নতুন দিল্লী
দেওবাৰে মাইক্ৰ'ব্লগিং চাইট এক্সক ভাৰতত আন্তঃৰাষ্ট্ৰীয় সংবাদ সংস্থা ৰয়টাৰৰ হেণ্ডেল নিষিদ্ধ কৰিবলৈ কোনো ধৰণৰ আইনী অনুৰোধ জনোৱা নাই বুলি কেন্দ্ৰই জনায়। ভাৰতত ৰয়টাৰৰ এক্স হেণ্ডেলত "আইনী দাবীৰ প্ৰতি সঁহাৰি জনাই" ইয়াক ব্লক কৰা বুলি প্ৰকাশ পোৱাৰ কেইঘণ্টামান পিছতে এই স্পষ্টীকৰণ দিয়া হৈছে।
ইয়াৰ পূর্বে চৰকাৰী সূত্রৰ উদ্ধৃতি দি সংবাদ সংস্থাই প্রকাশ কৰিছিল যে, অপাৰেচন সেন্দুৰৰ সময়ত ৰয়টাৰৰ এক্স একাউণ্ট ব্লক কৰাৰ অনুৰোধ ভাৰতৰ পৰা আহিছিল৷
সংবাদ সংস্থাই প্ৰকাশ কৰিছে যে, এই নিষেধাজ্ঞাৰ পিছত ভাৰত চৰকাৰৰ বিষয়াসকলে কোনো নতুন আইনী অনুৰোধ জনোৱা নাই আৰু এই সময়ত একাউণ্টটো ব্লক কৰাৰ বাবে এক্সৰ পৰা ব্যাখ্যা বিচাৰিছে আৰু মাইক্ৰ'ব্লগিং প্লেটফৰ্মক নিষেধাজ্ঞা উঠাই ল'বলৈ কয়।
সংবাদ সংস্থাই দিয়া এক চৰকাৰী সূত্ৰই জনোৱা মতে, "৭ মে'ত (অপাৰেচন সেন্দুৰৰ সময়ত) এক আদেশ জাৰি কৰা হৈছিল, যদিও সেয়া বলৱৎ কৰা হোৱা নাছিল। এক্সে সেই আদেশ এতিয়া বলৱৎ কৰা যেন লাগে, যিটো তেওঁলোকৰ ফালৰ পৰা ভুলকৈ আছিল। চৰকাৰে এক্সৰ ওচৰলৈ হাত আগবঢ়াইছে এই সমস্যা সোনকালে সমাধান কৰাৰ বাবে।"
ভাৰতত ৰয়টাৰ টেক নিউজ, ৰয়টাৰ ফেক্ট চেক, ৰয়টাৰ এছিয়া আৰু ৰয়টাৰ্ছ চাইনাৰ দৰে সংযুক্ত এক্স হেণ্ডেল সুলভ যদিও গ্লোবেল নিউজ এজেন্সীৰ অফিচিয়েল এক্স একাউণ্টৰ লগতে ৰয়টাৰ ৱৰ্ল্ড হেণ্ডেল দুয়োটা দুৰ্লভ।
