গাঁওখনৰ ওচৰৰ অঞ্চলসমূহৰ হিন্দু গাঁওসমূহত বিভিন্ন অনুষ্ঠানৰত প্ৰয়োজন হোৱা কুঁহিয়াৰৰ বাবে এই কৃষকসকলৰ ওপৰতে নিৰ্ভৰশীল। হিন্দু লোকসকলৰ বিভিন্ন পূজা বা বিভিন্ন ধৰ্মীয় অনুষ্ঠানত প্ৰয়োজন হোৱা কুঁহিয়াৰ এই কৃষকসকলৰ পৰাই ক্ৰয় কৰে বুলি নজৰুল ইছলামে কয়। "চৰ অঞ্চলত যিবোৰ কুঁহিয়াৰ উৎপাদন হয়, সেইসমূহ কুঁহিয়াৰ আৰু আমাৰ ইয়াৰ কুঁহিয়াৰৰ মাজত ৰং আৰু সোৱাদৰ যথেষ্ট পার্থক্য আছে। আমাৰ ইয়াৰে কুঁহিয়াৰবোৰ বেছি মিঠা আৰু সোৱাদযুক্ত। আমি নিজেই কুঁহিয়াৰ খেতি কৰাৰ আগতে ধানখেতি কৰিছিলোঁ। বৰ্তমান কিন্তু আমি কুঁহিয়াৰ খেতি কৰি অধিক লাভান্বিত হৈছো। কুঁহিয়াৰত কষ্ট কম আৰু লাভ বেছি।", নজৰুল ইছলামে কয়।
মাদৈকতা গাঁৱৰ কৃষকসকলৰ মতে, বৰ্তমান প্ৰতিবিঘা মাটিত প্ৰায় ১ লাখ টকা উপাৰ্জন সম্ভৱ হৈছে। এই অৰ্থনৈতিক সফলতাই গাঁৱৰ কৃষকসকলক বছৰে বছৰে কুঁহিয়াৰ খেতিৰ পৰিসৰ বৃদ্ধি কৰিবলৈ উৎসাহিত কৰিছে। মাদৈকাটা গাঁৱৰ কৃষকসকলৰ এই সফলতাৰ আঁৰত আছে তেওঁলোকৰ অদম্য ইচ্ছাশক্তি আৰু কঠোৰ পৰিশ্ৰম। গুৰুত্বপূৰ্ণ কথাটো হৈছে যে এই কৃষি বিপ্লৱ অঞ্চলটোৰ কৃষকসকলে সম্পূৰ্ণৰূপে নিজস্ব চেষ্টা আৰু উদ্যোগত গঢ়ি তুলিছে।
কিন্তু পৰিতাপৰ কথা যে ইমান বৃহৎ পৰিসৰত কুঁহিয়াৰ খেতি কৰাৰ উপৰি ইয়াত কেইবাটাও পৰিয়াল জড়িত হৈ থকাৰ পিছতো তেওঁলোকে আৰম্ভণিৰে পৰা আজি পৰ্যন্ত কৃষি বা জলসিঞ্চন বিভাগৰ কোনো চৰকাৰী আঁচনি বা সা-সুবিধা লাভ কৰা নাই। তথাপিও নিজৰ পৰিশ্ৰম আৰু সৃজনশীলতাৰ বলত এই কৃষকসকলে স্বাৱলম্বী হৈ নিজৰ পৰিয়ালৰ ভৰণ-পোষণৰ লগতে অঞ্চলটোত এক অৰ্থনৈতিক বিপ্লৱৰ সূচনা কৰিছে।
খেতিয়ক নজৰুল হক
মাদৈকাটা গাঁৱৰ এই কৃষি বিপ্লৱ কেৱল স্থানীয় কৃষকসকলৰ বাবেই নহয়, সমগ্ৰ অসমৰ কৃষকসকলৰ বাবে এক অনুপ্ৰেৰণাৰ উৎস স্বৰূপ। বানৰ ধ্বংসলীলাৰ পৰা উভতি আহি নিজৰ জীৱিকা পুনৰ গঢ়ি তোলা এই গাঁৱৰ কাহিনীয়ে প্ৰমাণ কৰে যে প্ৰত্যাহ্বানৰ মাজতো সঠিক দিশ আৰু পৰিশ্ৰমৰ দ্বাৰা মানুহে সফলতা অৰ্জন কৰাটো সম্ভৱ।
বৰ্তমান এই অঞ্চলৰ কুঁহিয়াৰ অসমৰ বিভিন্ন প্ৰান্তৰ লগতে ভূটানৰ বজাৰতো জনপ্ৰিয় হৈ উঠিছে, যিয়ে কৃষকসকলক অধিক লাভ দিছে। মাদৈকাটা গাঁৱৰ কুঁহিয়াৰ খেতিৰ এই বিপ্লৱ কৃষিৰ ক্ষেত্ৰত এক নিদৰ্শন হৈ পৰিছে।
_(1).webp "মাদৈকাটা গাঁৱৰ কুঁহিয়াৰৰ খেতি")
.webp)
.webp)
.webp)
