বিশ্বৰ নৱম স্থানপ্ৰাপ্ত তাৰকা লক্ষ্য সেনে প্ৰথমখন ছিংগলছত এন্থনী গিন্টিঙক ৮-২১,২১-১৭,২১-১৬ৰ ব্যৱধানত পৰাস্ত কৰি ভাৰতক সুন্দৰ আৰম্ভণি দিয়ে। এই অগ্ৰগতিৰে অধিক আত্মবিশ্বাসী হৈ উঠি ভাৰতে দ্বিতীয়খন মেচতো চমকপ্ৰদ জয় সাব্যস্ত কৰে। ৰানকীৰেড্ডী আৰু চিৰাগৰ যুটীয়ে ডাবলছ মেচখনত ১৮-২১,২৩-২১,২১-১৯ৰ ব্যৱধানত ইণ্ডোনেছিয়াৰ প্ৰতিদ্বন্দ্বীক পৰাস্ত কৰিবলৈ সক্ষম হয়।
আনখন ছিংগলছ মেচতো ভাৰতৰ এই জয়ৰ ধাৰা অব্যাহত ৰাখি শ্ৰীকান্তে প্ৰতিপক্ষক ২১-১৫ আৰু ২৩-২১ৰ ব্যৱধানত পৰাভূত কৰে।The Indian badminton team has scripted history! The entire nation is elated by India winning the Thomas Cup! Congratulations to our accomplished team and best wishes to them for their future endeavours. This win will motivate so many upcoming sportspersons.
— Narendra Modi (@narendramodi) May 15, 2022
মনকৰিবলগীয়া যে, ১৯৪৮-৪৯ চনৰ পৰা আৰম্ভ হোৱা ঐতিহ্যমণ্ডিত থমাছ কাপ বেডমিণ্টন প্ৰতিযোগিতাত ভাৰতে কেতিয়াও ফাইনেললৈ উন্নীত হ’ব পৰা নাছিল। দেশখনে ১৯৫২, ১৯৫৫আৰু ১৯৭৯চনত থমাছ কাপৰ ছেমি ফাইনেলত উপনীত হৈছিল। কিন্তু, এইবাৰ সকলো বাধা আৰু প্ৰত্যাহ্বান নেওচি ভাৰতীয় শ্বাটলাৰসকলে আন্তঃৰাষ্ট্ৰীয় বেডমিণ্টনত দেশৰ নাম সোণালী আখৰেৰে লিখিবলৈ সক্ষম হয়।
ইফালে, থমাছ কাপত দীৰ্ঘ প্ৰতীক্ষাৰ অন্ত পেলাই দেশলৈ খিতাপ কঢ়িয়াই অনা ভাৰতীয় দলটোলৈ কেন্দ্ৰীয় চৰকাৰে ১কোটি টকাৰ আৰ্থিক পুৰস্কাৰ আগবঢ়োৱাৰ কথা ঘোষণা কৰিছে। ক্ৰীড়া মন্ত্ৰী অনুৰাগ ঠাকুৰে টুইটাৰযোগে এই কথা জানিবলৈ দিছে।As #TeamIndia defeats 14-time #ThomasCup Champions Indonesia (🇮🇳3-0🇮🇩) to win its 1️⃣st ever #ThomasCup2022, @IndiaSports is proud to announce a cash award of ₹ 1 crore for the team in relaxation of rules to acknowledge this unparalleled feat!
— Anurag Thakur (@ianuragthakur) May 15, 2022
Congratulations Team India!! https://t.co/QMVCvBDDZS