আৱাজ-দ্য ভইচ ব্যুৰ'
বলিউডৰ বাদশ্বাহ শ্বাহৰুখ খানে তেওঁৰ আগন্তুক ছবি 'কিং'ৰ একচন দৃশ্যৰ দৃশ্যগ্ৰহণৰ সময়ত পিঠিৰ আঘাতত ভুগিছে। জানিব পৰা মতে এই আঘাত গুৰুতৰ নহয় আৰু অভিনেতাজন ক্ৰমান্বয়ে সুস্থ হৈ উঠিছে। অৱশ্যে, এই ঘটনাই প্ৰডাকশ্যনৰ ছুটিং শ্বেডুলত প্ৰভাৱ পেলাইছে আৰু এতিয়া ছেপ্টেম্বৰ মাহত ছবিখনৰ দৃশ্যগ্ৰহণ পুনৰ আৰম্ভ হোৱাৰ সম্ভাৱনা আছে।
আঘাতৰ পিছতে উন্নত চিকিৎসাৰ শ্বাহৰুখ খানক আমেৰিকা যুক্তৰাষ্ট্ৰলৈ লৈ যোৱা হয় আৰু তেতিয়াৰে পৰা তেওঁ ব্ৰিটেইনত আছে। ব্ৰিটেইনত তেওঁ পৰিয়ালৰ সৈতে জিৰণি লৈছে আৰু আৰোগ্য লাভৰ বাবে অপেক্ষা কৰিছে। তেওঁৰ এই আঘাত আৰু সোনকালে সুস্থ হৈ উঠাৰ বাবে শ্ৰীলংকা ভ্ৰমণো স্থগিত ৰখা হৈছে।
সিদ্ধাৰ্থ আনন্দৰ পৰিচালনাৰে "কিং" চিনেমাখন আগন্তুক এখন একচন-থ্ৰিলাৰ ছবি। ছবিখনৰ জৰিয়তে নেটফ্লিক্সৰ “দ্য আৰ্চিজ”ত শেষবাৰৰ বাবে দেখা পোৱা চুহানা খানৰ ডাঙৰ পৰ্দাত অভিষেক ঘটিব। ছবিখনত ৰাণী মুকেৰজীৰ কন্যাৰ চৰিত্ৰত অভিনয় কৰিব চুহানাই।
প্ৰতিনিধিত্বমূলক ছবি
ছবিখনত শ্বাহৰুখ খান, দীপিকা পাডুকন, অভিষেক বচ্চন, জয়দীপ আহলাৱত, অনিল কাপুৰ, অভয় ভাৰ্মা আদিয়ে অভিনয় কৰিছে। ছবিখন তীব্ৰ একচন ছিকুৱেন্সৰ সৈতে এখন ভাল ড্ৰামা হ’ব বুলি প্ৰতিশ্ৰুতি দিছে। সকলো অভিনেতা-অভিনেত্ৰীসকলে ৰোমাঞ্চকৰ অভিনয় কৰিব বুলি আশা কৰা হৈছে।
ৰোমাঞ্চকৰ কাহিনী আৰু তাৰকা অভিনেতা-অভিনেত্ৰীৰ সৈতে "কিং" ছবিখনে চলচ্চিত্ৰ জগতত হুলস্থুলৰ সৃষ্টি কৰিছে। ২০২৬ চনত মুক্তি পাবলগীয়া ছবিখনৰ বাবে অনুৰাগীসকলে বহু আগ্ৰহেৰে অপেক্ষা কৰি আছে।
শ্বাহৰুখ খান অভিনীত "কিং" চিনেমাখন বহু প্ৰত্যাশিত আৰু অনুৰাগীসকলে ইয়াৰ মুক্তিৰ বাবে আগ্ৰহেৰে অপেক্ষা কৰি আছে। এছ আৰ কেৰ আঘাতৰ বাবে প্ৰডাকচন পলম হোৱাৰ পিছতো গান্ধী জয়ন্তীৰ লগত সংগতি ৰাখি ২০২৬ চনৰ ২ অক্টোবৰত ছবিখনৰ মুক্তিৰ দিয়াৰ লক্ষ্য লোৱা হৈছে। উল্লেখযোগ্য যে, এই তাৰিখটো ডাঙৰ ডাঙৰ চলচ্চিত্ৰ মুক্তিৰ বাবে শুভ বুলি গণ্য কৰা হয়।
