উল্লেখ্য যে, গুৱাহাটীৰ নিকটৱৰ্তী সোণাপুৰৰ হাতিমুৰাত আজি দুপৰীয়া প্ৰায় ১২.২০ বজাত ৰাষ্ট্ৰীয় মৰ্যদাৰে সম্পন্ন হয় জুবিন গাৰ্গৰ শেষকৃত্য। কেন্দ্ৰীয় মন্ত্ৰী কিৰেণ ৰিজিজু, সৰ্বানন্দ সোণোৱাল, পবিত্ৰ মাৰ্ঘেৰিটা, মু্খ্যমন্ত্ৰী হিমন্ত বিশ্ব শৰ্মাৰ লগতে জুবিন গাৰ্গৰ পত্নী গৰিমা গাৰ্গ, ভগ্নী পমী বৰঠাকুৰ, পিতৃ কপিল বৰঠাকুৰ আদিৰ উপস্থিতিত প্ৰয়াত শিল্পীজনক শেষ বিদায় জনোৱা হয়। ভগ্নী পমী বৰঠাকুৰ, আত্মীয় ৰাহুল গৌতম শৰ্মা আৰু অৰুণ গাৰ্গে জুবিন গাৰ্গৰ মুখাগ্নি কৰে।The final goodbye to the legend, #BelovedZubeen.
— Himanta Biswa Sarma (@himantabiswa) September 23, 2025
You will always be alive in our hearts and thoughts https://t.co/OXX9dahneM
মঙলবাৰে পুৱতি নিশা জিএমচিএইচত মৰণোত্তৰ পৰীক্ষা সম্পন্ন হোৱাৰ পিছতে জুবিন গাৰ্গৰ পাৰ্থিৱ শৰীৰ অন্ত্যেষ্টিক্ৰিয়াৰ বাবে সোণাপুৰলৈ লৈ যোৱা হয়। হিন্দু ধৰ্মীয় বৈদিক নিয়মেৰে জুবিন গাৰ্গৰ শেষকৃত্য সম্পন্ন কৰে পুৰোহিত তুষাৰ ভাগৱতীয়ে। তেওঁৰ সৈতে থাকে আন এগৰাকী পুৰোহিত পংকজ শৰ্মা। শেষকৃত্যৰ অনুষ্ঠানত চণ্ডাল হিচাপে থাকে ধৃতিমালা, জয়ন্ত বৰুৱা, ললিত নাথ আৰু হিৰণ্য দাস।#WATCH | Kamrup, Assam | Assamese Singer Zubeen Garg was cremated in Kamarkuchi NC village with state honours
— ANI (@ANI) September 23, 2025
CM Himanta Biswa Sarma is also present
(Source: DIPR) pic.twitter.com/XaYwOWtQQ8
মন্ত্ৰমুগ্ধকৰ গান, হৃদয়স্পৰ্শী কণ্ঠৰে দেশে-বিদেশে অজস্ৰজনৰ হৃদয়ত স্থান দখল কৰা জুবিন গাৰ্গৰ অবিশ্বাস্য বিদায়ত আজি শোকস্তব্ধ অসমৰ জন-জীৱন। জনপ্ৰিয় শিল্পী জুবিন গাৰ্গৰ মৃত্যুৰ অসহ্যকৰ খবৰ শুনাৰে পৰা সমগ্ৰ অসম আজিও স্তব্ধ আৰু নিৰৱ হৈ আছে। প্ৰাণৰ শিল্পীগৰাকীৰ নশ্বৰদেহ গৃহভূমিত উপস্থিত হোৱাৰে পৰা যোৱা দুদিনত অসমৰ প্ৰতিটো জাতি-জনগোষ্ঠী, প্ৰতিটো প্ৰজন্মৰ লাখ লাখ লোক স্বতঃস্ফূতভাৱে ওলাই আহি জুবিন গাৰ্গক শেষ বিদায় জনায়।The last time that I got to see #BelovedZubeen. From now on he will live in Assam’s soul , mind and hearts... pic.twitter.com/uRIExoGO7e
— Himanta Biswa Sarma (@himantabiswa) September 23, 2025
