গুৱাহাটী
নগাঁৱত সংঘটিত হৈছে এক ভয়ংকৰ ঘটনা। পৰস্পৰৰ সংঘাতৰ ফলত প্ৰাণ গ'ল তিনিজন চিআৰপিএফ জোৱানৰ। নগাওঁৰ কাটিমাৰি গ্ৰাণ্টত থকা চিআৰপিএফৰ শিবিৰ এটাত এই ঘটনা সংঘটিত হৈছে।
জানিব পৰা মতে, কেন্দ্ৰীয় সংৰক্ষিত আৰক্ষী বাহিনী (চি আৰ পি এফ)ৰ এজন জোৱানে নিজৰ ছাৰ্ভিচ মাৰনাস্ত্ৰৰে সতীৰ্থ দুই জোৱানক গুলীয়াই হত্যা কৰে৷ এই ঘটনা সংঘটিত কৰাৰ পাছতে অভিযুক্ত জোৱানজনে নিজকেও গুলীয়ায়।
এই ঘটনাত নিহতসকল হৈছে ৰামন সিং যাদৱ, বল্লানী প্ৰেমাবৰম আৰু বিষ্ণুপ্ৰসাদ বাঘাল। গুলীচালনাত গোবিন্দ শ্ৰীপাল নামৰ আন এজন এছ আই আহত হয়।
