ডিফু
অসম চৰকাৰে কাৰ্বি আংলং জিলাৰ পৰা তিনিজন অবৈধ বাংলাদেশী অনুপ্ৰৱেশকাৰীক বহিষ্কাৰ কৰাৰ নিৰ্দেশ দিয়া বুলি শনিবাৰে বিষয়াসকলে প্ৰকাশ কৰে।
ডিচেম্বৰ মাহত তিনিটা পৃথক আদেশৰ জৰিয়তে বিদেশী ন্যায়াধিকৰণে এই তিনিজনক অবৈধ অনুপ্ৰৱেশকাৰী বুলি ঘোষণা কৰাৰ পাছত ১৯৫০ চনৰ অনুপ্ৰৱেশকাৰী (অসমৰ পৰা বহিষ্কাৰ) আইনৰ ২ নং ধাৰাত এই নিৰ্দেশনা জাৰি কৰা হৈছে।
অবৈধ অনুপ্ৰৱেশকাৰীক বহিষ্কাৰৰ নিৰ্দেশ পোৱাৰ ২৪ ঘণ্টাৰ ভিতৰত দেশ এৰি যাবলৈ কোৱা হৈছে।
সোমবাৰে জিলা উপায়ুক্তৰ স্বাক্ষৰিত পৃথক বহিষ্কাৰৰ নিৰ্দেশ শনিবাৰে তিনিওজন বিদেশীক প্ৰদান কৰা হয় বুলি বিষয়াসকলে জানিবলৈ দিয়ে।
বোকাজান আৰক্ষী থানা এলেকাত বাস কৰা মহম্মদ ফকৰুদ্দিন আৰু মাঞ্জা থানা এলেকাৰ মহম্মদ ৰফিকুল আলী আৰু মহম্মদ ফাইজুল হক বুলি জানিব পৰা গৈছে।
বহিষ্কাৰৰ আদেশত উল্লেখ কৰা হৈছে যে ঘোষিত বিদেশীৰ উপস্থিতি “সাধাৰণ জনতাৰ স্বাৰ্থৰ বাবে আৰু ৰাষ্ট্ৰৰ আভ্যন্তৰীণ নিৰাপত্তাৰ বাবেও ক্ষতিকাৰক”।
এই নিৰ্দেশ দিয়াৰ ২৪ ঘণ্টাৰ ভিতৰত ধুবুৰী বা শ্ৰীভূমি বা দক্ষিণ ছালমাৰা-মানকাচৰ পথেৰে ৰাজ্য আৰু দেশ এৰি যাবলৈ কয়।
যদিহে এই তিনিওজনে বহিষ্কাৰৰ নিৰ্দেশ মানি চলাত ব্যৰ্থ হয় তেন্তে চৰকাৰে তেওঁলোকক ৰাজ্য আৰু দেশৰ পৰা বহিষ্কাৰ কৰাৰ বাবে “উচিত ব্যৱস্থা” আৰম্ভ কৰিব বুলিও নিৰ্দেশত উল্লেখ কৰা হৈছে।
