অসম বিধানসভাত লাভ জেহাদ আৰু বহুবিবাহ সম্পৰ্কীয় ঐতিহাসিক বিধেয়ক উত্থাপন হ'ব

Story by atv | Posted by [email protected] • 10 h ago

মুখ্যমন্ত্ৰী হিমন্ত বিশ্ব শৰ্মা

গুৱাহাটী

অসমৰ মুখ্যমন্ত্ৰী হিমন্ত বিশ্ব শৰ্মাই ঘোষণা কৰিছে যে চলিত বৰ্ষত অসম বিধানসভাত কেইবাখনো ঐতিহাসিক বিধেয়ক উত্থাপন কৰা হ'ব। সংবাদ মাধ্যমৰ সৈতে বাৰ্তালাপ কৰি তেওঁ কয়, "এই বছৰ বিধানসভাত লাভ জেহাদ, বহুবিবাহ আৰু ৰাজ্যখনৰ বৈষ্ণৱ সত্ৰৰ সুৰক্ষাৰ সৈতে জড়িত ঐতিহাসিক বিধেয়ক উত্থাপন কৰা হ'ব। এই প্ৰস্তাৱসমূহ সদনত আলোচনা কৰা হ'ব আৰু বিধেয়কসমূহ গৃহীত হোৱাৰ পাছত আমি সংবাদ মাধ্যমক সেই বিষয়ে অৱগত কৰিম।"

চলিত বছৰৰ আগষ্ট মাহৰ আৰম্ভণিতে হিমন্ত বিশ্ব শৰ্মাই কৈছিল যে হিন্দু আৰু মুছলমানৰ মাজত জনসংখ্যাৰ ভাৰসাম্যতা হ্ৰাস পোৱাৰ বাবে ৰাজ্যখনৰ ভৱিষ্যৎ অনিশ্চিত হৈ পৰিছে। স্বাধীনতা দিৱস উদযাপনৰ সময়ত মুখ্যমন্ত্ৰী শৰ্মাই উল্লেখ কৰিছিল যে ১২-১৩ খন জিলাত সংখ্যালঘু হোৱাৰ বাবে আদিবাসী লোকসকল প্ৰতিৰক্ষামূলক হৈ পৰিবলৈ বাধ্য হৈছে।

The next Assembly session will be historic as many significant bills will be introduced - bill to ban polygamy and Love Jihad, Bill to preserve our Satras, bill to confer land rights to our tea garden workers among others. pic.twitter.com/iEyLPXWeIr
— Himanta Biswa Sarma (@himantabiswa) October 22, 2025

স্বাধীনতা দিৱসত ৰাষ্ট্ৰীয় পতাকা উত্তোলন কৰি হিমন্ত বিশ্ব শৰ্মাই লগতে কৈছিল যে অসমৰ জনগাঁথনিৰ পৰিৱৰ্তনৰ বাবে থলুৱা লোকসকল এক প্ৰতিৰক্ষামূলক অৱস্থালৈ আহিছে, কিয়নো ১২-১৩খন জিলাত তেওঁলোক সংখ্যালঘু হৈ পৰিছে। "অসমৰ ভৱিষ্যৎ আমাৰ বাবে সুৰক্ষিত নহয়। হিন্দু-মুছলমানৰ জনসংখ্যাৰ ভাৰসাম্য দ্ৰুতগতিত হ্ৰাস পাইছে। ২০২১ চনত মুছলমানৰ জনসংখ্যা ৪১ শতাংশলৈ বৃদ্ধি পোৱাৰ বিপৰীতে হিন্দুৰ জনসংখ্যা ৫৭ শতাংশলৈ হ্ৰাস পাইছে। বাকী অংশ খ্ৰীষ্টান আৰু অন্যান্য সম্প্ৰদায়ৰ মাজত ভাগ কৰা হয়", তেওঁ দাবী কৰে।

তেওঁ উল্লেখ কৰে যে ২০২১ চনত মুছলমানৰ জনসংখ্যা ৪১ শতাংশলৈ বৃদ্ধি পাইছে। আনহাতে হিন্দুৰ জনসংখ্যা ৫৭ শতাংশলৈ হ্ৰাস পাইছে, বাকী অংশ খ্ৰীষ্টান আৰু অন্যান্য সম্প্ৰদায়ৰ লোক।