শিক্ষক মোক্তাছিদুজ জামান আজাদৰ সহযোগত সাজি উলিওৱা অভিনৱ আৰ্হিটো সন্দৰ্ভত শিশু বিজ্ঞানী ইলিয়াছে কয়; "চলন্ত অৱস্থাত বহু সময়ত গাড়ী চালকজন টোপনি যোৱাৰ ফলত পথ দুৰ্ঘটনা সংঘটিত হয়। কিন্তু এই গাড়ীৰ আৰ্হিটোত চালকৰ সন্মুখত এটা চেন্সৰ লগোৱা হৈছে। যাৰ ফলত গাড়ী চালকজন টোপনি যোৱাৰ লগে লগে চেন্সৰৰ জৰিয়তে এলার্ম বাজি যাব। ইয়াৰ লগে লগে গাড়ী চালকজন সাৰ পাই উঠিব।" 

'আৱাজ দ্য ভইচ'ৰ সৈতে হোৱা এক সাক্ষাৎকাৰত ছাত্ৰজনৰ গাইড শিক্ষক মোক্তাছিদুজ জামান আজাদে কয়; "মাত্র ২-৩ হেজাৰ টকাতে সাজি উলিওৱা এই আৰ্হিৰ জৰিয়তে ৯৫ শতাংশ পথ দুৰ্ঘটনা হ্ৰাস কৰিব পৰা যাব। মই মোৰ ছাত্ৰ-ছাত্ৰীসকলক এনেকুৱা উদ্ভাৱনীমূলক কামৰ বাবে উৎসাহিত কৰোঁ আৰু সহযোগ কৰোঁ। এই আৰ্হিটোত বহু কোডিং ব্যৱহাৰ কৰা হৈছে, তাতো মই সহযোগ কৰিছোঁ। ইলিয়াছ আৰু মই পথ দুৰ্ঘটনা ৰোধৰ আৰ্হিটো প্ৰস্তুত কৰাৰ আগতে পথ দুৰ্ঘটনা কি কি কাৰণত হয়, সেইটো ভালদৰে অধ্যয়ন কৰিছিলোঁ।"