলে এই সাহায্য অভিযানৰ আয়োজন কৰিছে আৰু পুৰুষ-মহিলা উভয়ে সৰ্বশ্ৰেষ্ঠ চেষ্টা কৰিছে। আমি নিশ্চিত যে সাহায্য সামগ্ৰী সংগ্ৰহ আৰু বিতৰণ কৰাত কোনো বাধা নাথাকে।"
