উল্লেখ্য যে, বীৰেন্দ্ৰ কুমাৰ ভট্টাচাৰ্য আৰু মামণি ৰয়ছম গোস্বামীৰ পিছত নীলমণি ফুকন হৈছে অসমীয়া সাহিত্যৰ তৃতীয়গৰাকী জ্ঞানপীঠ বঁটাবিজয়ী সাহিত্যিক। অসমীয়া কাব্য-সাহিত্যত ফুকনৰ উল্লেখযোগ্য সৃষ্টিসমূহৰ ভিতৰত ‘সূৰ্য হেনো নামি আহে এই নদীয়েদি’, ‘কবিতা’, 'নিৰ্জনতাৰ শব্দ' আৰু ‘গোলাপী জামুৰ লগ্ন’ পাঠক সমাজৰ মাজত অতিকৈ জনপ্ৰিয়।
১৯৯০ চনত ভাৰত চৰকাৰে পদ্মশ্ৰী সন্মানেৰে সন্মানিত কৰা ফুকনে ১৯৯১ চনত ছগনলাল জৈন বঁটা, ১৯৯৭ চনত অসম উপত্যকা সাহিত্য বঁটা আৰু ২০০২ চনত সাহিত্য অকাডেমিৰ ফালৰ পৰা শ্ৰেষ্ঠ সাহিত্যিক সন্মান সাহিত্য অকাডেমিৰ ফেল' লাভ কৰে৷ তদুপৰি, কবি ফুকনক ২০১৯ বৰ্ষৰ ১৯ আগষ্টত ডিব্ৰুগড় বিশ্ববিদ্যালয়ে সন্মানীয় 'ডি লীট' উপাধি প্ৰদান কৰিছিল ৷সাহিত্য সৃষ্টিৰে অসমৰ সমাজ জীৱনক ধন্য কৰা অন্যতম উজ্জ্বল নক্ষত্ৰ কাব্যঋষি নীলমণি ফুকনদেৱৰ পৰলোকপ্ৰাপ্তিৰ খবৰটিয়ে মোক শোকাহত কৰি তুলিছে। জ্ঞানপীঠ বঁটাৰে বিভূষিত ফুকনদেৱে অসমীয়া কবিতা-ভাষা-সাহিত্যৰ বৰপেৰা চহকী কৰাৰ লগতে সৃষ্টিশীলতাৰ অনন্য পৰিভাষা জাতিটোলৈ আগবঢ়াই গ'ল। pic.twitter.com/sboAX96J2q
— Himanta Biswa Sarma (@himantabiswa) January 19, 2023
