আনহাতে, এই ধৰ্মীয় অনুষ্ঠানৰ পূৰ্বে অসম ৰাজ্যিক জমিয়ত উলামাৰ সভাপতি মৌলানা বদৰুদ্দিন আজমলে অসমৰ ইছলামধৰ্মী লোকসকলৰ প্ৰতি এক বিশেষ আহ্বান জনাইছে। শুকুৰবাৰে প্ৰকাশ কৰা বিবৃতিত আজমলে কয়, "কুৰবাণী সামর্থ্যবান মুছলমানৰ বাবে অৱশ্য পালনীয় কৰ্তব্য আৰু এই কুৰবাণীৰ বাবে উট, ছাগলী, গৰু, ম'হ, ভেড়া আদি জন্তু ব্যৱহাৰ কৰাৰ নিয়ম আছে। কিন্তু, ভাৰত যিহেতু বিভিন্ন জাতি, ধৰ্মৰ লোকেৰে ভৰা এখন দেশ আৰু ইয়াৰ অধিকাংশ লোক সনাতন ধর্মাৱলম্বী। সনাতন ধৰ্মত গৰু এবিধ পূজনীয় জন্তু। গাই গৰুক এই দেশৰ অধিক সংখ্যক লোকে মাতৃ-সম জ্ঞান কৰে।"
তেওঁ লগতে কয়, "২০০৮ চনত ভাৰতৰ সৰ্ববৃহৎ ইছলামিক শিক্ষানুষ্ঠান দাৰুল উলুম দেওবন্দে বকৰি ঈদৰ কুৰবাণী পৰ্বত পাৰ্যমানে গৰু ব্যৱহাৰ নকৰাৰ বাবে আবেদন জনাইছিল। সেই আবেদনত কোৱা হৈছিল যে, যিহেতু কৰবাণী গৰুৰে কৰিবই লাগিব বুলি কোনো বাধ্যবাধকতা নাই আৰু যিহেতু গৰুৰ সৈতে এই দেশৰ সংখ্যাগুৰু মানুহৰ ধৰ্মীয় আবেগ জড়িত, সেয়ে কুৰবাণীত বিকল্প জন্তু ব্যৱহাৰ কৰাটো আদৰণীয় কথা হ’ব।"
সেয়ে,সমাগত ঈদত যি জন্তু ব্যৱহাৰ কৰিলে আমাৰ পবিত্র ধর্মীয় কৰ্তব্য আদায় হয় আৰু কাৰো অনুভুতিত আঘাত নপৰে,তেনে জন্তু ব্যৱহাৰ কৰিবলৈ বদৰুদ্দিন আজমলে ইছলামধৰ্মী ৰাইজক সবিনয়ে অনুৰোধ জনাইছে।
ছাগলী বজাৰৰ প্ৰতিনিধিত্বমুলক ফটো
উল্লেখ্য যে, অহা ১০ জুলাই দেওবাৰে সমগ্র ভাৰতবৰ্ষৰ লগতে অসমতো পালন কৰা হব ঈদ-উজ জোহা। শুকুৰবাৰে এক বিবৃতিৰ জৰিয়তে কেন্দ্রীয় হিলাল কমিটী, অসমৰ সভাপতি মৌলানা ফখৰুদ্দিন আহমদ কাছিমী আৰু সম্পাদক প্রধান আলহাজ ইমদাদ হুছেইনে এই কথা ঘোষণা কৰিছে। কেন্দ্রীয় হিলাল কমিটীৰ তৰফৰ পৰা সদৌ অসমবাসী ৰাইজলৈ ঈদৰ শুভেচ্ছা জনাইছে।
.webp)
.webp)
.webp "প্ৰতিনিধিত্বমূলক ফটো")
.webp "আজাদী কা অমৃত মহোৎসৱ উপলক্ষে হোজাইত আজমল ফাউণ্ডেচনৰ বৃহৎ সমদল")
.webp "স্বৰ্ণকন্যা নয়নমণি শইকীয়াক মাতৃভূমিত উষ্ম আদৰণি")
.webp "শপত গ্ৰহণ অনুষ্ঠানত নীতিশ কুমাৰ, তেজস্বী যাদৱ")
FEATURED VIDEOS
Haj on foot
Sarjik Alam
Guru meeting
Azimullah Sheikh donates land for crematorium
Referee Jehrul Islam
Sakil Jamal shines
Bandiya - where women offer namaz with men
Birkuchi naamghar
Farhan