নতুন দিল্লী
আন্তঃৰাষ্ট্ৰীয় ক্ৰিকেট পৰিষদে আফগানিস্তানৰ মহিলা ক্ৰিকেটাৰসকলক সহায় কৰাৰ বাবে এক বৃহৎ ঘোষণা কৰিছে।আফগানিস্তানৰ বহু মহিলা ক্ৰিকেটাৰে এতিয়া অষ্ট্ৰেলিয়াত নিৰ্বাসিত হৈ আছে আৰু ইয়াৰ বাবে আইচিচিয়ে ভাৰতীয় ক্ৰিকেট ব’ৰ্ড (বিচিচিআই), ইংলেণ্ড (ইচিবি) আৰু অষ্ট্ৰেলিয়া (চিএ)ৰ সৈতে সহযোগিতা আগবঢ়াইছে।
এক ঐতিহাসিক পদক্ষেপ গ্ৰহণ কৰি আইচিচিয়ে এই ক্ৰীড়াৰ তিনিটা শক্তিশালী ব’ৰ্ড- বিচিচিআই, ইচিবি, আৰু চিএ ৰ সৈতে হাত মিলাইছে যাতে ‘এই প্ৰতিভাৱান খেলুৱৈসকলক তেওঁলোকৰ ক্ৰিকেট আৰু ব্যক্তিগত বিকাশৰ যাত্ৰা দুয়োটাতে সহায় কৰিব পৰা যায়।’
এই পদক্ষেপৰ অংশ হিচাপে আইচিচিয়ে প্ৰত্যক্ষ আৰ্থিক সাহায্য প্ৰদানৰ বাবে এক নিৰ্দিষ্ট পুঁজি গঠন কৰিব যাতে এই ক্ৰিকেটাৰসকলৰ সেই সম্পদসমূহ থকাটো নিশ্চিত কৰিব, যিটো তেওঁলোকৰ নিজৰ প্ৰিয় খেল খেলিবৰ বাবে আৱশ্যকতা আছে।
আইচিচিয়ে এক প্ৰেছ বিজ্ঞপ্তিযোগে কয় যে ইয়াৰ লগে লগে এক শক্তিশালী উচ্চ প্ৰদৰ্শন কাৰ্যসূচীও অনুষ্ঠিত হ’ব য’ত উন্নত প্ৰশিক্ষণ, বিশ্বমানৰ সুবিধা আৰু তেওঁলোকৰ সম্পূৰ্ণ ক্ষমতা লৈকে সহায় কৰিবলৈ কাষ্টমাইজড গাইডেন্স প্ৰদান কৰা হ’ব।
এই পদক্ষেপ সন্দৰ্ভত মন্তব্য কৰি আইচিচিৰ অধ্যক্ষ জয় শ্বাহে কয়, ‘আন্তঃৰাষ্ট্ৰীয় ক্ৰিকেট পৰিষদত আমি অন্তৰ্ভুক্তিক আৰু প্ৰতিজন ক্ৰিকেটাৰে যাতে তেওঁলোকৰ পৰিস্থিতি নিৰ্বিশেষে জিলিকি থকাৰ সুযোগ পায় তাৰ প্ৰতি আমি প্ৰতিশ্ৰুতিবদ্ধ।
'আমাৰ মূল্যৱান অংশীদাৰসকলৰ সহযোগত আমি এই কাৰ্যবল আৰু সাহায্য পুঁজি আৰম্ভ কৰি গৌৰৱ অনুভৱ কৰিছো, যাৰ লগে লগে এক বিস্তৃত উচ্চ প্ৰদৰ্শন কাৰ্যসূচীও থাকিব যাতে আফগানিস্তানৰ স্থানচ্যুত মহিলা ক্ৰিকেটাৰসকলে এই ক্ৰীড়াত নিজৰ যাত্ৰা অব্যাহত ৰাখিব পাৰে', শ্বাহে কয়।
