ইছলামবাস
পাকিস্তানৰ ৰাষ্ট্ৰপতি আছিফ আলী জাৰ্দাৰীয়ে বৃহস্পতিবাৰে সেনা প্ৰধান ফিল্ড মাৰ্শ্বাল আছিম মুনিৰক পাঁচ বছৰৰ বাবে পাকিস্তানৰ প্ৰথমজন প্ৰতিৰক্ষা বাহিনীৰ মুৰব্বী হিচাপে নিযুক্তি দিবলৈ অনুমোদন জনায়।
ৰাষ্ট্ৰপতি জাৰ্দাৰীয়ে প্ৰধানমন্ত্ৰী শ্বেহবাজ শ্বৰীফে আনুষ্ঠানিকভাৱে দাখিল কৰা সাৰাংশত অনুমোদন জনায়, য’ত তেওঁক আনুষ্ঠানিকভাৱে সেনাবাহিনীৰ মুৰব্বী (COAS) মুনীৰক পাকিস্তানৰ প্ৰথম চি ডি এফ হিচাপে নিযুক্তি দিবলৈ কোৱা হয়।
যোৱা মাহত সংসদে ২৭ সংখ্যক সাংবিধানিক সংশোধনী গৃহীত কৰিছিল য’ত চি ডি এফৰ পদটো সৃষ্টিৰ ব্যৱস্থা কৰা হৈছিল, যাৰ উদ্দেশ্য আছিল ইউনিটি অৱ কমাণ্ড সৃষ্টি কৰা আৰু যিকোনো জটিল পৰিস্থিতিত সিদ্ধান্ত গ্ৰহণ ক্ষিপ্ৰতাৰে কৰা।
চি ডি এফে য'ইণ্ট চীফছ অৱ ষ্টাফ কমিটীৰ (CJCSC) অধ্যক্ষৰ পদটোৰ ঠাই লয়।
ৰাষ্ট্ৰপতিৰ কাৰ্যালয়ৰ পৰা প্ৰকাশিত এক বিবৃতিত কোৱা হৈছে যে ৰাষ্ট্ৰপতিয়ে মুনীৰলৈ শুভেচ্ছা জ্ঞাপন কৰিছে।
ইয়াৰ উপৰিও জৰ্দাৰীয়ে এয়াৰ চীফ মাৰ্শেল জাহীৰ আহমদ ববৰ ছিধুৰ, এয়াৰ ষ্টাফ প্রধানৰ সেৱা দুবছৰকৈ বঢ়োৱাৰ অনুমোদন জনাইছে, যি বৰ্তমান কাৰ্যকাল সম্পূৰ্ণ হোৱাৰ পাছত ১৯ মাৰ্চ, ২০২৬ তাৰিখৰ পৰা প্ৰযোজ্য হ'ব।
প্ৰধানমন্ত্ৰী কাৰ্যালয়ৰ এক বিবৃতি অনুসৰি, প্ৰধানমন্ত্ৰীয়ে পূৰ্বে ফিল্ড মাৰ্শ্বাল মুনিৰক সেনা প্ৰধান আৰু চি ডি এফ হিচাপে নিযুক্তিৰ বাবে সাৰাংশ অনুমোদন জনাইছিল, আৰু তাৰ পিছত ৰাষ্ট্ৰপতিলৈ প্ৰেৰণ কৰিছিল।
২০২২ চনৰ নৱেম্বৰ মাহত ফিল্ড মাৰ্শ্বাল মুনিৰে প্ৰথম অৱস্থাত তিনি বছৰৰ বাবে COAS হিচাপে নিযুক্তি লাভ কৰিছিল যদিও ২০২৪ চনত তেওঁৰ কাৰ্যকাল পাঁচ বছৰৰ বাবে বৃদ্ধি কৰা হৈছিল।
