নতুন দিল্লী
ভাৰতৰ সৰ্ববৃহৎ তথ্য প্ৰযুক্তি সেৱা প্ৰতিষ্ঠান টাটা কনছালটেন্সি চাৰ্ভিচেছে ২০২৬ বিত্তীয় বৰ্ষত নিজৰ কৰ্মশক্তি ২ শতাংশ হ্ৰাস কৰিব, যাৰ ফলত মূলতঃ মধ্যম আৰু জ্যেষ্ঠ ব্যৱস্থাপনাত প্ৰভাৱ পৰিব বুলি দেওবাৰে কোম্পানীটোৱে প্ৰকাশ কৰে।
কোম্পানীটোৱে নতুন বজাৰত প্ৰৱেশ কৰিবলৈ নতুন প্ৰযুক্তিত বিনিয়োগ আৰু এআই নিয়োগ কৰাৰ লগে লগে কৰ্মচাৰীক পুনৰ প্ৰশিক্ষণ আৰু পুনৰ নিয়োগ কৰি আছে যদিও এই প্ৰক্ৰিয়াৰ অংশ হিচাপে প্ৰায় ১২,২০০ চাকৰি কৰ্তন কৰা হ’ব বুলিও কয়।
কোম্পানীটোৱে লগতে কয় যে, "এই পৰিৱৰ্তন যথাযথ যত্নৰে পৰিকল্পনা কৰা হৈছে যাতে আমাৰ গ্ৰাহকসকলক সেৱা প্ৰদানৰ ক্ষেত্ৰত কোনো প্ৰভাৱ নপৰে।
ভাৰতৰ ২৮৩ বিলিয়ন ডলাৰৰ আই টি খণ্ডই দুৰ্বল চাহিদা, মুদ্ৰাস্ফীতি আৰু আমেৰিকাৰ বাণিজ্য নীতিৰ ওপৰত দীৰ্ঘদিনীয়া অনিশ্চয়তাৰ বাবে অপ্ৰয়োজনীয় প্ৰযুক্তি ব্যয় বন্ধ কৰি ৰখা গ্ৰাহকসকলৰ সৈতে যুঁজিবলগীয়া হৈছে।
টিচিএছৰ মুখ্য কাৰ্যবাহী কে কৃতিবাসনে এই মাহত কয় যে গ্ৰাহকসকলৰ সিদ্ধান্ত গ্ৰহণ আৰু প্ৰকল্প আৰম্ভ কৰাত বহু পলম হৈছে যাৰ ফলত টিচিএছে অসুবিধাত পৰিছে।
