আৱাজ-দ্য ভইচ অসম ব্যুৰো
অভিনেত্ৰী তথা সামাজিক মাধ্যমৰ ব্যক্তিত্ব উৰ্ফি জাভেদে অৱশেষত তেওঁৰ ধৰ্ম আৰু পৰিচয়ৰ বিষয়ে অনলাইন প্ৰচাৰিত বাতৰিৰ ওপৰত তীব্ৰ প্ৰতিক্ৰিয়া প্ৰকাশ কৰিছে। তেওঁ স্পষ্টকৈ কৈছিল যে, তেওঁ কোনো ধৰ্মৰ অনুগামী নহয়।
সামাজিক মাধ্যমৰ প্ৰভাৱশালী ব্যক্তিত্ব ফাইজান আনছাৰীয়ে মুছলমান সমাজে উৰ্ফি জাভেদক ইছলামৰ পৰা বহিষ্কাৰ কৰাৰ সিদ্ধান্ত লব লাগে আৰু তেওঁৰ নাম সলনি কৰি গীতা ভৰদ্বাজ ৰাখিব লাগে বুলি কৰা দাবীৰ পিছতে উৰ্ফি জাভেদে এই স্পষ্টীকৰণ দিছে।
আই এ এন এছৰ সৈতে হোৱা এক আছুতীয়া বাৰ্তালাপত এই দাবীসমূহৰ উত্তৰ দি উৰ্ফিয়ে এই দাবীসমূহক মিছা বুলি উল্লেখ কৰি নিজৰ স্থিতি স্পষ্ট কৰি দিয়ে। তেওঁ কয়, “মই নিজে বহু আগতেই ধৰ্ম ত্যাগ কৰিছো, এতিয়া এইবোৰ আকৌ কোনে ৰচনা কৰিছে?”
তেওঁৰ নাম সলনি কৰা বুলি প্ৰচাৰিত হোৱা বাতৰিৰ প্ৰতিক্ৰিয়া প্ৰকাশ কৰি উৰ্ফিয়ে আইএএনএছক কয়, "কোনে এই কথা কৈছে? এনে কোনো প্ৰতিবেদন নাই। তেওঁলোকে নিজেই ইয়াক তৈয়াৰ কৰিছে। মই কোনো ধৰ্মৰ অনুগামী নহয়। মই এজন নাস্তিক। গতিকে কোনোবাই মোক এনে ধৰ্মৰ পৰা কেনেকৈ আঁতৰাই দিব যি ধৰ্মৰ মই সদস্য নহয়?"
এদিনৰ পূৰ্বে সামাজিক মাধ্যমৰ প্ৰভাৱশালী ব্যক্তি ফাইজান আনছাৰীয়ে দাবী কৰিছিল যে, উৰ্ফি জাভেদক ইছলাম ধৰ্মৰ পৰা বহিষ্কাৰ কৰা হৈছে আৰু এতিয়াৰে পৰা তেওঁক গীতা ভৰদ্বাজ বুলি কোৱা হ'ব। সামাজিক মাধ্যমত পোষ্ট কৰা এটা ভিডিঅ'ত তেওঁ এই দাবী কৰিছে। ভিডিঅ'টোত তেওঁ অভিযোগ কৰে যে মুছলমান সমাজে উৰ্ফিৰ পৰা নিজকে আঁতৰাই ৰাখিবলৈ সিদ্ধান্ত লৈছিল কাৰণ তেওঁ মুছলমান সম্প্ৰদায়ক বাৰে বাৰে অপমান কৰিছিল।
উৰ্ফি জাভেদ
ভিডিঅ'টোত আনছাৰীয়ে কয়, "হেল্লো, আপোনালোক সকলোৱে কেনেকুৱা আছে? মই ফাইজান আনছাৰী। কেৱল ভাৰততে নহয়, সমগ্ৰ বিশ্বতে মুছলমানসকলৰ ভাবমূৰ্তি নষ্ট কৰা এগৰাকী ছোৱালী আছে। তেওঁ নিজেই কৈছে যে, তেওঁ কোৰাণক বিশ্বাস নকৰে। ইছলামত বিশ্বাস নকৰে আৰু মুছলমান ধৰ্মত বিশ্বাস নকৰে। এতিয়ালৈকে তাইৰ নাম আছিল উৰ্ফি জাভেদ। যিটো এটা মুছলমান নাম। তেওঁ এজনী অতি বেয়া ছোৱালী, যিয়ে সমগ্ৰ বিশ্বৰ মুছলমানসকলৰ ভাবমূৰ্তিৰ ক্ষতি কৰিছে, আৰু প্ৰতিজন মুছলমানে তাইক গালি-গলাজ কৰি অপব্যৱহাৰ কৰে।"
তেওঁ লগতে কয়, "গতিকে অৱশেষত আমি মুছলমানসকলে সিদ্ধান্ত লৈছো যে, উৰ্ফি জাভেদ এতিয়া মুছলমান সম্প্ৰদায় ব্যক্তি নহয়। মই এজন মৌলানালৈ এখন চিঠি প্ৰেৰণ কৰিছো। তেওঁ সৰ্বভাৰতীয় মুছলিম সম্প্ৰদায়ৰ মুৰব্বী। মই অনুমতি বিচৰা নাই; মই তেওঁক কেৱল জনাইছো যে, উৰ্ফি জাভেদ এতিয়া মুছলমান নহয়। তেওঁৰ মুছলমান সম্প্ৰদায়ৰ সৈতে কোনো সম্পৰ্ক নাই আৰু তেওঁৰ নতুন নাম হৈছে গীতা ভৰদ্বাজ।"
মুছলমান সকলৰ হৈ নিজৰ সিদ্ধান্তৰ কথা ৰাজহুৱাভাৱে ঘোষণা কৰি ফইজান আনছাৰীয়ে কয় যে, "মই এই কথা ঘোষণা কৰিছো যাতে সকলোৱে জানে উৰ্ফি জাভেদ এতিয়া মুছলমান নহয়। এতিয়া তাইৰ নাম গীতা ভৰদ্বাজ। আমি সকলো মুছলমানে এই সিদ্ধান্ত গ্ৰহণ কৰিছো। মই মৌলানাক এখন লিখিত পত্ৰ দিছো আৰু এই ভিডিঅ'ৰ সৈতে সংলগ্ন কৰিছো। মই টুইট কৰিও এই বাৰ্তা সমগ্ৰ বিশ্বৰ লোকসকলৰ মাজলৈ লৈ যায়। অনুগ্ৰহ কৰি এইটো শ্বেয়াৰ কৰক যাতে কোনোবাই মুছলমানক অপমান কৰিলে কি হ'ব সেয়া মানুহে জানক। আজিৰ পৰা তাইৰ নাম গীতা ভৰদ্বাজ। উৰ্ফি জাভেদ বুলি মাতিব নালাগে। মুছলমান সমাজ বা সমাজত তেওঁৰ কোনো স্থান নাই। মই প্ৰমাণ হিচাপে চিঠিখন সংলগ্ন কৰিছো। ধন্যবাদ।"
