নতুন দিল্লী
শনিবাৰে পাকিস্তানৰ উত্তৰ ৱাজিৰিস্তানৰ আত্মঘাতী বোমা বিস্ফোৰণৰ জৰিয়তে ১৩ জন সৈনিকক হত্যা কৰা বুলি ভাৰতক দোষাৰোপ কৰে পাকিস্তানে। পাকিস্তানে ভাৰতৰ ওপৰত কৰা এই দোষাৰোপক তীব্ৰভাৱে নাকচ কৰে।
বৈদেশিক পৰিক্ৰমা মন্ত্ৰালয়ে এই অভিযোগক নিন্দা কৰি কয়, "আমি পাকিস্তান সেনাৰ এটা চৰকাৰী বিবৃতি দেখিছো য'ত ২৮ জুনত ৱজিৰিস্তানত হোৱা আক্ৰমণৰ বাবে ভাৰতক দোষাৰোপ কৰা হৈছে। আমি এই কথাষাৰক নাকচ কৰিছো আৰু যিটো নাকচ কৰাৰ যোগ্য।"
শনিবাৰে, এজন আত্মঘাতী বোমাৰুয়ে বিস্ফোৰক ভৰ্তি এখন বাহন লৈ খাইবাৰ পাখটুনখোৱা প্ৰদেশৰ উত্তৰ ৱাজৰিস্তান জিলাৰ এটা সামৰিক কনভয়ত খুন্দা মাৰে। সংবাদ প্ৰতিষ্ঠান এ এফ পিৰ উদ্ধৃতিত এজন স্থানীয় চৰকাৰী বিষয়াই কয় যে বিস্ফোৰণত ১৩ জন সৈনিক নিহত হয় আৰু ১৯ জন সাধাৰণ লোকৰ লগতে আন ১০ জন আহত হয়।
পাকিস্তানৰ জনজাতীয় অঞ্চলত বৃদ্ধি পোৱা হিংসাত্মক ঘটনাৰ আন এক উদাহৰণ হিচাপে চিহ্নিত এই আক্ৰমণৰ দায়িত্ব স্বীকাৰ কৰিছে তেহৰিক-ই-তালিবান পাকিস্তান (টিটিপি) ৰ সৈতে জড়িত হাফিজ গুল বাহাদুৰ গোটৰ আত্মঘাতী গোটটোৱে।
এই ঘটনাটো উত্তৰ ৱাজিৰিস্তানত যোৱা কেইমাহত সংঘটিত হোৱা আটাইতকৈ ভয়ংকৰ ঘটনা হিচাপে চিহ্নিত হৈছে আৰু অঞ্চলটোৰ নিৰাপত্তাজনিত পৰিস্থিতিৰ প্ৰতি গভীৰ উদ্বেগ প্ৰকাশ কৰিছে।
২০২১ চনত তালিবানে আফগানিস্তানত ক্ষমতা দখল কৰাৰ পিছত, পাকিস্তানে ইয়াৰ সীমান্ত অঞ্চলত আক্ৰমণৰ তীব্ৰ বৃদ্ধি দেখিছে। ইছলামাবাদে সঘনাই আফগান তালিবানক এই সীমান্তৰ আক্ৰমণৰ বাবে দায়ী উগ্ৰপন্থীসকলক আশ্ৰয় দিয়াৰ অভিযোগ উত্থাপন কৰি আহিছে, যিটো অভিযোগ কাবুলে অস্বীকাৰ কৰিছে।
সংবাদ সংস্থা এ এফ পিৰ মতে, এই বছৰ এতিয়ালৈকে প্ৰায় ২৯০ জন লোক, বিশেষকৈ নিৰাপত্তা বাহিনীৰ লোক, খাইবাৰ পাখতুনখোৱা আৰু বেলুচিস্তানত চৰকাৰ বিৰোধী গোটৰ আক্ৰমণত প্ৰাণ হেৰুৱাইছে। বিগত বৰ্ষত সন্ত্ৰাসবাদৰ সৈতে জড়িত মৃত্যুৰ সংখ্যা ৪৫ শতাংশ বৃদ্ধি পাই ১,০৮১জনলৈ বৃদ্ধি পোৱাত পাকিস্তান বিশ্ব সন্ত্ৰাসবাদ সূচকাংক ২০২৫ত দ্বিতীয় স্থানত আছে।
