উত্তৰকাশী
উত্তৰাখণ্ডৰ উত্তৰকাশীত আৱদ্ধ হৈ থকা ৪১ জন শ্ৰমিকক উদ্ধাৰৰ প্ৰচেষ্টাৰ সম্পূৰ্ণ এসপ্তাহ উকলিছে। মুখ্যমন্ত্ৰী কাৰ্যালয়ে জানিবলৈ দিয়া অনুসৰি, প্ৰধানমন্ত্ৰী নৰেন্দ্ৰ মোদীয়ে উত্তৰাখণ্ডৰ মুখ্যমন্ত্ৰী পুষ্কৰ সিং ধামীৰ সৈতে টেলিফোনিক বাৰ্তালাপ কৰি সাহায্য আৰু উদ্ধাৰ অভিযান সন্দৰ্ভত তথ্য বিচাৰিছে।
কাৰ্যালয়ৰ এক বিবৃতিত কোৱা হৈছে যে, প্ৰধানমন্ত্ৰী মোদীয়ে কয় যে প্ৰয়োজনীয় উদ্ধাৰ সঁজুলি আৰু সম্পদ কেন্দ্ৰীয় চৰকাৰৰ দ্বাৰা যোগান ধৰা হৈছে। কেন্দ্ৰীয় আৰু ৰাজ্যিক সংস্থাসমূহৰ মাজত পাৰস্পৰিক সমন্বয় সাধন কৰি শ্ৰমিকসকলক নিৰাপদে উদ্ধাৰ কৰা হ’ব। আৱদ্ধ শ্ৰমিকৰ মনোবল বজাই ৰখাৰ প্ৰয়োজন।
সুৰংগটোত আবদ্ধ হৈ থকা শ্ৰমিকসকলক খাদ্য আৰু পানী যোগান ধৰাৰ উদ্দেশ্যে প্ৰায় ৪০ মিটাৰ দৈৰ্ঘ্যৰ ৬ ইঞ্চিৰ পাইপলাইন স্থাপন কৰিছে বিষয়াসকলে। সংবাদ সংস্থা পিটিআইৰ বাতৰি অনুসৰি দেওবাৰে সংস্থাসমূহে পৰৱৰ্তী পৰ্যায়ৰ বাবে প্ৰস্তুতি চলোৱাৰ সময়তে উদ্ধাৰৰ প্ৰচেষ্টা বন্ধ হৈ পৰে, য’ত ৪১ জন লোকৰ ওচৰলৈ যোৱাৰ বাবে বিভিন্ন উপায় ব্যৱহাৰ কৰা হয়।
বিষয়াসকলে দাবী কৰা মতে, সুৰংগটোৰ ভিতৰলৈ তললৈ উলম্ব খাদ এটা নিৰ্মাণ কৰিবলৈ এদিনতে পাহাৰৰ ওপৰলৈ যোৱা এটা পথ নিৰ্মাণ কৰা হৈছিল। ইয়াৰ উপৰিও তেহৰী জলবিদ্যুৎ উন্নয়ন নিগমে দেওবাৰে নিশা চৰ ধাম পথৰ নিৰ্মাণৰত সুৰংগটোৰ বৰকোট মূৰৰ পৰা মাইক্ৰ’ টানেলিং আৰম্ভ কৰাৰ পৰিকল্পনা কৰিছিল, যাৰ এটা অংশ ১২ নৱেম্বৰত ভাঙি পৰিছিল।
