মুম্বাই
ভাৰতীয় মহিলা ক্ৰিকেট দলটোৱে ইতিহাসৰ দুৱাৰমুখত থিয় দিছে। দেওবাৰে নভি মুম্বাইত অনুষ্ঠিত হ’বলগীয়া আইচিচি মহিলা এদিনীয়া বিশ্বকাপৰ ফাইনেলত দক্ষিণ আফ্ৰিকাৰ বিৰুদ্ধে খেলিবলৈ সাজু হৈছে দলটো।
ভাৰতীয় ক্ৰিকেট নিয়ন্ত্ৰণ ব’ৰ্ডে (বিচিচিআই) নৱী মুম্বাইত ট্ৰফী জয় কৰিলে পুৰুষৰ দলটোৰ সৈতে সমান নগদ পুৰস্কাৰ দিয়াৰ পৰিকল্পনা কৰিছে বুলি জানিব পৰা গৈছে। এই পদক্ষেপে ভাৰতীয় ক্ৰিকেটত লিংগ সমতাৰ বাবে এক গুৰত্বপূর্ণ মুহূৰ্ত হিচাপে পৰিগণিত হ’ব।
পূৰ্বে সমগ্ৰ পুৰুষ আৰু মহিলা ক্ৰিকেটত মেচ মাচুলৰ বাবে সমান দৰমহা নীতি গ্ৰহণ কৰা বিচিচিআইয়ে এতিয়া একে নীতিকে প্ৰদৰ্শন ভিত্তিক পুৰস্কাৰলৈ সম্প্ৰসাৰণ কৰাৰ কথা চিন্তা কৰিছে বুলি জানিব পৰা গৈছে। নাম প্ৰকাশ নকৰাকৈ ব’ৰ্ডৰ এজন জ্যেষ্ঠ বিষয়াই কয় যে, "বিচিচিআইয়ে পুৰুষ আৰু মহিলাৰ সমান দৰমহা সমৰ্থন কৰে, আৰু সেয়েহে আলোচনা চলি আছে যে যদি আমাৰ ছোৱালীয়ে বিশ্বকাপ জয় কৰে তেন্তে পুৰুষৰ বিশ্বকাপ জয়ৰ তুলনাত পুৰস্কাৰ কম নহয়।"
যোৱা বছৰ ৰোহিত শৰ্মাৰ দলে আমেৰিকাত টি-২০ বিশ্বকাপ দখল কৰাৰ পিছত বিচিচিআইয়ে সমগ্ৰ দলটোৰ বাবে — খেলুৱৈ আৰু সহায়ক কৰ্মচাৰীক ধৰি — ১২৫ কোটি টকাৰ বৃহৎ বোনাছ ঘোষণা কৰিছিল। মহিলা দলটো যদি জয়ী হয় তেওঁলোকৰ বাবেও একেধৰণৰ ঘোষণাই ভাৰতীয় ক্ৰিকেটত তেওঁলোকৰ সফলতা আৰু অৱদানৰ অভূতপূৰ্ব স্বীকৃতিক প্ৰতিনিধিত্ব কৰিব।
২০১৭ চনৰ পৰা এই সম্ভাৱনাৰ নাটকীয় বিৱৰ্তন ঘটিছে, যেতিয়া লৰ্ডছত অনুষ্ঠিত বিশ্বকাপৰ ফাইনেলত ভাৰতীয় মহিলা দলটোৱে ইংলেণ্ডৰ হাতত ৯ ৰানত পৰাস্ত হৈছিল। হৃদয় বিদাৰক হোৱাৰ পিছতো প্ৰতিজন খেলুৱৈক ৫০ লাখ টকাৰে পুৰস্কৃত কৰা হয়, আনহাতে প্ৰশিক্ষক আৰু সহায়ক কৰ্মচাৰীকো তেওঁলোকৰ প্ৰচেষ্টাৰ বাবে স্বীকৃতি দিয়া হয়।
আঠ বছৰৰ পাছত বাজি — আৰু সম্ভাৱ্য পুৰস্কাৰ — সূচকীয়ভাৱে বৃদ্ধি পাইছে। এইবাৰ যদি ভাৰতৰ মহিলাসকলে এখোজ আগুৱাই যায় তেন্তে প্ৰতিগৰাকী ক্ৰিকেটাৰে তেওঁলোকৰ পুৰস্কাৰৰ ধন দহগুণ বৃদ্ধি হোৱা দেখিবলৈ পাব, যিয়ে খেলখনত সমতা আৰু সন্মানৰ নতুন যুগৰ সংকেত দিব।
প্ৰেৰণাদায়ক হৰমনপ্ৰীত কৌৰৰ নেতৃত্বত আৰু স্মৃতি মান্ধনা আৰু ৰেণুকা সিঙৰ দৰে বিশেষজ্ঞ প্ৰদৰ্শনকাৰীৰ দ্বাৰা উদগনি যোগোৱা এই দলটোৱে নিৰ্ভীক ক্ৰিকেট আৰু অটল মনোভাৱেৰে দেশক আকৰ্ষণ কৰিছে। দেওবাৰে জয়লাভ কৰিলে ভাৰতে প্ৰথমবাৰৰ বাবে মহিলা বিশ্বকাপৰ খিতাপ লাভ কৰাই নহয়, এই ক্ৰীড়াৰ প্ৰকৃত পথপ্ৰদৰ্শক হিচাপে তেওঁলোকৰ উত্তৰাধিকাৰো প্ৰেৰণা হৈ উঠিব।
এতিয়াৰ বাবে খেলুৱৈসকলে চূড়ান্ত পুৰস্কাৰ — বিশ্বকাপৰ ট্ৰফীৰ -- ওপৰত মনোনিৱেশ কৰি আছে। কিন্তু যদি তেওঁলোকে সফল হয়, তেন্তে ঘৰলৈ উভতি অহাৰ পিছত তেওঁলোকৰ বাবে অপেক্ষা কৰি থাকিব এক ঐতিহাসিক উদযাপন আৰু এক কীৰ্তিচিহ্নস্বৰূপ নগদ পুৰস্কাৰ।
